១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៧០. បរិត្តារម្មណំ នហេតុំ ធម្មំ បដិច្ច បរិត្តារម្មណោ នហេតុ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា តីណិ, អារម្មណេ តីណិ, អធិបតិយា តីណិ…បេ… អវិគតេ តីណិ (សំខិត្តំ).

១៧១. បរិត្តារម្មណំ នហេតុំ ធម្មំ បដិច្ច បរិត្តារម្មណោ នហេតុ ធម្មោ ឧប្បជ្ជតិ នហេតុបច្ចយា (សំខិត្តំ).

នហេតុយា តីណិ, នអធិបតិយា តីណិ…បេ… នវិប្បយុត្តេ តីណិ (សំខិត្តំ).

ហេតុបច្ចយា នអធិបតិយា តីណិ (សំខិត្តំ).

នហេតុបច្ចយា អារម្មណេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

អារម្មណ-អធិបតិបច្ចយា

១៧២. បរិត្តារម្មណោ នហេតុ ធម្មោ បរិត្តារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. បរិត្តារម្មណោ នហេតុ ធម្មោ មហគ្គតារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. (២)

មហគ្គតារម្មណោ នហេតុ ធម្មោ មហគ្គតារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. មហគ្គតារម្មណោ នហេតុ ធម្មោ បរិត្តារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. (២)

អប្បមាណារម្មណោ នហេតុ ធម្មោ អប្បមាណារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. អប្បមាណារម្មណោ នហេតុ ធម្មោ បរិត្តារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. អប្បមាណារម្មណោ នហេតុ ធម្មោ មហគ្គតារម្មណស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

បរិត្តារម្មណោ នហេតុ ធម្មោ បរិត្តារម្មណស្ស នហេតុស្ស ធម្មស្ស អធិបតិបច្ចយេន បច្ចយោ (សំខិត្តំ).

១៧៣. អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, ឧបនិស្សយេ នវ…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

អារម្មណបច្ចយា នហេតុយា សត្ត (សំខិត្តំ).

នហេតុបច្ចយា អារម្មណេ សត្ត (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)