១-៦. បដិច្ចវារាទិ

បច្ចយចតុក្កំ

ហេតុបច្ចយោ

១៦២. បរិត្តំ នហេតុំ ធម្មំ បដិច្ច បរិត្តោ នហេតុ ធម្មោ ឧប្បជ្ជតិ ហេតុបច្ចយា… តីណិ.

មហគ្គតំ នហេតុំ ធម្មំ បដិច្ច មហគ្គតោ នហេតុ ធម្មោ ឧប្បជ្ជតិ ហេតុបច្ចយា. មហគ្គតំ នហេតុំ ធម្មំ បដិច្ច បរិត្តោ នហេតុ ធម្មោ ឧប្បជ្ជតិ ហេតុបច្ចយា. មហគ្គតំ នហេតុំ ធម្មំ បដិច្ច បរិត្តោ នហេតុ ច មហគ្គតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

អប្បមាណំ នហេតុំ ធម្មំ បដិច្ច អប្បមាណោ នហេតុ ធម្មោ ឧប្បជ្ជតិ ហេតុបច្ចយា. អប្បមាណំ នហេតុំ ធម្មំ បដិច្ច បរិត្តោ នហេតុ ធម្មោ ឧប្បជ្ជតិ ហេតុបច្ចយា. អប្បមាណំ នហេតុំ ធម្មំ បដិច្ច បរិត្តោ នហេតុ ច អប្បមាណោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

បរិត្តំ នហេតុញ្ច មហគ្គតំ នហេតុញ្ច ធម្មំ បដិច្ច បរិត្តោ នហេតុ ធម្មោ ឧប្បជ្ជតិ ហេតុបច្ចយា… តីណិ.

បរិត្តំ នហេតុញ្ច អប្បមាណំ នហេតុញ្ច ធម្មំ បដិច្ច បរិត្តោ នហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៦៣. ហេតុយា តេរស, អារម្មណេ បញ្ច, អធិបតិយា នវ…បេ… វិគតេ បញ្ច, អវិគតេ តេរស (សំខិត្តំ).

បច្ចនីយំ

នហេតុបច្ចយោ

១៦៤. បរិត្តំ នហេតុំ ធម្មំ បដិច្ច បរិត្តោ នហេតុ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)

នហេតុយា ឯកំ, នអារម្មណេ បញ្ច, នអធិបតិយា ទស…បេ… នោវិគតេ បញ្ច (សំខិត្តំ).

ហេតុបច្ចយា នអារម្មណេ បញ្ច (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)