៧. បញ្ហាវារោ

បច្ចយចតុក្កំ

១៦៥. បរិត្តោ នហេតុ ធម្មោ បរិត្តស្ស នហេតុស្ស ធម្មស្ស អារម្មណបច្ចយេន បច្ចយោ. បរិត្តោ នហេតុ ធម្មោ មហគ្គតស្ស នហេតុស្ស ធម្មស្ស អារម្មណបច្ចយេន បច្ចយោ. (២)

មហគ្គតោ នហេតុ ធម្មោ មហគ្គតស្ស នហេតុស្ស ធម្មស្ស អារម្មណបច្ចយេន បច្ចយោ. មហគ្គតោ នហេតុ ធម្មោ បរិត្តស្ស នហេតុស្ស ធម្មស្ស អារម្មណបច្ចយេន បច្ចយោ. (២)

អប្បមាណោ នហេតុ ធម្មោ អប្បមាណស្ស នហេតុស្ស ធម្មស្ស អារម្មណបច្ចយេន បច្ចយោ. អប្បមាណោ នហេតុ ធម្មោ បរិត្តស្ស នហេតុស្ស ធម្មស្ស អារម្មណបច្ចយេន បច្ចយោ. អប្បមាណោ នហេតុ ធម្មោ មហគ្គតស្ស នហេតុស្ស ធម្មស្ស អារម្មណបច្ចយេន បច្ចយោ. (៣)

បរិត្តោ នហេតុ ធម្មោ បរិត្តស្ស នហេតុស្ស ធម្មស្ស អធិបតិបច្ចយេន បច្ចយោ (សំខិត្តំ).

១៦៦. អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, សហជាតេ ឯកាទស, អញ្ញមញ្ញេ សត្ត, និស្សយេ តេរស, ឧបនិស្សយេ នវ…បេ… អវិគតេ តេរស (សំខិត្តំ).

នហេតុយា បន្នរស, នអារម្មណេ បន្នរស (សំខិត្តំ).

អារម្មណបច្ចយា នហេតុយា សត្ត (សំខិត្តំ).

នហេតុបច្ចយា អារម្មណេ សត្ត (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)