១-៧. បដិច្ចវារាទិ
បច្ចយចតុក្កំ
១៥៨. បរិត្តំ ហេតុំ ធម្មំ បដិច្ច បរិត្តោ ហេតុ ធម្មោ ឧប្បជ្ជតិ ហេតុបច្ចយា. (១)
មហគ្គតំ ហេតុំ ធម្មំ បដិច្ច មហគ្គតោ ហេតុ ធម្មោ ឧប្បជ្ជតិ ហេតុបច្ចយា. (១)
អប្បមាណំ ហេតុំ ធម្មំ បដិច្ច អប្បមាណោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)
ហេតុយា តីណិ, អារម្មណេ តីណិ…បេ… អវិគតេ តីណិ (សំខិត្តំ).
នអធិបតិយា តីណិ…បេ… នវិប្បយុត្តេ តីណិ (សំខិត្តំ).
(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)
ហេតុអារម្មណបច្ចយាទិ
១៥៩. បរិត្តោ ហេតុ ធម្មោ បរិត្តស្ស ហេតុស្ស ធម្មស្ស ហេតុបច្ចយេន បច្ចយោ. (១)
មហគ្គតោ ហេតុ ធម្មោ មហគ្គតស្ស ហេតុស្ស ធម្មស្ស ហេតុបច្ចយេន បច្ចយោ. (១)
អប្បមាណោ ហេតុ ធម្មោ អប្បមាណស្ស ហេតុស្ស ធម្មស្ស ហេតុបច្ចយេន បច្ចយោ. (១)
បរិត្តោ ហេតុ ធម្មោ បរិត្តស្ស ហេតុស្ស ធម្មស្ស អារម្មណបច្ចយេន បច្ចយោ. បរិត្តោ ហេតុ ធម្មោ មហគ្គតស្ស ហេតុស្ស ធម្មស្ស អារម្មណបច្ចយេន បច្ចយោ. (២)
មហគ្គតោ ហេតុ ធម្មោ មហគ្គតស្ស ហេតុស្ស ធម្មស្ស អារម្មណបច្ចយេន បច្ចយោ. មហគ្គតោ ហេតុ ធម្មោ បរិត្តស្ស ហេតុស្ស ធម្មស្ស អារម្មណបច្ចយេន បច្ចយោ. (២)
អប្បមាណោ ហេតុ ធម្មោ បរិត្តស្ស ហេតុស្ស ធម្មស្ស អារម្មណបច្ចយេន បច្ចយោ. អប្បមាណោ ហេតុ ធម្មោ មហគ្គតស្ស ហេតុស្ស ធម្មស្ស អារម្មណបច្ចយេន បច្ចយោ. (២)
១៦០. បរិត្តោ ហេតុ ធម្មោ បរិត្តស្ស ហេតុស្ស ធម្មស្ស អធិបតិបច្ចយេន បច្ចយោ. (១)
មហគ្គតោ ហេតុ ធម្មោ មហគ្គតស្ស ហេតុស្ស ធម្មស្ស អធិបតិបច្ចយេន បច្ចយោ. មហគ្គតោ ហេតុ ធម្មោ បរិត្តស្ស ហេតុស្ស ធម្មស្ស អធិបតិបច្ចយេន បច្ចយោ. (២)
អប្បមាណោ ហេតុ ធម្មោ អប្បមាណស្ស ហេតុស្ស ធម្មស្ស អធិបតិបច្ចយេន បច្ចយោ… ទ្វេ.
បរិត្តោ ហេតុ ធម្មោ បរិត្តស្ស ហេតុស្ស ធម្មស្ស អនន្តរបច្ចយេន បច្ចយោ. បរិត្តោ ហេតុ ធម្មោ មហគ្គតស្ស ហេតុស្ស ធម្មស្ស អនន្តរបច្ចយេន បច្ចយោ. បរិត្តោ ហេតុ ធម្មោ អប្បមាណស្ស ហេតុស្ស ធម្មស្ស អនន្តរបច្ចយេន បច្ចយោ. (៣)
មហគ្គតោ ហេតុ ធម្មោ មហគ្គតស្ស ហេតុស្ស ធម្មស្ស អនន្តរបច្ចយេន បច្ចយោ. មហគ្គតោ ហេតុ ធម្មោ បរិត្តស្ស ហេតុស្ស ធម្មស្ស អនន្តរបច្ចយេន បច្ចយោ. មហគ្គតោ ហេតុ ធម្មោ អប្បមាណស្ស ហេតុស្ស ធម្មស្ស អនន្តរបច្ចយេន បច្ចយោ. (៣)
អប្បមាណោ ហេតុ ធម្មោ អប្បមាណស្ស ហេតុស្ស ធម្មស្ស អនន្តរបច្ចយេន បច្ចយោ. អប្បមាណោ ហេតុ ធម្មោ បរិត្តស្ស ហេតុស្ស ធម្មស្ស អនន្តរបច្ចយេន បច្ចយោ. អប្បមាណោ ហេតុ ធម្មោ មហគ្គតស្ស ហេតុស្ស ធម្មស្ស អនន្តរបច្ចយេន បច្ចយោ. (៣)
បរិត្តោ ហេតុ ធម្មោ បរិត្តស្ស ហេតុស្ស ធម្មស្ស ឧបនិស្សយបច្ចយេន បច្ចយោ (សំខិត្តំ).
១៦១. ហេតុយា តីណិ, អារម្មណេ ឆ, អធិបតិយា បញ្ច, អនន្តរេ នវ, សមនន្តរេ នវ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ…បេ… អវិគតេ តីណិ (សំខិត្តំ).
នហេតុយា នវ, នអារម្មណេ នវ (សំខិត្តំ).
ហេតុបច្ចយា នអារម្មណេ តីណិ (សំខិត្តំ).
នហេតុបច្ចយា អារម្មណេ ឆ (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)