១-៦. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១៣៨. អាចយគាមិំ នហេតុំ ធម្មំ បដិច្ច អាចយគាមី នហេតុ ធម្មោ ឧប្បជ្ជតិ ហេតុបច្ចយា. អាចយគាមិំ នហេតុំ ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ ហេតុបច្ចយា. អាចយគាមិំ នហេតុំ ធម្មំ បដិច្ច អាចយគាមី នហេតុ ច នេវាចយគាមិនាបចយគាមី នហេតុ ច ធម្មា ឧប្បជ្ជន្តិ ហេតុបច្ចយា. (៣)

អបចយគាមិំ នហេតុំ ធម្មំ បដិច្ច អបចយគាមី នហេតុ ធម្មោ ឧប្បជ្ជតិ ហេតុបច្ចយា. អបចយគាមិំ នហេតុំ ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ ហេតុបច្ចយា. អបចយគាមិំ នហេតុំ ធម្មំ បដិច្ច អបចយគាមី នហេតុ ច នេវាចយគាមិនាបចយគាមី នហេតុ ច ធម្មា ឧប្បជ្ជន្តិ ហេតុបច្ចយា. (៣)

នេវាចយគាមិនាបចយគាមិំ នហេតុំ ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ ហេតុបច្ចយា. (១)

អាចយគាមិំ នហេតុញ្ច នេវាចយគាមិនាបចយគាមិំ នហេតុញ្ច ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ ហេតុបច្ចយា. (១)

អបចយគាមិំ នហេតុញ្ច នេវាចយគាមិនាបចយគាមិំ នហេតុញ្ច ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ ហេតុបច្ចយា. (១)

១៣៩. អាចយគាមិំ នហេតុំ ធម្មំ បដិច្ច អាចយគាមី នហេតុ ធម្មោ ឧប្បជ្ជតិ អារម្មណបច្ចយា. (១)

អបចយគាមិំ នហេតុំ ធម្មំ បដិច្ច អបចយគាមី នហេតុ ធម្មោ ឧប្បជ្ជតិ អារម្មណបច្ចយា. (១)

នេវាចយគាមិនាបចយគាមិំ នហេតុំ ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

ហេតុយា នវ, អារម្មណេ តីណិ, អធិបតិយា នវ…បេ… អវិគតេ នវ (សំខិត្តំ).

នហេតុ-នអារម្មណបច្ចយា

១៤០. នេវាចយគាមិនាបចយគាមិំ នហេតុំ ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ នហេតុបច្ចយា. (១)

អាចយគាមិំ នហេតុំ ធម្មំ បដិច្ច នេវាចយគាមិនាបចយគាមី នហេតុ ធម្មោ ឧប្បជ្ជតិ នអារម្មណបច្ចយា (សំខិត្តំ).

១៤១. នហេតុយា ឯកំ, នអារម្មណេ បញ្ច, នអធិបតិយា ឆ…បេ… នោវិគតេ បញ្ច (សំខិត្តំ).

ហេតុបច្ចយា នអារម្មណេ បញ្ច (សំខិត្តំ).

នហេតុបច្ចយា អារម្មណេ ឯកំ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេព្ពំ.)