៧. បញ្ហាវារោ
បច្ចយចតុក្កំ
១៤២. អាចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. អាចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. (២)
អបចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. អបចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. (២)
នេវាចយគាមិនាបចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. នេវាចយគាមិនាបចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. នេវាចយគាមិនាបចយគាមី នហេតុ ធម្មោ អបចយគាមិស្ស នហេតុស្ស ធម្មស្ស អារម្មណបច្ចយេន បច្ចយោ. (៣)
១៤៣. អាចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.
អបចយគាមី នហេតុ ធម្មោ អបចយគាមិស្ស នហេតុស្ស ធម្មស្ស អធិបតិបច្ចយេន បច្ចយោ. អបចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អធិបតិបច្ចយេន បច្ចយោ. អបចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អធិបតិបច្ចយេន បច្ចយោ. អបចយគាមី នហេតុ ធម្មោ អបចយគាមិស្ស នហេតុស្ស ច នេវាចយគាមិនាបចយគាមិស្ស នហេតុស្ស ច ធម្មស្ស អធិបតិបច្ចយេន បច្ចយោ. (៤)
១៤៤. នេវាចយគាមិនាបចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អធិបតិបច្ចយេន បច្ចយោ… តីណិ.
អាចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អនន្តរបច្ចយេន បច្ចយោ. អាចយគាមី នហេតុ ធម្មោ អបចយគាមិស្ស នហេតុស្ស ធម្មស្ស អនន្តរបច្ចយេន បច្ចយោ. អាចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អនន្តរបច្ចយេន បច្ចយោ. (៣)
អបចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អនន្តរបច្ចយេន បច្ចយោ. (១)
នេវាចយគាមិនាបចយគាមី នហេតុ ធម្មោ នេវាចយគាមិនាបចយគាមិស្ស នហេតុស្ស ធម្មស្ស អនន្តរបច្ចយេន បច្ចយោ. នេវាចយគាមិនាបចយគាមី នហេតុ ធម្មោ អាចយគាមិស្ស នហេតុស្ស ធម្មស្ស អនន្តរបច្ចយេន បច្ចយោ. (២)…បេ….
អាចយគាមី នហេតុ ធម្មោ អាចយគាមិស្ស នហេតុស្ស ធម្មស្ស ឧបនិស្សយបច្ចយេន បច្ចយោ (សំខិត្តំ).
១៤៥. អារម្មណេ សត្ត, អធិបតិយា ទស, អនន្តរេ ឆ សមនន្តរេ ឆ, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ នវ…បេ… អវិគតេ តេរស (សំខិត្តំ).
នហេតុយា បន្នរស, នអារម្មណេ បន្នរស (សំខិត្តំ).
អារម្មណបច្ចយា នហេតុយា សត្ត (សំខិត្តំ).
នហេតុបច្ចយា អារម្មណេ សត្ត (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)