១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៣២. អាចយគាមិំ ហេតុំ ធម្មំ បដិច្ច អាចយគាមី ហេតុ ធម្មោ ឧប្បជ្ជតិ ហេតុបច្ចយា. (១)

អបចយគាមិំ ហេតុំ ធម្មំ បដិច្ច អបចយគាមី ហេតុ ធម្មោ ឧប្បជ្ជតិ ហេតុបច្ចយា. (១)

នេវាចយគាមិនាបចយគាមិំ ហេតុំ ធម្មំ បដិច្ច នេវាចយគាមិនាបចយគាមី ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៣៣. ហេតុយា តីណិ, អារម្មណេ តីណិ, អធិបតិយា តីណិ (សព្ពត្ថ តីណិ).

នអធិបតិយា តីណិ, នអាសេវនេ ទ្វេ, នវិបាកេ តីណិ, នវិប្បយុត្តេ តីណិ (សំខិត្តំ).

ហេតុបច្ចយា នអធិបតិយា តីណិ (សំខិត្តំ).

នអធិបតិបច្ចយា ហេតុយា តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)

ហេតុអារម្មណបច្ចយាទិ

១៣៤. អាចយគាមី ហេតុ ធម្មោ អាចយគាមិស្ស ហេតុស្ស ធម្មស្ស ហេតុបច្ចយេន បច្ចយោ. (១)

អបចយគាមី ហេតុ ធម្មោ អបចយគាមិស្ស ហេតុស្ស ធម្មស្ស ហេតុបច្ចយេន បច្ចយោ. (១)

នេវាចយគាមិនាបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស ហេតុបច្ចយេន បច្ចយោ. (១)

អាចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អារម្មណបច្ចយេន បច្ចយោ. អាចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អារម្មណបច្ចយេន បច្ចយោ. (២)

អបចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អារម្មណបច្ចយេន បច្ចយោ. អបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អារម្មណបច្ចយេន បច្ចយោ. (២)

នេវាចយគាមិនាបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អារម្មណបច្ចយេន បច្ចយោ. នេវាចយគាមិនាបចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អារម្មណបច្ចយេន បច្ចយោ. (២)

១៣៥. អាចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. (១)

អបចយគាមី ហេតុ ធម្មោ អបចយគាមិស្ស ហេតុស្ស ធម្មស្ស អធិបតិបច្ចយេន បច្ចយោ – សហជាតាធិបតិ…. អបចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អធិបតិបច្ចយេន បច្ចយោ. អបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អធិបតិបច្ចយេន បច្ចយោ – អារម្មណាធិបតិ…. (៣)

នេវាចយគាមិនាបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អធិបតិបច្ចយេន បច្ចយោ. នេវាចយគាមិនាបចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អធិបតិបច្ចយេន បច្ចយោ.

១៣៦. អាចយគាមី ហេតុ ធម្មោ អាចយគាមិស្ស ហេតុស្ស ធម្មស្ស អនន្តរបច្ចយេន បច្ចយោ. អាចយគាមី ហេតុ ធម្មោ អបចយគាមិស្ស ហេតុស្ស ធម្មស្ស អនន្តរបច្ចយេន បច្ចយោ. អាចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អនន្តរបច្ចយេន បច្ចយោ. (៣)

អបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អនន្តរបច្ចយេន បច្ចយោ. (១)

នេវាចយគាមិនាបចយគាមី ហេតុ ធម្មោ នេវាចយគាមិនាបចយគាមិស្ស ហេតុស្ស ធម្មស្ស អនន្តរបច្ចយេន បច្ចយោ. (១) (សំខិត្តំ.)

១៣៧. ហេតុយា តីណិ, អារម្មណេ ឆ, អធិបតិយា ឆ, អនន្តរេ បញ្ច, សមនន្តរេ បញ្ច, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ អដ្ឋ, អាសេវនេ តីណិ, វិបាកេ ឯកំ…បេ… អវិគតេ តីណិ (សំខិត្តំ).

នហេតុយា អដ្ឋ, នអារម្មណេ អដ្ឋ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ ឆ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទំ