១-៦. បដិច្ចវារាទិ

បច្ចយចតុក្កំ

ហេតុ-អារម្មណបច្ចយា

១០៧. បីតិសហគតំ នហេតុំ ធម្មំ បដិច្ច បីតិសហគតោ នហេតុ ធម្មោ ឧប្បជ្ជតិ ហេតុបច្ចយា. បីតិសហគតំ នហេតុំ ធម្មំ បដិច្ច សុខសហគតោ នហេតុ ធម្មោ ឧប្បជ្ជតិ ហេតុបច្ចយា. បីតិសហគតំ នហេតុំ ធម្មំ បដិច្ច បីតិសហគតោ នហេតុ ច សុខសហគតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

សុខសហគតំ នហេតុំ ធម្មំ បដិច្ច សុខសហគតោ នហេតុ ធម្មោ ឧប្បជ្ជតិ ហេតុបច្ចយា. សុខសហគតំ នហេតុំ ធម្មំ បដិច្ច បីតិសហគតោ នហេតុ ធម្មោ ឧប្បជ្ជតិ ហេតុបច្ចយា. សុខសហគតំ នហេតុំ ធម្មំ បដិច្ច បីតិសហគតោ នហេតុ ច សុខសហគតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

ឧបេក្ខាសហគតំ នហេតុំ ធម្មំ បដិច្ច ឧបេក្ខាសហគតោ នហេតុធម្មោ ឧប្បជ្ជតិ ហេតុបច្ចយា. (១)

បីតិសហគតំ នហេតុញ្ច សុខសហគតំ នហេតុញ្ច ធម្មំ បដិច្ច បីតិសហគតោ នហេតុ ធម្មោ ឧប្បជ្ជតិ ហេតុបច្ចយា. បីតិសហគតំ នហេតុញ្ច សុខសហគតំ នហេតុញ្ច ធម្មំ បដិច្ច សុខសហគតោ នហេតុ ធម្មោ ឧប្បជ្ជតិ ហេតុបច្ចយា. បីតិសហគតំ នហេតុញ្ច សុខសហគតំ នហេតុញ្ច ធម្មំ បដិច្ច បីតិសហគតោ នហេតុ ច សុខសហគតោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

១០៨. បីតិសហគតំ នហេតុំ ធម្មំ បដិច្ច បីតិសហគតោ នហេតុ ធម្មោ ឧប្បជ្ជតិ អារម្មណបច្ចយា… តីណិ.

សុខសហគតំ នហេតុំ ធម្មំ បដិច្ច សុខសហគតោ នហេតុ ធម្មោ ឧប្បជ្ជតិ អារម្មណបច្ចយា… តីណិ.

ឧបេក្ខាសហគតំ នហេតុំ ធម្មំ បដិច្ច ឧបេក្ខាសហគតោ នហេតុ ធម្មោ ឧប្បជ្ជតិ អារម្មណបច្ចយា… ឯកំ.

បីតិសហគតំ នហេតុញ្ច សុខសហគតំ នហេតុញ្ច ធម្មំ បដិច្ច បីតិសហគតោ នហេតុ ធម្មោ ឧប្បជ្ជតិ អារម្មណបច្ចយា… តីណិ (សំខិត្តំ).

១០៩. ហេតុយា ទស, អារម្មណេ ទស, អធិបតិយា ទស, អនន្តរេ ទស…បេ… អវិគតេ ទស (សំខិត្តំ).

នហេតុយា ទស, នអធិបតិយា ទស (សំខិត្តំ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

នហេតុបទំ