៧. បញ្ហាវារោ

បច្ចយចតុក្កំ

អារម្មណបច្ចយាទិ

១១០. បីតិសហគតោ នហេតុ ធម្មោ បីតិសហគតស្ស នហេតុស្ស ធម្មស្ស អារម្មណបច្ចយេន បច្ចយោ. បីតិសហគតោ នហេតុ ធម្មោ សុខសហគតស្ស នហេតុស្ស ធម្មស្ស អារម្មណបច្ចយេន បច្ចយោ. បីតិសហគតោ នហេតុ ធម្មោ ឧបេក្ខាសហគតស្ស នហេតុស្ស ធម្មស្ស អារម្មណបច្ចយេន បច្ចយោ. បីតិសហគតោ នហេតុ ធម្មោ បីតិសហគតស្ស នហេតុស្ស ច សុខសហគតស្ស នហេតុស្ស ច ធម្មស្ស អារម្មណបច្ចយេន បច្ចយោ. (៤)

សុខសហគតោ នហេតុ ធម្មោ សុខសហគតស្ស នហេតុស្ស ធម្មស្ស អារម្មណបច្ចយេន បច្ចយោ. សុខសហគតោ នហេតុ ធម្មោ បីតិសហគតស្ស នហេតុស្ស ធម្មស្ស អារម្មណបច្ចយេន បច្ចយោ. សុខសហគតោ នហេតុ ធម្មោ ឧបេក្ខាសហគតស្ស នហេតុស្ស ធម្មស្ស អារម្មណបច្ចយេន បច្ចយោ. សុខសហគតោ នហេតុ ធម្មោ បីតិសហគតស្ស នហេតុស្ស ច សុខសហគតស្ស នហេតុស្ស ច ធម្មស្ស អារម្មណបច្ចយេន បច្ចយោ. (៤)

ឧបេក្ខាសហគតោ នហេតុ ធម្មោ ឧបេក្ខាសហគតស្ស នហេតុស្ស ធម្មស្ស អារម្មណបច្ចយេន បច្ចយោ. ឧបេក្ខាសហគតោ នហេតុ ធម្មោ បីតិសហគតស្ស នហេតុស្ស ធម្មស្ស អារម្មណបច្ចយេន បច្ចយោ. ឧបេក្ខាសហគតោ នហេតុ ធម្មោ សុខសហគតស្ស នហេតុស្ស ធម្មស្ស អារម្មណបច្ចយេន បច្ចយោ. ឧបេក្ខាសហគតោ នហេតុ ធម្មោ បីតិសហគតស្ស នហេតុស្ស ច សុខសហគតស្ស នហេតុស្ស ច ធម្មស្ស អារម្មណបច្ចយេន បច្ចយោ. (៤)

បីតិសហគតោ នហេតុ ច សុខសហគតោ នហេតុ ច ធម្មា បីតិសហគតស្ស នហេតុស្ស ធម្មស្ស អារម្មណបច្ចយេន បច្ចយោ… ចត្តារិ.

១១១. បីតិសហគតោ នហេតុ ធម្មោ បីតិសហគតស្ស នហេតុស្ស ធម្មស្ស អធិបតិបច្ចយេន បច្ចយោ… ចត្តារិ.

សុខសហគតោ នហេតុ ធម្មោ សុខសហគតស្ស នហេតុស្ស ធម្មស្ស អធិបតិបច្ចយេន បច្ចយោ… ចត្តារិ.

ឧបេក្ខាសហគតោ នហេតុ ធម្មោ ឧបេក្ខាសហគតស្ស នហេតុស្ស ធម្មស្ស អធិបតិបច្ចយេន បច្ចយោ… ចត្តារិ.

បីតិសហគតោ នហេតុ ច សុខសហគតោ នហេតុ ច ធម្មា បីតិសហគតស្ស នហេតុស្ស ធម្មស្ស អធិបតិបច្ចយេន បច្ចយោ… ចត្តារិ.

១១២. បីតិសហគតោ នហេតុ ធម្មោ បីតិសហគតស្ស នហេតុស្ស ធម្មស្ស អនន្តរបច្ចយេន បច្ចយោ…បេ… ឧបនិស្សយបច្ចយេន បច្ចយោ… ចត្តារិ.

សុខសហគតោ នហេតុ ធម្មោ សុខសហគតស្ស នហេតុស្ស ធម្មស្ស ឧបនិស្សយបច្ចយេន បច្ចយោ… ចត្តារិ.

ឧបេក្ខាសហគតោ នហេតុ ធម្មោ ឧបេក្ខាសហគតស្ស នហេតុស្ស ធម្មស្ស ឧបនិស្សយបច្ចយេន បច្ចយោ… ចត្តារិ.

បីតិសហគតោ នហេតុ ច សុខសហគតោ នហេតុ ច ធម្មា បីតិសហគតស្ស នហេតុស្ស ធម្មស្ស ឧបនិស្សយបច្ចយេន បច្ចយោ… ចត្តារិ (សំខិត្តំ).

១១៣. អារម្មណេ សោឡស, អធិបតិយា សោឡស, សហជាតេ ទស, អញ្ញមញ្ញេ ទស, និស្សយេ ទស, ឧបនិស្សយេ សោឡស, អាហារេ ទស…បេ… អវិគតេ ទស (សំខិត្តំ).

នហេតុយា សោឡស, នអារម្មណេ សោឡស, នអធិបតិយា សោឡស (សំខិត្តំ).

អារម្មណបច្ចយា នហេតុយា សោឡស (សំខិត្តំ).

នហេតុបច្ចយា អារម្មណេ សោឡស (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)