៧. បញ្ហាវារោ
បច្ចយចតុក្កំ
ហេតុអារម្មណបច្ចយាទិ
១០៤. បីតិសហគតោ ហេតុ ធម្មោ បីតិសហគតស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
សុខសហគតោ ហេតុ ធម្មោ សុខសហគតស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
ឧបេក្ខាសហគតោ ហេតុ ធម្មោ ឧបេក្ខាសហគតស្ស ហេតុស្ស ធម្មស្ស ហេតុបច្ចយេន បច្ចយោ… ឯកំ.
បីតិសហគតោ ហេតុ ច សុខសហគតោ ហេតុ ច ធម្មា បីតិសហគតស្ស ហេតុស្ស ធម្មស្ស ហេតុបច្ចយេន បច្ចយោ… តីណិ.
១០៥. បីតិសហគតោ ហេតុ ធម្មោ បីតិសហគតស្ស ហេតុស្ស ធម្មស្ស អារម្មណបច្ចយេន បច្ចយោ. បីតិសហគតោ ហេតុ ធម្មោ សុខសហគតស្ស ហេតុស្ស ធម្មស្ស អារម្មណបច្ចយេន បច្ចយោ. បីតិសហគតោ ហេតុ ធម្មោ ឧបេក្ខាសហគតស្ស ហេតុស្ស ធម្មស្ស អារម្មណបច្ចយេន បច្ចយោ. បីតិសហគតោ ហេតុ ធម្មោ បីតិសហគតស្ស ហេតុស្ស ច សុខសហគតស្ស ហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.
សុខសហគតោ ហេតុ ធម្មោ សុខសហគតស្ស ហេតុស្ស ធម្មស្ស អារម្មណបច្ចយេន បច្ចយោ. សុខសហគតោ ហេតុ ធម្មោ បីតិសហគតស្ស ហេតុស្ស ធម្មស្ស អារម្មណបច្ចយេន បច្ចយោ. សុខសហគតោ ហេតុ ធម្មោ ឧបេក្ខាសហគតស្ស ហេតុស្ស ធម្មស្ស អារម្មណបច្ចយេន បច្ចយោ. សុខសហគតោ ហេតុ ធម្មោ បីតិសហគតស្ស ហេតុស្ស ច សុខសហគតស្ស ហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.
ឧបេក្ខាសហគតោ ហេតុ ធម្មោ ឧបេក្ខាសហគតស្ស ហេតុស្ស ធម្មស្ស អារម្មណបច្ចយេន បច្ចយោ. ឧបេក្ខាសហគតោ ហេតុ ធម្មោ បីតិសហគតស្ស ហេតុស្ស ធម្មស្ស អារម្មណបច្ចយេន បច្ចយោ. ឧបេក្ខាសហគតោ ហេតុ ធម្មោ សុខសហគតស្ស ហេតុស្ស ធម្មស្ស អារម្មណបច្ចយេន បច្ចយោ. ឧបេក្ខាសហគតោ ហេតុ ធម្មោ បីតិសហគតស្ស ហេតុស្ស ច សុខសហគតស្ស ហេតុស្ស ច ធម្មស្ស អារម្មណបច្ចយេន បច្ចយោ… ចត្តារិ.
បីតិសហគតោ ហេតុ ច សុខសហគតោ ហេតុ ច ធម្មា បីតិសហគតស្ស ហេតុស្ស ធម្មស្ស អារម្មណបច្ចយេន បច្ចយោ… ចត្តារិ.
បីតិសហគតោ ហេតុ ធម្មោ បីតិសហគតស្ស ហេតុស្ស ធម្មស្ស អធិបតិបច្ចយេន បច្ចយោ.
១០៦. ហេតុយា ទស, អារម្មណេ សោឡស, អធិបតិយា សោឡស, អនន្តរេ សោឡស, សមនន្តរេ សោឡស, សហជាតេ ទស, អញ្ញមញ្ញេ ទស, និស្សយេ ទស, ឧបនិស្សយេ សោឡស…បេ… វិបាកេ ទស…បេ… អវិគតេ ទស (សំខិត្តំ).
នហេតុយា សោឡស, នអារម្មណេ សោឡស (សំខិត្តំ).
ហេតុបច្ចយា នអារម្មណេ ទស (សំខិត្តំ).
នហេតុបច្ចយា អារម្មណេ សោឡស (សំខិត្តំ).
(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)