១-៦. បដិច្ចវារាទិ

បច្ចយចតុក្កំ

១០២. បីតិសហគតំ ហេតុំ ធម្មំ បដិច្ច បីតិសហគតោ ហេតុ ធម្មោ ឧប្បជ្ជតិ ហេតុបច្ចយា… តីណិ.

សុខសហគតំ ហេតុំ ធម្មំ បដិច្ច សុខសហគតោ ហេតុ ធម្មោ ឧប្បជ្ជតិ ហេតុបច្ចយា… តីណិ.

ឧបេក្ខាសហគតំ ហេតុំ ធម្មំ បដិច្ច ឧបេក្ខាសហគតោ ហេតុ ធម្មោ ឧប្បជ្ជតិ ហេតុបច្ចយា… ឯកំ.

បីតិសហគតំ ហេតុញ្ច សុខសហគតំ ហេតុញ្ច ធម្មំ បដិច្ច បីតិសហគតោ ហេតុ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

១០៣. ហេតុយា ទស, អារម្មណេ ទស…បេ… អវិគតេ ទស (សំខិត្តំ).

នអធិបតិយា ទស, នបុរេជាតេ ទស, នបច្ឆាជាតេ ទស, នអាសេវនេ ទស, នវិបាកេ ទស, នវិប្បយុត្តេ ទស (សំខិត្តំ).

(សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)