១-៦. បដិច្ចវារាទិ

បច្ចយចតុក្កំ

៣៧. វិបាកំ ហេតុំ ធម្មំ បដិច្ច វិបាកោ ហេតុ ធម្មោ ឧប្បជ្ជតិ ហេតុបច្ចយា. (១)

វិបាកធម្មធម្មំ ហេតុំ ធម្មំ បដិច្ច វិបាកធម្មធម្មោ ហេតុ ធម្មោ ឧប្បជ្ជតិ ហេតុបច្ចយា. (១)

នេវវិបាកនវិបាកធម្មធម្មំ ហេតុំ ធម្មំ បដិច្ច នេវវិបាកនវិបាកធម្មធម្មោ ហេតុ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៣៨. ហេតុយា តីណិ, អារម្មណេ តីណិ…បេ… អាសេវនេ ទ្វេ, កម្មេ តីណិ, វិបាកេ ឯកំ…បេ… អវិគតេ តីណិ (សំខិត្តំ).

នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នវិបាកេ ទ្វេ, នវិប្បយុត្តេ តីណិ (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)