៧. បញ្ហាវារោ

បច្ចយចតុក្កំ

៣៩. វិបាកោ ហេតុ ធម្មោ វិបាកស្ស ហេតុស្ស ធម្មស្ស ហេតុបច្ចយេន បច្ចយោ. (១)

វិបាកធម្មធម្មោ ហេតុ ធម្មោ វិបាកធម្មធម្មស្ស ហេតុស្ស ធម្មស្ស ហេតុបច្ចយេន បច្ចយោ. (១)

នេវវិបាកនវិបាកធម្មធម្មោ ហេតុ ធម្មោ នេវវិបាកនវិបាកធម្មធម្មស្ស ហេតុស្ស ធម្មស្ស ហេតុបច្ចយេន បច្ចយោ. (១)

៤០. វិបាកោ ហេតុ ធម្មោ វិបាកស្ស ហេតុស្ស ធម្មស្ស អារម្មណបច្ចយេន បច្ចយោ. វិបាកោ ហេតុ ធម្មោ វិបាកធម្មធម្មស្ស ហេតុស្ស ធម្មស្ស អារម្មណបច្ចយេន បច្ចយោ. វិបាកោ ហេតុ ធម្មោ នេវវិបាកនវិបាកធម្មធម្មស្ស ហេតុស្ស ធម្មស្ស អារម្មណបច្ចយេន បច្ចយោ. (៣)

វិបាកធម្មធម្មោ ហេតុ ធម្មោ វិបាកធម្មធម្មស្ស ហេតុស្ស ធម្មស្ស អារម្មណបច្ចយេន បច្ចយោ. វិបាកធម្មធម្មោ ហេតុ ធម្មោ វិបាកស្ស ហេតុស្ស ធម្មស្ស អារម្មណបច្ចយេន បច្ចយោ. វិបាកធម្មធម្មោ ហេតុ ធម្មោ នេវវិបាកនវិបាកធម្មធម្មស្ស ហេតុស្ស ធម្មស្ស អារម្មណបច្ចយេន បច្ចយោ. (៣)

នេវវិបាកនវិបាកធម្មធម្មោ ហេតុ ធម្មោ នេវវិបាកនវិបាកធម្មធម្មស្ស ហេតុស្ស ធម្មស្ស អារម្មណបច្ចយេន បច្ចយោ… តីណិ.

៤១. វិបាកោ ហេតុ ធម្មោ វិបាកស្ស ហេតុស្ស ធម្មស្ស អធិបតិបច្ចយេន បច្ចយោ. វិបាកោ ហេតុ ធម្មោ វិបាកធម្មធម្មស្ស ហេតុស្ស ធម្មស្ស អធិបតិបច្ចយេន បច្ចយោ. វិបាកោ ហេតុ ធម្មោ នេវវិបាកនវិបាកធម្មធម្មស្ស ហេតុស្ស ធម្មស្ស អធិបតិបច្ចយេន បច្ចយោ … តីណិ.

វិបាកធម្មធម្មោ ហេតុ ធម្មោ វិបាកធម្មធម្មស្ស ហេតុស្ស ធម្មស្ស អធិបតិបច្ចយេន បច្ចយោ… ទ្វេ.

នេវវិបាកនវិបាកធម្មធម្មោ ហេតុ ធម្មោ នេវវិបាកនវិបាកធម្មធម្មស្ស ហេតុស្ស ធម្មស្ស អធិបតិបច្ចយេន បច្ចយោ. (១) (សំខិត្តំ.)

៤២. ហេតុយា តីណិ, អារម្មណេ នវ, អធិបតិយា ឆ, អនន្តរេ បញ្ច, សមនន្តរេ បញ្ច, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ ទ្វេ, វិបាកេ ឯកំ…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទបច្ចយចតុក្កំ

៤៣. វិបាកំ នហេតុំ ធម្មំ បដិច្ច វិបាកោ នហេតុ ធម្មោ ឧប្បជ្ជតិ ហេតុបច្ចយា. វិបាកំ នហេតុំ ធម្មំ បដិច្ច នេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកំ នហេតុំ ធម្មំ បដិច្ច វិបាកោ នហេតុ ច នេវវិបាកនវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

វិបាកធម្មធម្មំ នហេតុំ ធម្មំ បដិច្ច វិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ នហេតុំ ធម្មំ បដិច្ច នេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា. វិបាកធម្មធម្មំ នហេតុំ ធម្មំ បដិច្ច វិបាកធម្មធម្មោ នហេតុ ច នេវវិបាកនវិបាកធម្មធម្មោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

នេវវិបាកនវិបាកធម្មធម្មំ នហេតុំ ធម្មំ បដិច្ច នេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា… តីណិ.

វិបាកំ នហេតុញ្ច នេវវិបាកនវិបាកធម្មធម្មំ នហេតុញ្ច ធម្មំ បដិច្ច នេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា… តីណិ.

វិបាកធម្មធម្មំ នហេតុញ្ច នេវវិបាកនវិបាកធម្មធម្មំ នហេតុញ្ច ធម្មំ បដិច្ច នេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ ហេតុបច្ចយា (សំខិត្តំ).

៤៤. ហេតុយា តេរស, អារម្មណេ បញ្ច, អធិបតិយា នវ, អនន្តរេ បញ្ច, សមនន្តរេ បញ្ច, សហជាតេ តេរស, អញ្ញមញ្ញេ សត្ត, និស្សយេ តេរស, ឧបនិស្សយេ បញ្ច, បុរេជាតេ តីណិ, អាសេវនេ ទ្វេ, កម្មេ តេរស, វិបាកេ នវ, អាហារេ តេរស…បេ… សម្បយុត្តេ បញ្ច…បេ… អវិគតេ តេរស (សំខិត្តំ).

នហេតុ-នអារម្មណបច្ចយា

៤៥. វិបាកំ នហេតុំ ធម្មំ បដិច្ច វិបាកោ នហេតុ ធម្មោ ឧប្បជ្ជតិ នហេតុបច្ចយា… នវ.

វិបាកំ នហេតុំ ធម្មំ បដិច្ច នេវវិបាកនវិបាកធម្មធម្មោ នហេតុ ធម្មោ ឧប្បជ្ជតិ នអារម្មណបច្ចយា (សំខិត្តំ).

៤៦. នហេតុយា នវ, នអារម្មណេ បញ្ច, នអធិបតិយា តេរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ តេរស, នអាសេវនេ តេរស, នកម្មេ ទ្វេ, នវិបាកេ បញ្ច, នវិប្បយុត្តេ តីណិ…បេ… នោវិគតេ បញ្ច (សំខិត្តំ).

(សហជាតវារម្បិ…បេ… សម្បយុត្តវារម្បិ បដិច្ចវារសទិសំ វិត្ថារេតព្ពំ.)