១-៧. បដិច្ចវារាទិ

បច្ចយចតុក្កំ

ហេតុបច្ចយោ

៩៨. អនុបាទិន្នំ កុសលំ ធម្មំ បដិច្ច អនុបាទិន្នោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សព្ពត្ថ ឯកំ. សំខិត្តំ. សហជាតវារេបិ…បេ… បញ្ហាវារេបិ ឯកំ សប្បច្ចយកុសលសទិសំ).

៩៩. អនុបាទិន្នំ អកុសលំ ធម្មំ បដិច្ច អនុបាទិន្នោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ…បេ… អវិគតេ ឯកំ (សំខិត្តំ. សហជាតវារេបិ…បេ… បញ្ហាវារេបិ សព្ពត្ថ ឯកំ).

១០០. ឧបាទិន្នំ អព្យាកតំ ធម្មំ បដិច្ច ឧបាទិន្នោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

អនុបាទិន្នំ អព្យាកតំ ធម្មំ បដិច្ច អនុបាទិន្នោ អព្យាកតោ ធម្មោ ឧប្បជ្ជតិ ហេតុបច្ចយា. (១)

ឧបាទិន្នំ អព្យាកតញ្ច អនុបាទិន្នំ អព្យាកតញ្ច ធម្មំ បដិច្ច អនុបាទិន្នោ អព្យាកតោ ធម្មោ ឧប្បជ្ជតិ ហេតុបច្ចយា – ឧបាទិន្នេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១) (សំខិត្តំ.)

១០១. ហេតុយា បញ្ច, អារម្មណេ ទ្វេ, អធិបតិយា ឯកំ…បេ… បុរេជាតេ ទ្វេ, អាសេវនេ ឯកំ, កម្មេ បញ្ច, វិបាកេ បញ្ច…បេ… អវិគតេ បញ្ច (សំខិត្តំ).

នហេតុយា បញ្ច, នអារម្មណេ ចត្តារិ, នអធិបតិយា បញ្ច…បេ… នបុរេជាតេ ចត្តារិ, នបច្ឆាជាតេ នអាសេវនេ បញ្ច, នកម្មេ ឯកំ, នវិបាកេ ទ្វេ, នអាហារេ ទ្វេ, នឥន្ទ្រិយេ ទ្វេ, នឈានេ ទ្វេ, នមគ្គេ បញ្ច, នសម្បយុត្តេ ចត្តារិ, នវិប្បយុត្តេ ទ្វេ, នោនត្ថិយា ចត្តារិ, នោវិគតេ ចត្តារិ (សំខិត្តំ. សហជាតវារាទិ វិត្ថារេតព្ពោ).

ហេតុ-បុរេជាតបច្ចយា

១០២. ឧបាទិន្នោ អព្យាកតោ ធម្មោ ឧបាទិន្នស្ស អព្យាកតស្ស ធម្មស្ស ហេតុបច្ចយេន បច្ចយោ… តីណិ.

អនុបាទិន្នោ អព្យាកតោ ធម្មោ អនុបាទិន្នស្ស អព្យាកតស្ស ធម្មស្ស ហេតុបច្ចយេន បច្ចយោ. (១)

អនុបាទិន្នោ អព្យាកតោ ធម្មោ អនុបាទិន្នស្ស អព្យាកតស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ… ឯកំ.

ឧបាទិន្នោ អព្យាកតោ ធម្មោ ឧបាទិន្នស្ស អព្យាកតស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ (ទ្វេ បញ្ហា).

អនុបាទិន្នោ អព្យាកតោ ធម្មោ អនុបាទិន្នស្ស អព្យាកតស្ស ធម្មស្ស បុរេជាតបច្ចយេន បច្ចយោ… ទ្វេ (អារម្មណបុរេជាតំយេវ, ឃដនា ទ្វេ, អារម្មណបុរេជាតម្បិ វត្ថុបុរេជាតម្បិ).

១០៣. ហេតុយា ចត្តារិ, អារម្មណេ ចត្តារិ (ឧបាទិន្នមូលកេ ទ្វេ, អនុបាទិន្នមូលកេ ទ្វេ), អធិបតិយា ឯកំ, អនន្តរេ សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ចត្តារិ, បុរេជាតេ ឆ, បច្ឆាជាតេ ឆ, អាសេវនេ ឯកំ, កម្មេ ចត្តារិ, វិបាកេ ចត្តារិ, អាហារេ នវ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ ឆ, អត្ថិយា នវ, នត្ថិយា ចត្តារិ, វិគតេ ចត្តារិ, អវិគតេ នវ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

មហន្តរទុកកុសលត្តិកំ និដ្ឋិតំ.