៦៩-១. ឧបាទានទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

១. នោឧបាទានំ កុសលំ ធម្មំ បដិច្ច នោឧបាទានោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២. ឧបាទានំ អកុសលំ ធម្មំ បដិច្ច ឧបាទានោ អកុសលោ ធម្មោ ឧប្បជ្ជតិ ហេតុបច្ចយា. ឧបាទានំ អកុសលំ ធម្មំ បដិច្ច នោឧបាទានោ អកុសលោ ធម្មោ ឧប្បជ្ជតិ ហេតុបច្ចយា. ឧបាទានំ អកុសលំ ធម្មំ បដិច្ច ឧបាទានោ អកុសលោ ច នោឧបាទានោ អកុសលោ ច ធម្មា ឧប្បជ្ជន្តិ ហេតុបច្ចយា. (៣)

នោឧបាទានំ អកុសលំ ធម្មំ បដិច្ច នោឧបាទានោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានំ អកុសលញ្ច នោឧបាទានំ អកុសលញ្ច ធម្មំ បដិច្ច ឧបាទានោ អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣. ហេតុយា នវ, អារម្មណេ នវ (សព្ពត្ថ នវ), អវិគតេ នវ (សំខិត្តំ).

៤. នោឧបាទានំ អកុសលំ ធម្មំ បដិច្ច នោឧបាទានោ អកុសលោ ធម្មោ ឧប្បជ្ជតិ នហេតុបច្ចយា (សំខិត្តំ).

៥. នហេតុយា ឯកំ, នអធិបតិយា នវ, នបុរេជាតេ នវ…បេ… នកម្មេ តីណិ, នវិបាកេ នវ, នវិប្បយុត្តេ នវ (សំខិត្តំ. សហជាតវារាទិ វិត្ថារេតព្ពោ).

៦. ឧបាទានោ អកុសលោ ធម្មោ ឧបាទានស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៧. ហេតុយា នវ, អារម្មណេ នវ, អធិបតិយា នវ (នោឧបាទានមូលកេ តីណិ, សហជាតាធិបតិ), អនន្តរេ នវ…បេ… និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ (នោឧបាទានមូលកេ), អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ…បេ… អវិគតេ នវ (សំខិត្តំ).

៨. នោឧបាទានំ អព្យាកតំ ធម្មំ បដិច្ច នោឧបាទានោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

៩. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៧០-១. ឧបាទានិយទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១០. ឧបាទានិយំ កុសលំ ធម្មំ បដិច្ច ឧបាទានិយោ កុសលោ ធម្មោ ឧប្បជ្ជតិ ហេតុបច្ចយា. (១)

អនុបាទានិយំ កុសលំ ធម្មំ បដិច្ច អនុបាទានិយោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១១. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. លោកិយលោកុត្តរទុកកុសលសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ.)

១២. ឧបាទានិយំ អកុសលំ ធម្មំ បដិច្ច ឧបាទានិយោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១៣. ឧបាទានិយំ អព្យាកតំ ធម្មំ បដិច្ច ឧបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា. (១)

អនុបាទានិយំ អព្យាកតំ ធម្មំ បដិច្ច អនុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា. អនុបាទានិយំ អព្យាកតំ ធម្មំ បដិច្ច ឧបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា. អនុបាទានិយំ អព្យាកតំ ធម្មំ បដិច្ច ឧបាទានិយោ អព្យាកតោ ច អនុបាទានិយោ អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

ឧបាទានិយំ អព្យាកតញ្ច អនុបាទានិយំ អព្យាកតញ្ច ធម្មំ បដិច្ច ឧបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

១៤. ហេតុយា បញ្ច, អារម្មណេ ទ្វេ…បេ… អាសេវនេ ឯកំ…បេ… អវិគតេ បញ្ច (សំខិត្តំ. លោកិយទុកអព្យាកតសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

៧១-១. ឧបាទានសម្បយុត្តទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១៥. ឧបាទានវិប្បយុត្តំ កុសលំ ធម្មំ បដិច្ច ឧបាទានវិប្បយុត្តោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

១៦. ឧបាទានសម្បយុត្តំ អកុសលំ ធម្មំ បដិច្ច ឧបាទានសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានវិប្បយុត្តំ អកុសលំ ធម្មំ បដិច្ច ឧបាទានវិប្បយុត្តោ អកុសលោ ធម្មោ ឧប្បជ្ជតិ ហេតុបច្ចយា… ទ្វេ.

ឧបាទានសម្បយុត្តំ អកុសលញ្ច ឧបាទានវិប្បយុត្តំ អកុសលញ្ច ធម្មំ បដិច្ច ឧបាទានសម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

១៧. ហេតុយា ឆ, អារម្មណេ ឆ (សព្ពត្ថ ឆ), អវិគតេ ឆ (សំខិត្តំ).

នហេតុយា ឯកំ, នអធិបតិយា ឆ…បេ… នកម្មេ ចត្តារិ, នវិបាកេ ឆ, នវិប្បយុត្តេ ឆ (សំខិត្តំ. សហជាតវារាទិ វិត្ថារេតព្ពោ).

១៨. ឧបាទានសម្បយុត្តោ អកុសលោ ធម្មោ ឧបាទានសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ… តីណិ.

ឧបាទានវិប្បយុត្តោ អកុសលោ ធម្មោ ឧបាទានវិប្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ… ទ្វេ.

ឧបាទានសម្បយុត្តោ អកុសលោ ច ឧបាទានវិប្បយុត្តោ អកុសលោ ច ធម្មា ឧបាទានសម្បយុត្តស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

១៩. ហេតុយា ឆ, អារម្មណេ នវ, អធិបតិយា នវ (ឧបាទានសម្បយុត្តមូលកេ តីណិ, សហជាតាធិបតិ, ឧបាទានវិប្បយុត្តេ ឯកំ), អនន្តរេ នវ, សមនន្តរេ នវ, សហជាតេ ឆ, អញ្ញមញ្ញេ ឆ, និស្សយេ ឆ, ឧបនិស្សយេ នវ, អាសេវនេ នវ, កម្មេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ឆ, អត្ថិយា ឆ, នត្ថិយា នវ, វិគតេ នវ, អវិគតេ ឆ (សំខិត្តំ).

២០. ឧបាទានវិប្បយុត្តំ អព្យាកតំ ធម្មំ បដិច្ច ឧបាទានវិប្បយុត្តោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ).

៧២-១. ឧបាទានឧបាទានិយទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

២១. ឧបាទានិយញ្ចេវ នោ ច ឧបាទានំ កុសលំ ធម្មំ បដិច្ច ឧបាទានិយោ ចេវ នោ ច ឧបាទានោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២២. ឧបាទានញ្ចេវ ឧបាទានិយញ្ច អកុសលំ ធម្មំ បដិច្ច ឧបាទានោ ចេវ ឧបាទានិយោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានិយញ្ចេវ នោ ច ឧបាទានំ អកុសលំ ធម្មំ បដិច្ច ឧបាទានិយោ ចេវ នោ ច ឧបាទានោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានញ្ចេវ ឧបាទានិយំ អកុសលញ្ច ឧបាទានិយញ្ចេវ នោ ច ឧបាទានំ អកុសលញ្ច ធម្មំ បដិច្ច ឧបាទានោ ចេវ ឧបាទានិយោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

២៣. ហេតុយា នវ, អារម្មណេ នវ…បេ… អវិគតេ នវ (សំខិត្តំ. ឥមំ គមនំ ឧបាទានទុកអកុសលសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

២៤. ឧបាទានិយញ្ចេវ នោ ច ឧបាទានំ អព្យាកតំ ធម្មំ បដិច្ច ឧបាទានិយោ ចេវ នោ ច ឧបាទានោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

២៥. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៧៣-១. ឧបាទានឧបាទានសម្បយុត្តទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៦. ឧបាទានញ្ចេវ ឧបាទានសម្បយុត្តញ្ច អកុសលំ ធម្មំ បដិច្ច ឧបាទានោ ចេវ ឧបាទានសម្បយុត្តោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានសម្បយុត្តញ្ចេវ នោ ច ឧបាទានំ អកុសលំ ធម្មំ បដិច្ច ឧបាទានសម្បយុត្តោ ចេវ នោ ច ឧបាទានោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានញ្ចេវ ឧបាទានសម្បយុត្តំ អកុសលញ្ច ឧបាទានសម្បយុត្តញ្ចេវ នោ ច ឧបាទានំ អកុសលញ្ច ធម្មំ បដិច្ច ឧបាទានោ ចេវ ឧបាទានសម្បយុត្តោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

២៧. ហេតុយា នវ, អារម្មណេ នវ, អធិបតិយា នវ…បេ… អវិគតេ នវ (សំខិត្តំ). (ឥមំ គមនំ ឧបាទានទុកអកុសលសទិសំ. ឥធ បន ហេតុបច្ចយា ឥទំ នានំ. សហជាតវារេបិ…បេ… បញ្ហាវារេបិ សព្ពត្ថ នវ.)

៧៤-១. ឧបាទានវិប្បយុត្តឧបាទានិយទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៨. ឧបាទានវិប្បយុត្តំ ឧបាទានិយំ កុសលំ ធម្មំ បដិច្ច ឧបាទានវិប្បយុត្តោ ឧបាទានិយោ កុសលោ ធម្មោ ឧប្បជ្ជតិ ហេតុបច្ចយា. (១)

ឧបាទានវិប្បយុត្តំ អនុបាទានិយំ កុសលំ ធម្មំ បដិច្ច ឧបាទានវិប្បយុត្តោ អនុបាទានិយោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៩. ហេតុយា ទ្វេ, អារម្មណេ ទ្វេ…បេ… អវិគតេ ទ្វេ (សំខិត្តំ. លោកិយទុកកុសលសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

៣០. ឧបាទានវិប្បយុត្តំ ឧបាទានិយំ អកុសលំ ធម្មំ បដិច្ច ឧបាទានវិប្បយុត្តោ ឧបាទានិយោ អកុសលោ ធម្មោ ឧប្បជ្ជតិ ហេតុបច្ចយា (សព្ពត្ថ ឯកំ).

ឧបាទានវិប្បយុត្តំ ឧបាទានិយំ អព្យាកតំ ធម្មំ បដិច្ច ឧបាទានវិប្បយុត្តោ ឧបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា. (១)

ឧបាទានវិប្បយុត្តំ អនុបាទានិយំ អព្យាកតំ ធម្មំ បដិច្ច ឧបាទានវិប្បយុត្តោ អនុបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

ឧបាទានវិប្បយុត្តំ ឧបាទានិយំ អព្យាកតញ្ច ឧបាទានវិប្បយុត្តំ អនុបាទានិយំ អព្យាកតញ្ច ធម្មំ បដិច្ច ឧបាទានវិប្បយុត្តោ ឧបាទានិយោ អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៣១. ហេតុយា បញ្ច, អារម្មណេ ទ្វេ…បេ… អវិគតេ បញ្ច (សំខិត្តំ. លោកិយទុកអព្យាកតសទិសំ. សហជាតវារម្បិ…បេ… បញ្ហាវារម្បិ សព្ពត្ថ វិត្ថារេតព្ពំ).

ឧបាទានគោច្ឆកកុសលត្តិកំ និដ្ឋិតំ.