១. វិភង្គវារោ

ហេតុបច្ចយោ

៨៧. បរាមដ្ឋោ ចេវ នោ ច បរាមាសោ ធម្មោ បរាមដ្ឋស្ស ចេវ នោ ច បរាមាសស្ស ធម្មស្ស ហេតុបច្ចយេន បច្ចយោ – បរាមដ្ឋា ចេវ នោ ច បរាមាសា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

បរាមដ្ឋោ ចេវ នោ ច បរាមាសោ ធម្មោ បរាមាសស្ស ចេវ បរាមដ្ឋស្ស ច ធម្មស្ស ហេតុបច្ចយេន បច្ចយោ – បរាមដ្ឋា ចេវ នោ ច បរាមាសា ហេតូ បរាមាសស្ស ហេតុបច្ចយេន បច្ចយោ. (២)

បរាមដ្ឋោ ចេវ នោ ច បរាមាសោ ធម្មោ បរាមាសស្ស ចេវ បរាមដ្ឋស្ស ច បរាមដ្ឋស្ស ចេវ នោ ច បរាមាសស្ស ច ធម្មស្ស ហេតុបច្ចយេន បច្ចយោ – បរាមដ្ឋា ចេវ នោ ច បរាមាសា ហេតូ សម្បយុត្តកានំ ខន្ធានំ បរាមាសស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៨៨. បរាមាសោ ចេវ បរាមដ្ឋោ ច ធម្មោ បរាមាសស្ស ចេវ បរាមដ្ឋស្ស ច ធម្មស្ស អារម្មណបច្ចយេន បច្ចយោ… តីណិ (អារព្ភ កាតព្ពានិ បរាមាសទុកសទិសំ).

៨៩. បរាមដ្ឋោ ចេវ នោ ច បរាមាសោ ធម្មោ បរាមដ្ឋស្ស ចេវ នោ ច បរាមាសស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ, អស្សាទេតិ អភិនន្ទតិ, តំ អារព្ភ រាគោ…បេ… វិចិកិច្ឆា, ឧទ្ធច្ចំ, ទោមនស្សំ ឧប្បជ្ជតិ, បុព្ពេ…បេ… ឈានា…បេ… អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… វត្ថុំ បរាមដ្ឋេ ចេវ នោ ច បរាមាសេ ខន្ធេ អនិច្ចតោ…បេ… ទោមនស្សំ ឧប្បជ្ជតិ. ទិព្ពេន ចក្ខុនា រូបំ បស្សតិ (យាវ អាវជ្ជនា សព្ពំ កាតព្ពំ). (១)

បរាមដ្ឋោ ចេវ នោ ច បរាមាសោ ធម្មោ បរាមាសស្ស ចេវ បរាមដ្ឋស្ស ច ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ បរាមដ្ឋេ ចេវ នោ ច បរាមាសេ ខន្ធេ អស្សាទេតិ អភិនន្ទតិ, តំ អារព្ភ ទិដ្ឋិ ឧប្បជ្ជតិ. (២)

បរាមដ្ឋោ ចេវ នោ ច បរាមាសោ ធម្មោ បរាមាសស្ស ចេវ បរាមដ្ឋស្ស ច បរាមដ្ឋស្ស ចេវ នោ ច បរាមាសស្ស ច ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ បរាមដ្ឋេ ចេវ នោ ច បរាមាសេ ខន្ធេ អស្សាទេតិ អភិនន្ទតិ, តំ អារព្ភ បរាមាសោ ច សម្បយុត្តកា ច ខន្ធា ឧប្បជ្ជន្តិ. (៣)

(ឯវំ ឥតរេបិ តីណិ អារព្ភ កាតព្ពានិ. ឥមំ ទុកំ បរាមាសទុកសទិសំ. លោកុត្តរំ យហិំ ន លព្ភតិ តហិំ ន កាតព្ពំ.)

បរាមាសបរាមដ្ឋទុកំ និដ្ឋិតំ.