៩. បរាមាសគោច្ឆកំ

៥០. បរាមាសទុកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. បរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ ហេតុបច្ចយា – បរាមាសំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (១)

២. នោបរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ ហេតុបច្ចយា – នោបរាមាសំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អសញ្ញសត្តា មហាភូតា). (១)

នោបរាមាសំ ធម្មំ បដិច្ច បរាមាសោ ធម្មោ ឧប្បជ្ជតិ ហេតុបច្ចយា – នោបរាមាសេ ខន្ធេ បដិច្ច បរាមាសោ. (២)

នោបរាមាសំ ធម្មំ បដិច្ច បរាមាសោ ច នោបរាមាសោ ច ធម្មា ឧប្បជ្ជន្តិ ហេតុបច្ចយា – នោបរាមាសំ ឯកំ ខន្ធំ បដិច្ច តយោ ខន្ធា បរាមាសោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. បរាមាសញ្ច នោបរាមាសញ្ច ធម្មំ បដិច្ច នោបរាមាសោ ធម្មោ ឧប្បជ្ជតិ ហេតុបច្ចយា – នោបរាមាសំ ឯកំ ខន្ធញ្ច បរាមាសញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… បរាមាសេ ច មហាភូតេ ច បដិច្ច ចិត្តសមុដ្ឋានំ រូបំ. (១)

១. បច្ចយានុលោមំ

២. សង្ខ្យាវារោ

៤. ហេតុយា បញ្ច, អារម្មណេ បញ្ច (សព្ពត្ថ បញ្ច), វិបាកេ ឯកំ…បេ… អវិគតេ បញ្ច.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៥. នោបរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ នហេតុបច្ចយា – អហេតុកំ នោបរាមាសំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយោ

៦. បរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ នអារម្មណបច្ចយា – បរាមាសំ បដិច្ច ចិត្តសមុដ្ឋានំ រូបំ. (១)

នោបរាមាសំ ធម្មំ បដិច្ច នោបរាមាសោ ធម្មោ ឧប្បជ្ជតិ នអារម្មណបច្ចយា – នោបរាមាសេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (យាវ អសញ្ញសត្តា). (១)

បរាមាសញ្ច នោបរាមាសញ្ច ធម្មំ បដិច្ច នោបរាមាសោ ធម្មោ ឧប្បជ្ជតិ នអារម្មណបច្ចយា – បរាមាសញ្ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ. (១)

២. បច្ចយបច្ចនីយំ

២. សង្ខ្យាវារោ

សុទ្ធំ

៧. នហេតុយា ឯកំ, នអារម្មណេ តីណិ, នអធិបតិយា បញ្ច, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ បញ្ច, នបច្ឆាជាតេ បញ្ច, នអាសេវនេ បញ្ច, នកម្មេ តីណិ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ បញ្ច, នោនត្ថិយា តីណិ, នោវិគតេ តីណិ.

៣. បច្ចយានុលោមបច្ចនីយំ

ហេតុទុកំ

៨. ហេតុបច្ចយា នអារម្មណេ តីណិ, នអធិបតិយា បញ្ច…បេ… នវិបាកេ បញ្ច…បេ… នសម្បយុត្តេ តីណិ, នវិប្បយុត្តេ បញ្ច, នោនត្ថិយា តីណិ, នោវិគតេ តីណិ.

៤. បច្ចយបច្ចនីយានុលោមំ

នហេតុទុកំ

៩. នហេតុបច្ចយា អារម្មណេ ឯកំ, អនន្តរេ ឯកំ (សព្ពត្ថ ឯកំ), អវិគតេ ឯកំ.

២. សហជាតវារោ

(សហជាតវារោបិ បដិច្ចវារសទិសោ.)

៣. បច្ចយវារោ

១. បច្ចយានុលោមំ

១. វិភង្គវារោ

ហេតុបច្ចយោ

១០. បរាមាសំ ធម្មំ បច្ចយា នោបរាមាសោ ធម្មោ ឧប្បជ្ជតិ ហេតុបច្ចយា – បរាមាសំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ. (១)

នោបរាមាសំ ធម្មំ បច្ចយា នោបរាមាសោ ធម្មោ ឧប្បជ្ជតិ ហេតុបច្ចយា – នោបរាមាសំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អជ្ឈត្តិកា មហាភូតា), វត្ថុំ បច្ចយា នោបរាមាសា ខន្ធា. (១)

នោបរាមាសំ ធម្មំ បច្ចយា បរាមាសោ ធម្មោ ឧប្បជ្ជតិ ហេតុបច្ចយា – នោបរាមាសេ ខន្ធេ បច្ចយា បរាមាសោ, វត្ថុំ បច្ចយា បរាមាសោ. (២)

នោបរាមាសំ ធម្មំ បច្ចយា បរាមាសោ ច នោបរាមាសោ ច ធម្មា ឧប្បជ្ជន្តិ ហេតុបច្ចយា – នោបរាមាសំ ឯកំ ខន្ធំ បច្ចយា តយោ ខន្ធា បរាមាសោ ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វត្ថុំ បច្ចយា បរាមាសោ, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា បរាមាសោ ច សម្បយុត្តកា ច ខន្ធា. (៣)

១១. បរាមាសញ្ច នោបរាមាសញ្ច ធម្មំ បច្ចយា នោបរាមាសោ ធម្មោ ឧប្បជ្ជតិ ហេតុបច្ចយា – នោបរាមាសំ ឯកំ ខន្ធញ្ច បរាមាសញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… បរាមាសញ្ច សម្បយុត្តកេ ច ខន្ធេ បច្ចយា ចិត្តសមុដ្ឋានំ រូបំ, បរាមាសញ្ច មហាភូតេ ច បច្ចយា ចិត្តសមុដ្ឋានំ រូបំ, បរាមាសញ្ច វត្ថុញ្ច បច្ចយា នោបរាមាសា ខន្ធា (សំខិត្តំ). (១)

១. បច្ចយានុលោមំ

២. សង្ខ្យាវារោ

១២. ហេតុយា បញ្ច, អារម្មណេ បញ្ច, អធិបតិយា បញ្ច (សព្ពត្ថ បញ្ច), វិបាកេ ឯកំ…បេ… អវិគតេ បញ្ច.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៣. នោបរាមាសំ ធម្មំ បច្ចយា នោបរាមាសោ ធម្មោ ឧប្បជ្ជតិ នហេតុបច្ចយា – អហេតុកំ នោបរាមាសំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នោបរាមាសា ខន្ធា; វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ (សំខិត្តំ).

២. បច្ចយបច្ចនីយំ

២. សង្ខ្យាវារោ

សុទ្ធំ

១៤. នហេតុយា ឯកំ, នអារម្មណេ តីណិ, នអធិបតិយា បញ្ច, នអនន្តរេ តីណិ…បេ… នឧបនិស្សយេ តីណិ, នបុរេជាតេ បញ្ច, នបច្ឆាជាតេ បញ្ច, នអាសេវនេ បញ្ច, នកម្មេ តីណិ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ បញ្ច, នោនត្ថិយា តីណិ, នោវិគតេ តីណិ.

៣. បច្ចយានុលោមបច្ចនីយំ

១៥. ហេតុបច្ចយា នអារម្មណេ តីណិ, នអធិបតិយា បញ្ច (ឯវំ សព្ពត្ថ កាតព្ពំ).

៤. បច្ចយបច្ចនីយានុលោមំ

១៦. នហេតុបច្ចយា អារម្មណេ ឯកំ…បេ… អវិគតេ ឯកំ.

៤. និស្សយវារោ

(និស្សយវារោ បច្ចយវារសទិសោ.)

៥. សំសដ្ឋវារោ

បរាមាសំ ធម្មំ សំសដ្ឋោ នោបរាមាសោ ធម្មោ ឧប្បជ្ជតិ ហេតុបច្ចយា – បរាមាសំ សំសដ្ឋា សម្បយុត្តកា ខន្ធា (ឯវំ បញ្ច បញ្ហា កាតព្ពា អរូបេយេវ, សំសដ្ឋវារោបិ សម្បយុត្តវារោបិ ឯវំ កាតព្ពា).

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៧. នោបរាមាសោ ធម្មោ នោបរាមាសស្ស ធម្មស្ស ហេតុបច្ចយេន បច្ចយោ – នោបរាមាសា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

នោបរាមាសោ ធម្មោ បរាមាសស្ស ធម្មស្ស ហេតុបច្ចយេន បច្ចយោ – នោបរាមាសា ហេតូ បរាមាសស្ស ហេតុបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស ហេតុបច្ចយេន បច្ចយោ – នោបរាមាសា ហេតូ សម្បយុត្តកានំ ខន្ធានំ បរាមាសស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

១៨. បរាមាសោ ធម្មោ បរាមាសស្ស ធម្មស្ស អារម្មណបច្ចយេន បច្ចយោ – បរាមាសំ អារព្ភ បរាមាសោ ឧប្បជ្ជតិ. (មូលំ កាតព្ពំ) បរាមាសំ អារព្ភ នោបរាមាសា ខន្ធា ឧប្បជ្ជន្តិ. (មូលំ កាតព្ពំ) បរាមាសំ អារព្ភ បរាមាសោ ច សម្បយុត្តកា ច ខន្ធា ឧប្បជ្ជន្តិ. (៣)

១៩. នោបរាមាសោ ធម្មោ នោបរាមាសស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ, អស្សាទេតិ អភិនន្ទតិ, តំ អារព្ភ រាគោ…បេ… វិចិកិច្ឆា… ឧទ្ធច្ចំ… ទោមនស្សំ ឧប្បជ្ជតិ; បុព្ពេ សុចិណ្ណានិ …បេ… ឈានា វុដ្ឋហិត្វា ឈានំ…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា នោបរាមាសេ បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… វត្ថុំ នោបរាមាសេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ រាគោ…បេ… វិចិកិច្ឆា… ឧទ្ធច្ចំ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន នោបរាមាសចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… នោបរាមាសា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នោបរាមាសោ ធម្មោ បរាមាសស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… តំ អស្សាទេតិ អភិនន្ទតិ, តំ អារព្ភ ទិដ្ឋិ ឧប្បជ្ជតិ, បុព្ពេ…បេ… ឈានា…បេ… ចក្ខុំ…បេ… វត្ថុំ នោបរាមាសេ ខន្ធេ អស្សាទេតិ អភិនន្ទតិ, តំ អារព្ភ ទិដ្ឋិ ឧប្បជ្ជតិ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… តំ អស្សាទេតិ អភិនន្ទតិ, តំ អារព្ភ បរាមាសោ ច សម្បយុត្តកា ច ខន្ធា ឧប្បជ្ជន្តិ, បុព្ពេ…បេ… ឈានា …បេ… ចក្ខុំ…បេ… វត្ថុំ នោបរាមាសេ ខន្ធេ អស្សាទេតិ អភិនន្ទតិ, តំ អារព្ភ បរាមាសោ ច សម្បយុត្តកា ច ខន្ធា ឧប្បជ្ជន្តិ. (៣)

២០. បរាមាសោ ច នោបរាមាសោ ច ធម្មា បរាមាសស្ស ធម្មស្ស អារម្មណបច្ចយេន បច្ចយោ – បរាមាសញ្ច សម្បយុត្តកេ ច ខន្ធេ អារព្ភ បរាមាសោ ឧប្បជ្ជតិ… តីណិ.

អធិបតិបច្ចយោ

២១. បរាមាសោ ធម្មោ បរាមាសស្ស ធម្មស្ស អធិបតិបច្ចយេន បច្ចយោ – បរាមាសំ គរុំ កត្វា បរាមាសោ ឧប្បជ្ជតិ… តីណិ (អារម្មណាធិបតិយេវ កាតព្ពា).

២២. នោបរាមាសោ ធម្មោ នោបរាមាសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… តំ គរុំ កត្វា បច្ចវេក្ខតិ, អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, បុព្ពេ…បេ… ឈានា…បេ… អរិយា មគ្គា វុដ្ឋហិត្វា មគ្គំ គរុំ កត្វា…បេ… ផលំ គរុំ កត្វា…បេ… និព្ពានំ គរុំ កត្វា…បេ… និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ នោបរាមាសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ. សហជាតាធិបតិ – នោបរាមាសាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

នោបរាមាសោ ធម្មោ បរាមាសស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ នោបរាមាសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ទិដ្ឋិ ឧប្បជ្ជតិ. សហជាតាធិបតិ – នោបរាមាសាធិបតិ បរាមាសស្ស អធិបតិបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា …បេ… ចក្ខុំ…បេ… វត្ថុំ នោបរាមាសេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា បរាមាសោ ច សម្បយុត្តកា ច ខន្ធា ឧប្បជ្ជន្តិ. សហជាតាធិបតិ – នោបរាមាសាធិបតិ សម្បយុត្តកានំ ខន្ធានំ បរាមាសស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

បរាមាសោ ច នោបរាមាសោ ច ធម្មា បរាមាសស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – បរាមាសញ្ច សម្បយុត្តកេ ច ខន្ធេ គរុំ កត្វា បរាមាសោ… តីណិ.

អនន្តរបច្ចយោ

២៣. បរាមាសោ ធម្មោ បរាមាសស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ បរាមាសោ បច្ឆិមស្ស បច្ឆិមស្ស បរាមាសស្ស អនន្តរបច្ចយេន បច្ចយោ. (មូលំ កាតព្ពំ) បុរិមោ បុរិមោ បរាមាសោ បច្ឆិមានំ បច្ឆិមានំ នោបរាមាសានំ ខន្ធានំ អនន្តរបច្ចយេន បច្ចយោ; បរាមាសោ វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ) បុរិមោ បុរិមោ បរាមាសោ បច្ឆិមស្ស បច្ឆិមស្ស បរាមាសស្ស សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

២៤. នោបរាមាសោ ធម្មោ នោបរាមាសស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោបរាមាសា ខន្ធា បច្ឆិមានំ បច្ឆិមានំ នោបរាមាសានំ ខន្ធានំ អនន្តរបច្ចយេន បច្ចយោ…បេ… អនុលោមំ ផលសមាបត្តិយា អនន្តរបច្ចយេន បច្ចយោ. (មូលំ កាតព្ពំ) បុរិមា បុរិមា នោបរាមាសា ខន្ធា បច្ឆិមស្ស បច្ឆិមស្ស បរាមាសស្ស អនន្តរបច្ចយេន បច្ចយោ; អាវជ្ជនា បរាមាសស្ស អនន្តរបច្ចយេន បច្ចយោ. (មូលំ កាតព្ពំ) បុរិមា បុរិមា នោបរាមាសា ខន្ធា បច្ឆិមស្ស បច្ឆិមស្ស បរាមាសស្ស ច សម្បយុត្តកានញ្ច ខន្ធានំ អនន្តរបច្ចយេន បច្ចយោ; អាវជ្ជនា បរាមាសស្ស ច សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

២៥. បរាមាសោ ច នោបរាមាសោ ច ធម្មា បរាមាសស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ បរាមាសោ ច សម្បយុត្តកា ច ខន្ធា បច្ឆិមស្ស បច្ឆិមស្ស បរាមាសស្ស អនន្តរបច្ចយេន បច្ចយោ. (មូលំ កាតព្ពំ) បុរិមោ បុរិមោ បរាមាសោ ច សម្បយុត្តកា ច ខន្ធា បច្ឆិមានំ បច្ឆិមានំ នោបរាមាសានំ ខន្ធានំ អនន្តរបច្ចយេន បច្ចយោ; បរាមាសោ ច សម្បយុត្តកា ច ខន្ធា វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ) បុរិមោ បុរិមោ បរាមាសោ ច សម្បយុត្តកា ច ខន្ធា បច្ឆិមស្ស បច្ឆិមស្ស បរាមាសស្ស សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

សមនន្តរបច្ចយាទិ

២៦. បរាមាសោ ធម្មោ បរាមាសស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… បញ្ច.

ឧបនិស្សយបច្ចយោ

២៧. បរាមាសោ ធម្មោ បរាមាសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បរាមាសោ បរាមាសស្ស ឧបនិស្សយបច្ចយេន បច្ចយោ… តីណិ.

២៨. នោបរាមាសោ ធម្មោ នោបរាមាសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ… មានំ ជប្បេតិ… សីលំ…បេ… បញ្ញំ… រាគំ… ទោសំ… មោហំ… មានំ… បត្ថនំ… កាយិកំ សុខំ…បេ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ… បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ, សទ្ធាយ…បេ… បញ្ញាយ, រាគស្ស…បេ… បត្ថនាយ… កាយិកស្ស សុខស្ស…បេ… មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

នោបរាមាសោ ធម្មោ បរាមាសស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ, សីលំ…បេ… បញ្ញំ, រាគំ…បេ… បត្ថនំ, កាយិកំ សុខំ…បេ… សេនាសនំ ឧបនិស្សាយ ទិដ្ឋិំ គណ្ហាតិ; សទ្ធា…បេ… សេនាសនំ បរាមាសស្ស ឧបនិស្សយបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទិដ្ឋិំ គណ្ហាតិ, សីលំ…បេ… សេនាសនំ ឧបនិស្សាយ ទិដ្ឋិំ គណ្ហាតិ; សទ្ធា…បេ… សេនាសនំ បរាមាសស្ស សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ. (៣)

២៩. បរាមាសោ ច នោបរាមាសោ ច ធម្មា បរាមាសស្ស ធម្មស្ស ឧបនិស្សយបច្ចយេន បច្ចយោ – តីណិ ឧបនិស្សយា បរាមាសោ ច សម្បយុត្តកា ច ខន្ធា បរាមាសស្ស ឧបនិស្សយបច្ចយេន បច្ចយោ… តីណិ.

បុរេជាតបច្ចយោ

៣០. នោបរាមាសោ ធម្មោ នោបរាមាសស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ រាគោ…បេ… វិចិកិច្ឆា…បេ… ឧទ្ធច្ចំ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នោបរាមាសានំ ខន្ធានំ បុរេជាតបច្ចយេន បច្ចយោ. (១)

នោបរាមាសោ ធម្មោ បរាមាសស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ ទិដ្ឋិ ឧប្បជ្ជតិ. វត្ថុបុរេជាតំ – វត្ថុ បរាមាសស្ស បុរេជាតបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ បរាមាសោ ច សម្បយុត្តកា ច ខន្ធា ឧប្បជ្ជន្តិ. វត្ថុបុរេជាតំ – វត្ថុ បរាមាសស្ស ច សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

បច្ឆាជាតាសេវនបច្ចយា

៣១. បរាមាសោ ធម្មោ នោបរាមាសស្ស ធម្មស្ស បច្ឆាជាតបច្ចយេន បច្ចយោ… តីណិ (បច្ឆាជាតា កាតព្ពា)… អាសេវនបច្ចយេន បច្ចយោ… នវ.

កម្មបច្ចយោ

៣២. នោបរាមាសោ ធម្មោ នោបរាមាសស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នោបរាមាសា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នោបរាមាសា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (មូលំ កាតព្ពំ) នោបរាមាសា ចេតនា បរាមាសស្ស កម្មបច្ចយេន បច្ចយោ. (មូលំ កាតព្ពំ) នោបរាមាសា ចេតនា បរាមាសស្ស ច សម្បយុត្តកានញ្ច ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយាទិ

៣៣. នោបរាមាសោ ធម្មោ នោបរាមាសស្ស ធម្មស្ស វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… តីណិ, ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ.

បរាមាសោ ធម្មោ នោបរាមាសស្ស ធម្មស្ស មគ្គបច្ចយេន បច្ចយោ – បរាមាសានិ មគ្គង្គានិ…បេ… (ឯវំ បញ្ច បញ្ហា កាតព្ពា) សម្បយុត្តបច្ចយេន បច្ចយោ… បញ្ច.

វិប្បយុត្តបច្ចយោ

៣៤. បរាមាសោ ធម្មោ នោបរាមាសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

នោបរាមាសោ ធម្មោ នោបរាមាសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (១)

នោបរាមាសោ ធម្មោ បរាមាសស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ បរាមាសស្ស វិប្បយុត្តបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ បរាមាសស្ស ច សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ. (៣)

បរាមាសោ ច នោបរាមាសោ ច ធម្មា នោបរាមាសស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

អត្ថិបច្ចយោ

៣៥. បរាមាសោ ធម្មោ នោបរាមាសស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតោ – បរាមាសោ សម្បយុត្តកានញ្ច ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បច្ឆាជាតោ – បរាមាសោ បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (១)

៣៦. នោបរាមាសោ ធម្មោ នោបរាមាសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោបរាមាសោ ធម្មោ បរាមាសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតា – នោបរាមាសា ខន្ធា បរាមាសស្ស អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ ទិដ្ឋិ ឧប្បជ្ជតិ, វត្ថុ បរាមាសស្ស អត្ថិបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នោបរាមាសោ ឯកោ ខន្ធោ តិណ្ណន្នំ ខន្ធានំ បរាមាសស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ…. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ បរាមាសោ ច សម្បយុត្តកា ច ខន្ធា ឧប្បជ្ជន្តិ, វត្ថុ បរាមាសស្ស ច សម្បយុត្តកានញ្ច ខន្ធានំ អត្ថិបច្ចយេន បច្ចយោ. (៣)

៣៧. បរាមាសោ ច នោបរាមាសោ ច ធម្មា នោបរាមាសស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នោបរាមាសោ ឯកោ ខន្ធោ ច បរាមាសោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ… បរាមាសោ ច សម្បយុត្តកា ច ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ; បរាមាសោ ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; បរាមាសោ ច វត្ថុ ច នោបរាមាសានំ ខន្ធានំ អត្ថិបច្ចយេន បច្ចយោ. បច្ឆាជាតោ – បរាមាសោ ច សម្បយុត្តកា ច ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតោ – បរាមាសោ ច សម្បយុត្តកា ច ខន្ធា កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតោ – បរាមាសោ ច សម្បយុត្តកា ច ខន្ធា រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (១)

១. បច្ចយានុលោមំ

២. សង្ខ្យាវារោ

សុទ្ធំ

៣៨. ហេតុយា តីណិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ បញ្ច, សម្បយុត្តេ បញ្ច, វិប្បយុត្តេ បញ្ច, អត្ថិយា បញ្ច, នត្ថិយា នវ, វិគតេ នវ, អវិគតេ បញ្ច.

អនុលោមំ.

បច្ចនីយុទ្ធារោ

៣៩. បរាមាសោ ធម្មោ បរាមាសស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (១)

បរាមាសោ ធម្មោ នោបរាមាសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

បរាមាសោ ធម្មោ បរាមាសស្ស ច នោបរាមាសស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៣)

៤០. នោបរាមាសោ ធម្មោ នោបរាមាសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ … ឥន្ទ្រិយបច្ចយេន បច្ចយោ. (១)

នោបរាមាសោ ធម្មោ បរាមាសស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នោបរាមាសោ ធម្មោ បរាមាសស្ស ច នោបរាមាសស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

៤១. បរាមាសោ ច នោបរាមាសោ ច ធម្មា បរាមាសស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (១)

បរាមាសោ ច នោបរាមាសោ ច ធម្មា នោបរាមាសស្ស ធម្មស្ស អារម្មណបច្ចយេន បច្ចយោ … សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

បរាមាសោ ច នោបរាមាសោ ច ធម្មា បរាមាសស្ស ច នោបរាមាសស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៣)

២. បច្ចយបច្ចនីយំ

២. សង្ខ្យាវារោ

៤២. នហេតុយា នវ, នអារម្មណេ នវ (សព្ពត្ថ នវ), នោអវិគតេ នវ.

៣. បច្ចយានុលោមបច្ចនីយំ

៤៣. ហេតុបច្ចយា នអារម្មណេ តីណិ, នអធិបតិយា តីណិ, នអនន្តរេ តីណិ, នសមនន្តរេ តីណិ, នអញ្ញមញ្ញេ ឯកំ, នឧបនិស្សយេ តីណិ…បេ… នមគ្គេ តីណិ, នសម្បយុត្តេ ឯកំ, នវិប្បយុត្តេ តីណិ, នោនត្ថិយា តីណិ, នោវិគតេ តីណិ.

៤. បច្ចយបច្ចនីយានុលោមំ

៤៤. នហេតុបច្ចយា អារម្មណេ នវ, អធិបតិយា នវ (អនុលោមមាតិកា ) …បេ… អវិគតេ បញ្ច.

បរាមាសទុកំ និដ្ឋិតំ.

៥១. បរាមដ្ឋទុកំ

១-៧. បដិច្ចវារាទិ

១. បច្ចយានុលោមំ

១. វិភង្គវារោ

ហេតុបច្ចយោ

៤៥. បរាមដ្ឋំ ធម្មំ បដិច្ច បរាមដ្ឋោ ធម្មោ ឧប្បជ្ជតិ ហេតុបច្ចយា – បរាមដ្ឋំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អជ្ឈត្តិកា មហាភូតា).

បរាមដ្ឋំ ធម្មំ បដិច្ច…បេ… (បរាមដ្ឋទុកំ យថា ចូឡន្តរទុកេ លោកិយទុកំ ឯវំ កាតព្ពំ និន្នានាករណំ).

បរាមដ្ឋទុកំ និដ្ឋិតំ.

៥២. បរាមាសសម្បយុត្តទុកំ

១. បដិច្ចវារោ