១. វិភង្គវារោ

ហេតុបច្ចយោ

១០០. នីវរណោ ចេវ នីវរណសម្បយុត្តោ ច ធម្មោ នីវរណស្ស ចេវ នីវរណសម្បយុត្តស្ស ច ធម្មស្ស ហេតុបច្ចយេន បច្ចយោ – នីវរណា ចេវ នីវរណសម្បយុត្តា ច ហេតូ សម្បយុត្តកានំ នីវរណានំ ហេតុបច្ចយេន បច្ចយោ. (១)

នីវរណោ ចេវ នីវរណសម្បយុត្តោ ច ធម្មោ នីវរណសម្បយុត្តស្ស ចេវ នោ ច នីវរណស្ស ធម្មស្ស ហេតុបច្ចយេន បច្ចយោ – នីវរណា ចេវ នីវរណសម្បយុត្តា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (២)

នីវរណោ ចេវ នីវរណសម្បយុត្តោ ច ធម្មោ នីវរណស្ស ចេវ នីវរណសម្បយុត្តស្ស ច នីវរណសម្បយុត្តស្ស ចេវ នោ ច នីវរណស្ស ច ធម្មស្ស ហេតុបច្ចយេន បច្ចយោ – នីវរណា ចេវ នីវរណសម្បយុត្តា ច ហេតូ សម្បយុត្តកានំ ខន្ធានំ នីវរណានញ្ច ហេតុបច្ចយេន បច្ចយោ. (៣)

អារម្មណបច្ចយោ

១០១. នីវរណោ ចេវ នីវរណសម្បយុត្តោ ច ធម្មោ នីវរណស្ស ចេវ នីវរណសម្បយុត្តស្ស ច ធម្មស្ស អារម្មណបច្ចយេន បច្ចយោ – នីវរណេ អារព្ភ នីវរណា ឧប្បជ្ជន្តិ. (មូលំ កាតព្ពំ) នីវរណេ អារព្ភ នីវរណសម្បយុត្តា ចេវ នោ ច នីវរណា ខន្ធា ឧប្បជ្ជន្តិ. (មូលំ កាតព្ពំ) នីវរណេ អារព្ភ នីវរណា ច សម្បយុត្តកា ច ខន្ធា ឧប្បជ្ជន្តិ. (៣)

នីវរណសម្បយុត្តោ ចេវ នោ ច នីវរណោ ធម្មោ នីវរណសម្បយុត្តស្ស ចេវ នោ ច នីវរណស្ស ធម្មស្ស អារម្មណបច្ចយេន បច្ចយោ – នីវរណសម្បយុត្តេ ចេវ នោ ច នីវរណេ ខន្ធេ អារព្ភ នីវរណសម្បយុត្តា ចេវ នោ ច នីវរណា ខន្ធា ឧប្បជ្ជន្តិ. (មូលំ បុច្ឆិតព្ពំ) នីវរណសម្បយុត្តេ ចេវ នោ ច នីវរណេ ខន្ធេ អារព្ភ នីវរណា ឧប្បជ្ជន្តិ. (មូលំ បុច្ឆិតព្ពំ) នីវរណសម្បយុត្តេ ចេវ នោ ច នីវរណេ ខន្ធេ អារព្ភ នីវរណា ច សម្បយុត្តកា ច ខន្ធា ឧប្បជ្ជន្តិ. (៣)

នីវរណោ ចេវ នីវរណសម្បយុត្តោ ច នីវរណសម្បយុត្តោ ចេវ នោ ច នីវរណោ ច ធម្មា នីវរណស្ស ចេវ នីវរណសម្បយុត្តស្ស ច ធម្មស្ស អារម្មណបច្ចយេន បច្ចយោ… តីណិ. (៣)

អធិបតិបច្ចយាទិ

១០២. នីវរណោ ចេវ នីវរណសម្បយុត្តោ ច ធម្មោ នីវរណស្ស ចេវ នីវរណសម្បយុត្តស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (គរុការម្មណាយេវ).

នីវរណសម្បយុត្តោ ចេវ នោ ច នីវរណោ ធម្មោ នីវរណសម្បយុត្តស្ស ចេវ នោ ច នីវរណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ នីវរណសម្បយុត្តេ ចេវ នោ ច នីវរណេ ខន្ធេ គរុំ កត្វា នីវរណសម្បយុត្តា ចេវ នោ ច នីវរណា ខន្ធា ឧប្បជ្ជន្តិ. សហជាតាធិបតិ – នីវរណសម្បយុត្តា ចេវ នោ ច នីវរណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (មូលំ កាតព្ពំ) អារម្មណាធិបតិ – នីវរណសម្បយុត្តេ ចេវ នោ ច នីវរណេ ខន្ធេ គរុំ កត្វា នីវរណា ឧប្បជ្ជន្តិ. សហជាតាធិបតិ – នីវរណសម្បយុត្តា ចេវ នោ ច នីវរណាធិបតិ សម្បយុត្តកានំ នីវរណានំ អធិបតិបច្ចយេន បច្ចយោ. (មូលំ កាតព្ពំ) អារម្មណាធិបតិ – នីវរណសម្បយុត្តេ ចេវ នោ ច នីវរណេ ខន្ធេ គរុំ កត្វា នីវរណា ច សម្បយុត្តកា ច ខន្ធា ឧប្បជ្ជន្តិ. សហជាតាធិបតិ – នីវរណសម្បយុត្តា ចេវ នោ ច នីវរណាធិបតិ សម្បយុត្តកានំ ខន្ធានំ នីវរណានញ្ច អធិបតិបច្ចយេន បច្ចយោ. (៣)

១០៣. នីវរណោ ចេវ នីវរណសម្បយុត្តោ ច នីវរណសម្បយុត្តោ ចេវ នោ ច នីវរណោ ច ធម្មា នីវរណស្ស ចេវ នីវរណសម្បយុត្តស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ. (៣)

អនន្តរបច្ចយេន បច្ចយោ (អាវជ្ជនាបិ វុដ្ឋានម្បិ នត្ថិ, សព្ពត្ថ បុរិមា បុរិមា កាតព្ពា)… សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ… ឧបនិស្សយបច្ចយេន បច្ចយោ… នវ (អារម្មណសទិសំ, វិបាកោ នត្ថិ)… អាសេវនបច្ចយេន បច្ចយោ… បញ្ច.

កម្មបច្ចយោ

១០៤. នីវរណសម្បយុត្តោ ចេវ នោ ច នីវរណោ ធម្មោ នីវរណសម្បយុត្តស្ស ចេវ នោ ច នីវរណស្ស ធម្មស្ស កម្មបច្ចយេន បច្ចយោ – នីវរណសម្បយុត្តា ចេវ នោ ច នីវរណា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (មូលំ កាតព្ពំ) នីវរណសម្បយុត្តា ចេវ នោ ច នីវរណា ចេតនា សម្បយុត្តកានំ នីវរណានំ កម្មបច្ចយេន បច្ចយោ. (មូលំ កាតព្ពំ) នីវរណសម្បយុត្តា ចេវ នោ ច នីវរណា ចេតនា សម្បយុត្តកានំ ខន្ធានំ នីវរណានញ្ច កម្មបច្ចយេន បច្ចយោ. (៣)

អាហារបច្ចយាទិ

១០៥. នីវរណសម្បយុត្តោ ចេវ នោ ច នីវរណោ ធម្មោ នីវរណសម្បយុត្តស្ស ចេវ នោ ច នីវរណស្ស ធម្មស្ស អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… តីណិ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… នវ… វិគតបច្ចយេន បច្ចយោ… នវ… អវិគតបច្ចយេន បច្ចយោ … នវ.