៨. នីវរណគោច្ឆកំ

៤៤. នីវរណទុកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. នីវរណំ ធម្មំ បដិច្ច នីវរណោ ធម្មោ ឧប្បជ្ជតិ ហេតុបច្ចយា – កាមច្ឆន្ទនីវរណំ បដិច្ច ថិនមិទ្ធនីវរណំ [ថីនមិទ្ធនីវរណំ (ស្យា.)] ឧទ្ធច្ចនីវរណំ អវិជ្ជានីវរណំ, កាមច្ឆន្ទនីវរណំ បដិច្ច ឧទ្ធច្ចនីវរណំ អវិជ្ជានីវរណំ, ព្យាបាទនីវរណំ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ, ព្យាបាទនីវរណំ បដិច្ច ឧទ្ធច្ចនីវរណំ អវិជ្ជានីវរណំ, ព្យាបាទនីវរណំ បដិច្ច ថិនមិទ្ធនីវរណំ ឧទ្ធច្ចនីវរណំ កុក្កុច្ចនីវរណំ អវិជ្ជានីវរណំ, ព្យាបាទនីវរណំ បដិច្ច ឧទ្ធច្ចនីវរណំ កុក្កុច្ចនីវរណំ អវិជ្ជានីវរណំ, វិចិកិច្ឆានីវរណំ បដិច្ច ឧទ្ធច្ចនីវរណំ, ឧទ្ធច្ចនីវរណំ បដិច្ច អវិជ្ជានីវរណំ. (១)

នីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ ហេតុបច្ចយា – នីវរណេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (២)

នីវរណំ ធម្មំ បដិច្ច នីវរណោ ច នោនីវរណោ ច ធម្មា ឧប្បជ្ជន្តិ ហេតុបច្ចយា – កាមច្ឆន្ទនីវរណំ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ សម្បយុត្តកា ច ខន្ធា ចិត្តសមុដ្ឋានញ្ច រូបំ (ចក្កំ). (៣)

២. នោនីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ ហេតុបច្ចយា – នោនីវរណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

នោនីវរណំ ធម្មំ បដិច្ច នីវរណោ ធម្មោ ឧប្បជ្ជតិ ហេតុបច្ចយា – នោនីវរណេ ខន្ធេ បដិច្ច នីវរណា. (២)

នោនីវរណំ ធម្មំ បដិច្ច នីវរណោ ច នោនីវរណោ ច ធម្មា ឧប្បជ្ជន្តិ ហេតុបច្ចយា – នោនីវរណំ ឯកំ ខន្ធំ បដិច្ច តយោ ខន្ធា នីវរណា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

៣. នីវរណញ្ច នោនីវរណញ្ច ធម្មំ បដិច្ច នីវរណោ ធម្មោ ឧប្បជ្ជតិ ហេតុបច្ចយា – កាមច្ឆន្ទនីវរណញ្ច សម្បយុត្តកេ ច ខន្ធេ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ). (១)

នីវរណញ្ច នោនីវរណញ្ច ធម្មំ បដិច្ច នោនីវរណោ ធម្មោ ឧប្បជ្ជតិ ហេតុបច្ចយា – នោនីវរណំ ឯកំ ខន្ធញ្ច នីវរណញ្ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… នីវរណេ ច មហាភូតេ ច បដិច្ច ចិត្តសមុដ្ឋានំ រូបំ. (២)

នីវរណញ្ច នោនីវរណញ្ច ធម្មំ បដិច្ច នីវរណោ ច នោនីវរណោ ច ធម្មា ឧប្បជ្ជន្តិ ហេតុបច្ចយា – នោនីវរណំ ឯកំ ខន្ធញ្ច កាមច្ឆន្ទនីវរណញ្ច បដិច្ច តយោ ខន្ធា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ…បេ… ទ្វេ ខន្ធេ ច…បេ… (ចក្កំ. សំខិត្តំ). (៣)

១. បច្ចយានុលោមំ

២. សង្ខ្យាវារោ

សុទ្ធំ

៤. ហេតុយា នវ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ (សព្ពត្ថ នវ), វិបាកេ ឯកំ, អាហារេ នវ…បេ… អវិគតេ នវ.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៥. នីវរណំ ធម្មំ បដិច្ច នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណំ បដិច្ច អវិជ្ជានីវរណំ, ឧទ្ធច្ចនីវរណំ បដិច្ច អវិជ្ជានីវរណំ. (១)

នោនីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ នហេតុបច្ចយា – អហេតុកំ នោនីវរណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា). (១)

នោនីវរណំ ធម្មំ បដិច្ច នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច អវិជ្ជានីវរណំ. (២)

៦. នីវរណញ្ច នោនីវរណញ្ច ធម្មំ បដិច្ច នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណញ្ច សម្បយុត្តកេ ច ខន្ធេ បដិច្ច អវិជ្ជានីវរណំ, ឧទ្ធច្ចនីវរណញ្ច សម្បយុត្តកេ ច ខន្ធេ បដិច្ច អវិជ្ជានីវរណំ. (១)

នអារម្មណបច្ចយាទិ

៧. នីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ នអារម្មណបច្ចយា – នីវរណេ បដិច្ច ចិត្តសមុដ្ឋានំ រូបំ. (១)

នោនីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ នអារម្មណបច្ចយា – នោនីវរណេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ… (យាវ អសញ្ញសត្តា). (១)

នីវរណញ្ច នោនីវរណញ្ច ធម្មំ បដិច្ច នោនីវរណោ ធម្មោ ឧប្បជ្ជតិ នអារម្មណបច្ចយា – នីវរណេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ (សំខិត្តំ)… នអធិបតិបច្ចយា… នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា.

នបុរេជាតបច្ចយោ

៨. នីវរណំ ធម្មំ បដិច្ច នីវរណោ ធម្មោ ឧប្បជ្ជតិ នបុរេជាតបច្ចយា – អរូបេ កាមច្ឆន្ទនីវរណំ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ, អរូបេ កាមច្ឆន្ទនីវរណំ បដិច្ច ឧទ្ធច្ចនីវរណំ អវិជ្ជានីវរណំ, អរូបេ វិចិកិច្ឆានីវរណំ បដិច្ច ឧទ្ធច្ចនីវរណំ អវិជ្ជានីវរណំ, អរូបេ ឧទ្ធច្ចនីវរណំ បដិច្ច អវិជ្ជានីវរណំ. (១)

នីវរណំ ធម្មំ បដិច្ច នោនីវរណោ ធម្មោ ឧប្បជ្ជតិ នបុរេជាតបច្ចយា – អរូបេ នីវរណេ បដិច្ច សម្បយុត្តកា ខន្ធា, នីវរណេ បដិច្ច ចិត្តសមុដ្ឋានំ រូបំ. (អវសេសា បញ្ហា សព្ពេ វិត្ថារេតព្ពា. អរូបំ បឋមំ កាតព្ពំ, រូបំ បច្ឆា យថា លភតិ.)

៩. នីវរណញ្ច នោនីវរណញ្ច ធម្មំ បដិច្ច នីវរណោ ធម្មោ ឧប្បជ្ជតិ នបុរេជាតបច្ចយា – អរូបេ នោនីវរណេ ខន្ធេ ច កាមច្ឆន្ទនីវរណញ្ច បដិច្ច ថិនមិទ្ធនីវរណំ ឧទ្ធច្ចនីវរណំ (ចក្កំ). (១)

នីវរណញ្ច នោនីវរណញ្ច ធម្មំ បដិច្ច នោនីវរណោ ធម្មោ ឧប្បជ្ជតិ នបុរេជាតបច្ចយា – អរូបេ នោនីវរណំ ឯកំ ខន្ធញ្ច នីវរណេ ច បដិច្ច តយោ ខន្ធា…បេ… ទ្វេ ខន្ធេ ច…បេ… នីវរណេ ច សម្បយុត្តកេ ច ខន្ធេ បដិច្ច ចិត្តសមុដ្ឋានំ រូបំ, នីវរណេ ច មហាភូតេ ច បដិច្ច ចិត្តសមុដ្ឋានំ រូបំ. (២)

នីវរណញ្ច នោនីវរណញ្ច ធម្មំ បដិច្ច នីវរណោ ច នោនីវរណោ ច ធម្មា ឧប្បជ្ជន្តិ នបុរេជាតបច្ចយា – អរូបេ នោនីវរណំ ឯកំ ខន្ធញ្ច កាមច្ឆន្ទនីវរណញ្ច បដិច្ច តយោ ខន្ធា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ. សំខិត្តំ). (៣)

២. បច្ចយបច្ចនីយំ

២. សង្ខ្យាវារោ

សុទ្ធំ

១០. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

៣. បច្ចយានុលោមបច្ចនីយំ

១១. ហេតុបច្ចយា នអារម្មណេ តីណិ, នអធិបតិយា នវ (សំខិត្តំ).

៤. បច្ចយបច្ចនីយានុលោមំ

១២. នហេតុបច្ចយា អារម្មណេ ចត្តារិ…បេ… មគ្គេ តីណិ…បេ… អវិគតេ ចត្តារិ.

២. សហជាតវារោ

(សហជាតវារោបិ ឯវំ វិត្ថារេតព្ពោ).

៣. បច្ចយវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៣. នីវរណំ ធម្មំ បច្ចយា នីវរណោ ធម្មោ ឧប្បជ្ជតិ ហេតុបច្ចយា… តីណិ.

នោនីវរណំ ធម្មំ បច្ចយា នោនីវរណោ ធម្មោ ឧប្បជ្ជតិ ហេតុបច្ចយា – នោនីវរណំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… (យាវ អជ្ឈត្តិកា មហាភូតា), វត្ថុំ បច្ចយា នោនីវរណា ខន្ធា. (១)

នោនីវរណំ ធម្មំ បច្ចយា នីវរណោ ធម្មោ ឧប្បជ្ជតិ ហេតុបច្ចយា – នោនីវរណេ ខន្ធេ បច្ចយា នីវរណា, វត្ថុំ បច្ចយា នីវរណា. (២)

នោនីវរណំ ធម្មំ បច្ចយា នីវរណោ ច នោនីវរណោ ច ធម្មា ឧប្បជ្ជន្តិ ហេតុបច្ចយា – នោនីវរណំ ឯកំ ខន្ធំ បច្ចយា តយោ ខន្ធា នីវរណា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វត្ថុំ បច្ចយា នីវរណា, មហាភូតេ បច្ចយា ចិត្តសមុដ្ឋានំ រូបំ, វត្ថុំ បច្ចយា នីវរណា ច សម្បយុត្តកា ច ខន្ធា. (៣)

១៤. នីវរណញ្ច នោនីវរណញ្ច ធម្មំ បច្ចយា នីវរណោ ធម្មោ ឧប្បជ្ជតិ ហេតុបច្ចយា – កាមច្ឆន្ទនីវរណញ្ច សម្បយុត្តកេ ច ខន្ធេ បច្ចយា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ). កាមច្ឆន្ទនីវរណញ្ច វត្ថុញ្ច បច្ចយា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ). (១)

នីវរណញ្ច នោនីវរណញ្ច ធម្មំ បច្ចយា នោនីវរណោ ធម្មោ ឧប្បជ្ជតិ ហេតុបច្ចយា – នោនីវរណំ ឯកំ ខន្ធញ្ច នីវរណញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… នីវរណញ្ច វត្ថុញ្ច បច្ចយា សម្បយុត្តកា ខន្ធា, នីវរណញ្ច សម្បយុត្តកេ ច ខន្ធេ បច្ចយា ចិត្តសមុដ្ឋានំ រូបំ, នីវរណេ ច មហាភូតេ ច បច្ចយា ចិត្តសមុដ្ឋានំ រូបំ. (២)

នីវរណញ្ច នោនីវរណញ្ច ធម្មំ បច្ចយា នីវរណោ ច នោនីវរណោ ច ធម្មា ឧប្បជ្ជន្តិ ហេតុបច្ចយា – នោនីវរណំ ឯកំ ខន្ធញ្ច កាមច្ឆន្ទនីវរណញ្ច បច្ចយា តយោ ខន្ធា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ…បេ… ទ្វេ ខន្ធេ …បេ… (ចក្កំ). កាមច្ឆន្ទនីវរណញ្ច វត្ថុញ្ច បច្ចយា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ សម្បយុត្តកា ច ខន្ធា (ចក្កំ. សំខិត្តំ). (៣)

១. បច្ចយានុលោមំ

២. សង្ខ្យាវារោ

១៥. ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ…បេ… អវិគតេ នវ.

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៦. នីវរណំ ធម្មំ បច្ចយា នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណំ បច្ចយា អវិជ្ជានីវរណំ, ឧទ្ធច្ចនីវរណំ បច្ចយា អវិជ្ជានីវរណំ. (១)

នោនីវរណំ ធម្មំ បច្ចយា នោនីវរណោ ធម្មោ ឧប្បជ្ជតិ នហេតុបច្ចយា – អហេតុកំ នោនីវរណំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នោនីវរណា ខន្ធា. (១)

នោនីវរណំ ធម្មំ បច្ចយា នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា អវិជ្ជានីវរណំ, វត្ថុំ បច្ចយា អវិជ្ជានីវរណំ. (២)

១៧. នីវរណញ្ច នោនីវរណញ្ច ធម្មំ បច្ចយា នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណញ្ច សម្បយុត្តកេ ច ខន្ធេ បច្ចយា អវិជ្ជានីវរណំ, ឧទ្ធច្ចនីវរណញ្ច សម្បយុត្តកេ ច ខន្ធេ បច្ចយា អវិជ្ជានីវរណំ, វិចិកិច្ឆានីវរណញ្ច វត្ថុញ្ច បច្ចយា អវិជ្ជានីវរណំ, ឧទ្ធច្ចនីវរណញ្ច វត្ថុញ្ច បច្ចយា អវិជ្ជានីវរណំ (សំខិត្តំ). (១)

២. បច្ចយបច្ចនីយំ

២. សង្ខ្យាវារោ

សុទ្ធំ

១៨. នហេតុយា ចត្តារិ, នអារម្មណេ តីណិ, នអធិបតិយា នវ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ តីណិ, នវិប្បយុត្តេ នវ, នោនត្ថិយា តីណិ, នោវិគតេ តីណិ.

៣. បច្ចយានុលោមបច្ចនីយំ

១៩. ហេតុបច្ចយា នអារម្មណេ តីណិ, នអធិបតិយា នវ (សំខិត្តំ).

៤. បច្ចយបច្ចនីយានុលោមំ

២០. នហេតុបច្ចយា អារម្មណេ ចត្តារិ, អនន្តរេ ចត្តារិ, សមនន្តរេ ចត្តារិ…បេ… មគ្គេ តីណិ, អវិគតេ ចត្តារិ.

៥. សំសដ្ឋវារោ

១-៤. បច្ចយចតុក្កំ

២១. នីវរណំ ធម្មំ សំសដ្ឋោ នីវរណោ ធម្មោ ឧប្បជ្ជតិ ហេតុបច្ចយា – កាមច្ឆន្ទនីវរណំ សំសដ្ឋំ ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ. សព្ពំ នីវរណំ វិត្ថារេតព្ពំ).

២២. ហេតុយា នវ, អារម្មណេ នវ (សព្ពត្ថ នវ), វិបាកេ ឯកំ…បេ… អវិគតេ នវ.

អនុលោមំ.

២៣. នីវរណំ ធម្មំ សំសដ្ឋោ នីវរណោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណំ សំសដ្ឋំ អវិជ្ជានីវរណំ, ឧទ្ធច្ចនីវរណំ សំសដ្ឋំ អវិជ្ជានីវរណំ (សំខិត្តំ).

២៤. នហេតុយា ចត្តារិ, នអធិបតិយា នវ, នបុរេជាតេ នវ, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នឈានេ ឯកំ, នមគ្គេ ឯកំ, នវិប្បយុត្តេ នវ.

បច្ចនីយំ.

៦. សម្បយុត្តវារោ

(ឯវំ ឥតរេ ទ្វេ គណនាបិ សម្បយុត្តវារោបិ កាតព្ពោ.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

២៥. នីវរណោ ធម្មោ នីវរណស្ស ធម្មស្ស ហេតុបច្ចយេន បច្ចយោ – នីវរណា ហេតូ សម្បយុត្តកានំ នីវរណានំ ហេតុបច្ចយេន បច្ចយោ. (១)

នីវរណោ ធម្មោ នោនីវរណស្ស ធម្មស្ស ហេតុបច្ចយេន បច្ចយោ – នីវរណា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (២)

នីវរណោ ធម្មោ នីវរណស្ស ច នោនីវរណស្ស ច ធម្មស្ស ហេតុបច្ចយេន បច្ចយោ – នីវរណា ហេតូ សម្បយុត្តកានំ ខន្ធានំ នីវរណានញ្ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

នោនីវរណោ ធម្មោ នោនីវរណស្ស ធម្មស្ស ហេតុបច្ចយេន បច្ចយោ – នោនីវរណា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អារម្មណបច្ចយោ

២៦. នីវរណោ ធម្មោ នីវរណស្ស ធម្មស្ស អារម្មណបច្ចយេន បច្ចយោ – នីវរណេ អារព្ភ នីវរណា ឧប្បជ្ជន្តិ. (មូលំ បុច្ឆិតព្ពំ) នីវរណេ អារព្ភ នោនីវរណា ខន្ធា ឧប្បជ្ជន្តិ. (មូលំ កាតព្ពំ) នីវរណេ អារព្ភ នីវរណា ច សម្បយុត្តកា ច ខន្ធា ឧប្បជ្ជន្តិ. (៣)

២៧. នោនីវរណោ ធម្មោ នោនីវរណស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា ឈានំ…បេ… អរិយា មគ្គា វុដ្ឋហិត្វា មគ្គំ…បេ… ផលំ…បេ… និព្ពានំ…បេ… និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា នោនីវរណេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ សមុទាចិណ្ណេ…បេ… ចក្ខុំ…បេ… វត្ថុំ នោនីវរណេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន នោនីវរណចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… នោនីវរណា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នោនីវរណោ ធម្មោ នីវរណស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ សុចិណ្ណានិ…បេ… ឈានា…បេ… ចក្ខុំ…បេ… វត្ថុំ នោនីវរណេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ …បេ… វិចិកិច្ឆា…បេ… ឧទ្ធច្ចំ…បេ… ទោមនស្សំ ឧប្បជ្ជតិ. (២)

នោនីវរណោ ធម្មោ នីវរណស្ស ច នោនីវរណស្ស ច ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ សុចិណ្ណានិ…បេ… ឈានា…បេ… ចក្ខុំ…បេ… វត្ថុំ នោនីវរណេ ខន្ធេ អស្សាទេតិ អភិនន្ទតិ, តំ អារព្ភ នីវរណា ច សម្បយុត្តកា ច ខន្ធា ឧប្បជ្ជន្តិ. (៣)

នីវរណោ ច នោនីវរណោ ច ធម្មា នីវរណស្ស ធម្មស្ស អារម្មណបច្ចយេន បច្ចយោ… តីណិ (អារព្ភ កាតព្ពា).

អធិបតិបច្ចយោ

២៨. នីវរណោ ធម្មោ នីវរណស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – នីវរណេ គរុំ កត្វា នីវរណា ឧប្បជ្ជន្តិ… តីណិ (អារម្មណសទិសំ). (៣)

២៩. នោនីវរណោ ធម្មោ នោនីវរណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ…បេ… ឈានា…បេ… អរិយា មគ្គា វុដ្ឋហិត្វា មគ្គំ…បេ… ផលំ…បេ… និព្ពានំ…បេ… និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ នោនីវរណេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោនីវរណាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

នោនីវរណោ ធម្មោ នីវរណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ នោនីវរណេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោនីវរណាធិបតិ សម្បយុត្តកានំ នីវរណានំ អធិបតិបច្ចយេន បច្ចយោ. (២)

នោនីវរណោ ធម្មោ នីវរណស្ស ច នោនីវរណស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ…បេ… បុព្ពេ…បេ… ឈានា…បេ… ចក្ខុំ…បេ… វត្ថុំ នោនីវរណេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា នីវរណា ច សម្បយុត្តកា ច ខន្ធា ឧប្បជ្ជន្តិ. សហជាតាធិបតិ – នោនីវរណាធិបតិ សម្បយុត្តកានំ ខន្ធានំ នីវរណានញ្ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

នីវរណោ ច នោនីវរណោ ច ធម្មា នីវរណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (អារម្មណាធិបតិយេវ).

អនន្តរបច្ចយោ

៣០. នីវរណោ ធម្មោ នីវរណស្ស ធម្មស្ស អនន្តរបច្ចយេន បច្ចយោ – បុរិមា បុរិមា នីវរណា បច្ឆិមានំ បច្ឆិមានំ នីវរណានំ អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា នីវរណា បច្ឆិមានំ បច្ឆិមានំ នោនីវរណានំ ខន្ធានំ អនន្តរបច្ចយេន បច្ចយោ; នីវរណា វុដ្ឋានស្ស អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា នីវរណា បច្ឆិមានំ បច្ឆិមានំ នីវរណានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

៣១. នោនីវរណោ ធម្មោ នោនីវរណស្ស ធម្មស្ស អនន្តរបច្ចយេន បច្ចយោ – បុរិមា បុរិមា នោនីវរណា ខន្ធា បច្ឆិមានំ បច្ឆិមានំ នោនីវរណានំ ខន្ធានំ អនន្តរបច្ចយេន បច្ចយោ…បេ… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (មូលំ បុច្ឆិតព្ពំ ) បុរិមា បុរិមា នោនីវរណា ខន្ធា បច្ឆិមានំ បច្ឆិមានំ នីវរណានំ អនន្តរបច្ចយេន បច្ចយោ; អាវជ្ជនា នីវរណានំ អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា នោនីវរណា ខន្ធា បច្ឆិមានំ បច្ឆិមានំ នីវរណានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ; អាវជ្ជនា នីវរណានំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

៣២. នីវរណោ ច នោនីវរណោ ច ធម្មា នីវរណស្ស ធម្មស្ស អនន្តរបច្ចយេន បច្ចយោ – បុរិមា បុរិមា នីវរណា ច សម្បយុត្តកា ច ខន្ធា បច្ឆិមានំ បច្ឆិមានំ នីវរណានំ អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា នីវរណា ច សម្បយុត្តកា ច ខន្ធា បច្ឆិមានំ បច្ឆិមានំ នោនីវរណានំ ខន្ធានំ អនន្តរបច្ចយេន បច្ចយោ; នីវរណា ច សម្បយុត្តកា ច ខន្ធា វុដ្ឋានស្ស អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា នីវរណា ច សម្បយុត្តកា ច ខន្ធា បច្ឆិមានំ បច្ឆិមានំ នីវរណានញ្ច សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

សមនន្តរបច្ចយាទិ

៣៣. នីវរណោ ធម្មោ នីវរណស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ.

ឧបនិស្សយបច្ចយោ

៣៤. នីវរណោ ធម្មោ នីវរណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នីវរណានិ នីវរណានំ ឧបនិស្សយបច្ចយេន បច្ចយោ… តីណិ.

៣៥. នោនីវរណោ ធម្មោ នោនីវរណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សីលំ…បេ… ឧបោសថកម្មំ…បេ… ឈានំ ឧប្បាទេតិ, វិបស្សនំ…បេ… មគ្គំ…បេ… អភិញ្ញំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ… បញ្ញំ…បេ… មានំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា …បេ… សេនាសនំ សទ្ធាយ…បេ… បញ្ញាយ, រាគស្ស…បេ… បត្ថនាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

នោនីវរណោ ធម្មោ នីវរណស្ស ធម្មស្ស ឧបនិស្សយបច្ចយេន បច្ចយោ (តីណិ ឧបនិស្សយា). បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

នោនីវរណោ ធម្មោ នីវរណស្ស ច នោនីវរណស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… សេនាសនំ នីវរណានំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ. (៣)

នីវរណោ ច នោនីវរណោ ច ធម្មា នីវរណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – នីវរណា ច សម្បយុត្តកា ច ខន្ធា នីវរណានំ ឧបនិស្សយបច្ចយេន បច្ចយោ… តីណិ.

បុរេជាតបច្ចយោ

៣៦. នោនីវរណោ ធម្មោ នោនីវរណស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ…បេ… តីណិ (បុរេជាតំ អារម្មណសទិសំ កុសលាកុសលស្ស វិភជិតព្ពំ).

បច្ឆាជាត-អាសេវនបច្ចយា

៣៧. នីវរណោ ធម្មោ នោនីវរណស្ស ធម្មស្ស បច្ឆាជាតបច្ចយេន បច្ចយោ… តីណិ… អាសេវនបច្ចយេន បច្ចយោ… នវ.

កម្មបច្ចយោ

៣៨. នោនីវរណោ ធម្មោ នោនីវរណស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នោនីវរណា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នោនីវរណា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (មូលំ បុច្ឆិតព្ពំ) នោនីវរណា ចេតនា សម្បយុត្តកានំ នីវរណានំ កម្មបច្ចយេន បច្ចយោ. (មូលំ បុច្ឆិតព្ពំ) នោនីវរណា ចេតនា សម្បយុត្តកានំ ខន្ធានំ នីវរណានញ្ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយាទិ

៣៩. នោនីវរណោ ធម្មោ នោនីវរណស្ស ធម្មស្ស វិបាកបច្ចយេន បច្ចយោ… ឯកំ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ.

វិប្បយុត្តបច្ចយោ

៤០. នីវរណោ ធម្មោ នោនីវរណស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (ឯវំ អវសេសា ចត្តារិ បញ្ហា កាតព្ពា).

អត្ថិបច្ចយោ

៤១. នីវរណោ ធម្មោ នីវរណស្ស ធម្មស្ស អត្ថិបច្ចយេន បច្ចយោ – កាមច្ឆន្ទនីវរណំ ថិនមិទ្ធនីវរណស្ស ឧទ្ធច្ចនីវរណស្ស អវិជ្ជានីវរណស្ស អត្ថិបច្ចយេន បច្ចយោ (ចក្កំ). (១)

នីវរណោ ធម្មោ នោនីវរណស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (ឯវំ នីវរណមូលេ តីណិ ). (៣)

៤២. នោនីវរណោ ធម្មោ នោនីវរណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោនីវរណោ ធម្មោ នីវរណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ). (២)

នោនីវរណោ ធម្មោ នីវរណស្ស ច នោនីវរណស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ) (៣)

៤៣. នីវរណោ ច នោនីវរណោ ច ធម្មា នីវរណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – កាមច្ឆន្ទនីវរណញ្ច សម្បយុត្តកា ច ខន្ធា ថិនមិទ្ធនីវរណស្ស ឧទ្ធច្ចនីវរណស្ស អវិជ្ជានីវរណស្ស អត្ថិបច្ចយេន បច្ចយោ; កាមច្ឆន្ទនីវរណញ្ច វត្ថុ ច ថិនមិទ្ធនីវរណស្ស ឧទ្ធច្ចនីវរណស្ស អវិជ្ជានីវរណស្ស អត្ថិបច្ចយេន បច្ចយោ. (១)

នីវរណោ ច នោនីវរណោ ច ធម្មា នោនីវរណស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នោនីវរណោ ឯកោ ខន្ធោ ច នីវរណា ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា…បេ… នីវរណា ច វត្ថុ ច នោនីវរណានំ ខន្ធានំ អត្ថិបច្ចយេន បច្ចយោ; នីវរណា ច សម្បយុត្តកា ច ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ; នីវរណា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – នីវរណា ច សម្បយុត្តកា ច ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – នីវរណា ច សម្បយុត្តកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – នីវរណា ច សម្បយុត្តកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

នីវរណោ ច នោនីវរណោ ច ធម្មា នីវរណស្ស ច នោនីវរណស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នោនីវរណោ ឯកោ ខន្ធោ ច កាមច្ឆន្ទនីវរណញ្ច តិណ្ណន្នំ ខន្ធានំ ថិនមិទ្ធនីវរណស្ស ឧទ្ធច្ចនីវរណស្ស អវិជ្ជានីវរណស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ; ទ្វេ ខន្ធា ច…បេ… កាមច្ឆន្ទនីវរណញ្ច វត្ថុ ច ថិនមិទ្ធនីវរណស្ស ឧទ្ធច្ចនីវរណស្ស អវិជ្ជានីវរណស្ស ច សម្បយុត្តកានញ្ច ខន្ធានំ អត្ថិបច្ចយេន បច្ចយោ (ចក្កំ). (៣)

១. បច្ចយានុលោមំ

២. សង្ខ្យាវារោ

សុទ្ធំ

៤៤. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ តីណិ, សម្បយុត្តេ នវ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ.

អនុលោមំ.

បច្ចនីយុទ្ធារោ

៤៥. នីវរណោ ធម្មោ នីវរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

នីវរណោ ធម្មោ នោនីវរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

នីវរណោ ធម្មោ នីវរណស្ស ច នោនីវរណស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

៤៦. នោនីវរណោ ធម្មោ នោនីវរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នោនីវរណោ ធម្មោ នីវរណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នោនីវរណោ ធម្មោ នីវរណស្ស ច នោនីវរណស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)