១. វិភង្គវារោ

ហេតុបច្ចយោ

៩២. នីវរណញ្ចេវ នីវរណសម្បយុត្តញ្ច ធម្មំ បដិច្ច នីវរណោ ចេវ នីវរណសម្បយុត្តោ ច ធម្មោ ឧប្បជ្ជតិ ហេតុបច្ចយា – កាមច្ឆន្ទនីវរណំ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ. សព្ពេបិ នីវរណា កាតព្ពា). (១)

នីវរណញ្ចេវ នីវរណសម្បយុត្តញ្ច ធម្មំ បដិច្ច នីវរណសម្បយុត្តោ ចេវ នោ ច នីវរណោ ធម្មោ ឧប្បជ្ជតិ ហេតុបច្ចយា – នីវរណេ បដិច្ច សម្បយុត្តកា ខន្ធា. (២)

នីវរណញ្ចេវ នីវរណសម្បយុត្តញ្ច ធម្មំ បដិច្ច នីវរណោ ចេវ នីវរណសម្បយុត្តោ ច នីវរណសម្បយុត្តោ ចេវ នោ ច នីវរណោ ច ធម្មា ឧប្បជ្ជន្តិ ហេតុបច្ចយា – កាមច្ឆន្ទនីវរណំ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ សម្បយុត្តកា ច ខន្ធា (ចក្កំ). (៣)

៩៣. នីវរណសម្បយុត្តញ្ចេវ នោ ច នីវរណំ ធម្មំ បដិច្ច នីវរណសម្បយុត្តោ ចេវ នោ ច នីវរណោ ធម្មោ ឧប្បជ្ជតិ ហេតុបច្ចយា – នីវរណសម្បយុត្តញ្ចេវ នោ ច នីវរណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

នីវរណសម្បយុត្តញ្ចេវ នោ ច នីវរណំ ធម្មំ បដិច្ច នីវរណោ ចេវ នីវរណសម្បយុត្តោ ច ធម្មោ ឧប្បជ្ជតិ ហេតុបច្ចយា – នីវរណសម្បយុត្តេ ចេវ នោ ច នីវរណេ ខន្ធេ បដិច្ច នីវរណា. (២)

នីវរណសម្បយុត្តញ្ចេវ នោ ច នីវរណំ ធម្មំ បដិច្ច នីវរណោ ចេវ នីវរណសម្បយុត្តោ ច នីវរណសម្បយុត្តោ ចេវ នោ ច នីវរណោ ច ធម្មា ឧប្បជ្ជន្តិ ហេតុបច្ចយា – នីវរណសម្បយុត្តញ្ចេវ នោ ច នីវរណំ ឯកំ ខន្ធំ បដិច្ច តយោ ខន្ធា នីវរណា ច…បេ… ទ្វេ ខន្ធេ…បេ…. (៣)

៩៤. នីវរណញ្ចេវ នីវរណសម្បយុត្តញ្ច នីវរណសម្បយុត្តញ្ចេវ នោ ច នីវរណញ្ច ធម្មំ បដិច្ច នីវរណោ ចេវ នីវរណសម្បយុត្តោ ច ធម្មោ ឧប្បជ្ជតិ ហេតុបច្ចយា – កាមច្ឆន្ទនីវរណញ្ច សម្បយុត្តកេ ច ខន្ធេ បដិច្ច ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ (ចក្កំ). (១)

នីវរណញ្ចេវ នីវរណសម្បយុត្តញ្ច នីវរណសម្បយុត្តញ្ចេវ នោ ច នីវរណញ្ច ធម្មំ បដិច្ច នីវរណសម្បយុត្តោ ចេវ នោ ច នីវរណោ ធម្មោ ឧប្បជ្ជតិ ហេតុបច្ចយា – នីវរណសម្បយុត្តញ្ចេវ នោ ច នីវរណំ ឯកំ ខន្ធញ្ច នីវរណញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. (២)

នីវរណញ្ចេវ នីវរណសម្បយុត្តញ្ច នីវរណសម្បយុត្តញ្ចេវ នោ ច នីវរណញ្ច ធម្មំ បដិច្ច នីវរណោ ចេវ នីវរណសម្បយុត្តោ ច នីវរណសម្បយុត្តោ ចេវ នោ ច នីវរណោ ច ធម្មា ឧប្បជ្ជន្តិ ហេតុបច្ចយា – នីវរណសម្បយុត្តញ្ចេវ នោ ច នីវរណំ ឯកំ ខន្ធញ្ច កាមច្ឆន្ទនីវរណញ្ច បដិច្ច តយោ ខន្ធា ថិនមិទ្ធនីវរណំ ឧទ្ធច្ចនីវរណំ អវិជ្ជានីវរណំ…បេ… ទ្វេ ខន្ធេ ច…បេ… (ចក្កំ. សំខិត្តំ.). (៣)