២. សង្ខ្យាវារោ

សុទ្ធំ

៨៣. ហេតុយា ចត្តារិ, អារម្មណេ ចត្តារិ, អធិបតិយា បញ្ច, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ឯកំ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត.

អនុលោមំ.

បច្ចនីយុទ្ធារោ

៨៤. នីវរណសម្បយុត្តោ ធម្មោ នីវរណសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

នីវរណសម្បយុត្តោ ធម្មោ នីវរណវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ … ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

នីវរណសម្បយុត្តោ ធម្មោ នីវរណសម្បយុត្តស្ស ច នីវរណវិប្បយុត្តស្ស ច ធម្មស្ស សហជាតបច្ចយេន បច្ចយោ. (៣)

៨៥. នីវរណវិប្បយុត្តោ ធម្មោ នីវរណវិប្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ … បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នីវរណវិប្បយុត្តោ ធម្មោ នីវរណសម្បយុត្តស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នីវរណសម្បយុត្តោ ច នីវរណវិប្បយុត្តោ ច ធម្មា នីវរណសម្បយុត្តស្ស ធម្មស្ស សហជាតំ, បុរេជាតំ. (១)

នីវរណសម្បយុត្តោ ច នីវរណវិប្បយុត្តោ ច ធម្មា នីវរណវិប្បយុត្តស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)