១. វិភង្គវារោ

ហេតុបច្ចយោ

៥៩. នីវរណសម្បយុត្តំ ធម្មំ បច្ចយា នីវរណសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ.

នីវរណវិប្បយុត្តំ ធម្មំ បច្ចយា នីវរណវិប្បយុត្តោ ធម្មោ ឧប្បជ្ជតិ ហេតុបច្ចយា – នីវរណវិប្បយុត្តំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ …បេ… ទ្វេ ខន្ធេ…បេ… បដិសន្ធិក្ខណេ…បេ… ឯកំ មហាភូតំ…បេ… វត្ថុំ បច្ចយា នីវរណវិប្បយុត្តា ខន្ធា. (១)

នីវរណវិប្បយុត្តំ ធម្មំ បច្ចយា នីវរណសម្បយុត្តោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា នីវរណសម្បយុត្តា ខន្ធា. (២)

នីវរណវិប្បយុត្តំ ធម្មំ បច្ចយា នីវរណសម្បយុត្តោ ច នីវរណវិប្បយុត្តោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា នីវរណសម្បយុត្តា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៣)

៦០. នីវរណសម្បយុត្តញ្ច នីវរណវិប្បយុត្តញ្ច ធម្មំ បច្ចយា នីវរណសម្បយុត្តោ ធម្មោ ឧប្បជ្ជតិ ហេតុបច្ចយា – នីវរណសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ…. (១)

នីវរណសម្បយុត្តញ្ច នីវរណវិប្បយុត្តញ្ច ធម្មំ បច្ចយា នីវរណវិប្បយុត្តោ ធម្មោ ឧប្បជ្ជតិ ហេតុបច្ចយា – នីវរណសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

នីវរណសម្បយុត្តញ្ច នីវរណវិប្បយុត្តញ្ច ធម្មំ បច្ចយា នីវរណសម្បយុត្តោ ច នីវរណវិប្បយុត្តោ ច ធម្មា ឧប្បជ្ជន្តិ ហេតុបច្ចយា – នីវរណសម្បយុត្តំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… នីវរណសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ (សំខិត្តំ). (៣)