១-៤. បច្ចយចតុក្កំ

ហេតុបច្ចយោ

១០៧. គន្ថញ្ចេវ គន្ថសម្បយុត្តញ្ច ធម្មំ បដិច្ច គន្ថោ ចេវ គន្ថសម្បយុត្តោ ច ធម្មោ ឧប្បជ្ជតិ ហេតុបច្ចយា – សីលព្ពតបរាមាសំ កាយគន្ថំ បដិច្ច អភិជ្ឈាកាយគន្ថោ, អភិជ្ឈាកាយគន្ថំ បដិច្ច សីលព្ពតបរាមាសោ កាយគន្ថោ, ឥទំសច្ចាភិនិវេសកាយគន្ថំ បដិច្ច អភិជ្ឈាកាយគន្ថោ, អភិជ្ឈាកាយគន្ថំ បដិច្ច ឥទំសច្ចាភិនិវេសោ កាយគន្ថោ. (១)

គន្ថញ្ចេវ គន្ថសម្បយុត្តញ្ច ធម្មំ បដិច្ច គន្ថសម្បយុត្តោ ចេវ នោ ច គន្ថោ ធម្មោ ឧប្បជ្ជតិ ហេតុបច្ចយា – គន្ថេ បដិច្ច សម្បយុត្តកា ខន្ធា. (២)

គន្ថញ្ចេវ គន្ថសម្បយុត្តញ្ច ធម្មំ បដិច្ច គន្ថោ ចេវ គន្ថសម្បយុត្តោ ច គន្ថសម្បយុត្តោ ចេវ នោ ច គន្ថោ ច ធម្មា ឧប្បជ្ជន្តិ ហេតុបច្ចយា – សីលព្ពតបរាមាសំ កាយគន្ថំ បដិច្ច អភិជ្ឈាកាយគន្ថោ សម្បយុត្តកា ច ខន្ធា (ចក្កំ). (៣)

១០៨. គន្ថសម្បយុត្តញ្ចេវ នោ ច គន្ថំ ធម្មំ បដិច្ច គន្ថសម្បយុត្តោ ចេវ នោ ច គន្ថោ ធម្មោ ឧប្បជ្ជតិ ហេតុបច្ចយា – គន្ថសម្បយុត្តញ្ចេវ នោ ច គន្ថំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

គន្ថសម្បយុត្តញ្ចេវ នោ ច គន្ថំ ធម្មំ បដិច្ច គន្ថោ ចេវ គន្ថសម្បយុត្តោ ច ធម្មោ ឧប្បជ្ជតិ ហេតុបច្ចយា – គន្ថសម្បយុត្តេ ចេវ នោ ច គន្ថេ ខន្ធេ បដិច្ច គន្ថា. (២)

គន្ថសម្បយុត្តញ្ចេវ នោ ច គន្ថំ ធម្មំ បដិច្ច គន្ថោ ចេវ គន្ថសម្បយុត្តោ ច គន្ថសម្បយុត្តោ ចេវ នោ ច គន្ថោ ច ធម្មា ឧប្បជ្ជន្តិ ហេតុបច្ចយា – គន្ថសម្បយុត្តញ្ចេវ នោ ច គន្ថំ ឯកំ ខន្ធំ បដិច្ច តយោ ខន្ធា គន្ថា ច…បេ… ទ្វេ ខន្ធេ…បេ…. (៣)

១០៩. គន្ថញ្ចេវ គន្ថសម្បយុត្តញ្ច គន្ថសម្បយុត្តញ្ចេវ នោ ច គន្ថញ្ច ធម្មំ បដិច្ច គន្ថោ ចេវ គន្ថសម្បយុត្តោ ច ធម្មោ ឧប្បជ្ជតិ ហេតុបច្ចយា – គន្ថេ ច សម្បយុត្តកេ ច ខន្ធេ បដិច្ច គន្ថា. (១)

គន្ថញ្ចេវ គន្ថសម្បយុត្តញ្ច គន្ថសម្បយុត្តញ្ចេវ នោ ច គន្ថញ្ច ធម្មំ បដិច្ច គន្ថសម្បយុត្តោ ចេវ នោ ច គន្ថោ ធម្មោ ឧប្បជ្ជតិ ហេតុបច្ចយា – គន្ថសម្បយុត្តញ្ចេវ នោ ច គន្ថំ ឯកំ ខន្ធញ្ច គន្ថេ ច បដិច្ច តយោ ខន្ធា…បេ… ទ្វេ ខន្ធេ ច…បេ…. (២)

គន្ថញ្ចេវ គន្ថសម្បយុត្តញ្ច គន្ថសម្បយុត្តញ្ចេវ នោ ច គន្ថញ្ច ធម្មំ បដិច្ច គន្ថោ ចេវ គន្ថសម្បយុត្តោ ច គន្ថសម្បយុត្តោ ចេវ នោ ច គន្ថោ ច ធម្មា ឧប្បជ្ជន្តិ ហេតុបច្ចយា – គន្ថសម្បយុត្តញ្ចេវ នោ ច គន្ថំ ឯកំ ខន្ធញ្ច សីលព្ពតបរាមាសំ កាយគន្ថញ្ច បដិច្ច តយោ ខន្ធា អភិជ្ឈាកាយគន្ថោ ច…បេ… ទ្វេ ខន្ធេ ច…បេ… (ចក្កំ ពន្ធិតព្ពំ. សំខិត្តំ). (៣)

១១០. ហេតុយា នវ, អារម្មណេ នវ (សព្ពត្ថ នវ), កម្មេ នវ, អាហារេ នវ…បេ… អវិគតេ នវ.

អនុលោមំ.