១. វិភង្គវារោ

ហេតុបច្ចយោ

៦២. គន្ថសម្បយុត្តំ ធម្មំ សំសដ្ឋោ គន្ថសម្បយុត្តោ ធម្មោ ឧប្បជ្ជតិ ហេតុបច្ចយា – គន្ថសម្បយុត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)

គន្ថសម្បយុត្តំ ធម្មំ សំសដ្ឋោ គន្ថវិប្បយុត្តោ ធម្មោ ឧប្បជ្ជតិ ហេតុបច្ចយា – ទិដ្ឋិគតវិប្បយុត្តលោភសហគតេ ខន្ធេ សំសដ្ឋោ លោភោ, ទោមនស្សសហគតេ ខន្ធេ សំសដ្ឋំ បដិឃំ. (២)

គន្ថសម្បយុត្តំ ធម្មំ សំសដ្ឋោ គន្ថសម្បយុត្តោ ច គន្ថវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ទិដ្ឋិគតវិប្បយុត្តលោភសហគតំ ឯកំ ខន្ធំ សំសដ្ឋា តយោ ខន្ធា លោភោ ច…បេ… ទ្វេ ខន្ធេ…បេ… ទោមនស្សសហគតំ ឯកំ ខន្ធំ សំសដ្ឋា តយោ ខន្ធា បដិឃញ្ច…បេ… ទ្វេ ខន្ធេ…បេ…. (៣)

៦៣. គន្ថវិប្បយុត្តំ ធម្មំ សំសដ្ឋោ គន្ថវិប្បយុត្តោ ធម្មោ ឧប្បជ្ជតិ ហេតុបច្ចយា – គន្ថវិប្បយុត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

គន្ថវិប្បយុត្តំ ធម្មំ សំសដ្ឋោ គន្ថសម្បយុត្តោ ធម្មោ ឧប្បជ្ជតិ ហេតុបច្ចយា – ទិដ្ឋិគតវិប្បយុត្តំ លោភំ សំសដ្ឋា សម្បយុត្តកា ខន្ធា, បដិឃំ សំសដ្ឋា សម្បយុត្តកា ខន្ធា. (២)

គន្ថសម្បយុត្តញ្ច គន្ថវិប្បយុត្តញ្ច ធម្មំ សំសដ្ឋោ គន្ថសម្បយុត្តោ ធម្មោ ឧប្បជ្ជតិ ហេតុបច្ចយា – ទិដ្ឋិគតវិប្បយុត្តំ លោភសហគតំ ឯកំ ខន្ធញ្ច លោភញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ… ទោមនស្សសហគតំ ឯកំ ខន្ធញ្ច បដិឃញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ… (សំខិត្តំ).