១. វិភង្គវារោ

ហេតុបច្ចយោ

១០០. សញ្ញោជនញ្ចេវ សញ្ញោជនសម្បយុត្តញ្ច ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច ធម្មោ ឧប្បជ្ជតិ ហេតុបច្ចយា – កាមរាគសញ្ញោជនំ បដិច្ច ទិដ្ឋិសញ្ញោជនំ អវិជ្ជាសញ្ញោជនំ (ចក្កំ). (១)

សញ្ញោជនញ្ចេវ សញ្ញោជនសម្បយុត្តញ្ច ធម្មំ បដិច្ច សញ្ញោជនសម្បយុត្តោ ចេវ នោ ច សញ្ញោជនោ ធម្មោ ឧប្បជ្ជតិ ហេតុបច្ចយា – សញ្ញោជនេ បដិច្ច សម្បយុត្តកា ខន្ធា. (២)

សញ្ញោជនញ្ចេវ សញ្ញោជនសម្បយុត្តញ្ច ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច សញ្ញោជនសម្បយុត្តោ ចេវ នោ ច សញ្ញោជនោ ច ធម្មា ឧប្បជ្ជន្តិ ហេតុបច្ចយា – កាមរាគសញ្ញោជនំ បដិច្ច ទិដ្ឋិសញ្ញោជនំ អវិជ្ជាសញ្ញោជនំ សម្បយុត្តកា ច ខន្ធា (ចក្កំ). (៣)

១០១. សញ្ញោជនសម្បយុត្តញ្ចេវ នោ ច សញ្ញោជនំ ធម្មំ បដិច្ច សញ្ញោជនសម្បយុត្តោ ចេវ នោ ច សញ្ញោជនោ ធម្មោ ឧប្បជ្ជតិ ហេតុបច្ចយា – សញ្ញោជនសម្បយុត្តញ្ចេវ នោ ច សញ្ញោជនំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

សញ្ញោជនសម្បយុត្តញ្ចេវ នោ ច សញ្ញោជនំ ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច ធម្មោ ឧប្បជ្ជតិ ហេតុបច្ចយា – សញ្ញោជនសម្បយុត្តេ ចេវ នោ ច សញ្ញោជនេ ខន្ធេ បដិច្ច សញ្ញោជនា (២)

សញ្ញោជនសម្បយុត្តញ្ចេវ នោ ច សញ្ញោជនំ ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច សញ្ញោជនសម្បយុត្តោ ចេវ នោ ច សញ្ញោជនោ ច ធម្មា ឧប្បជ្ជន្តិ ហេតុបច្ចយា – សញ្ញោជនសម្បយុត្តញ្ចេវ នោ ច សញ្ញោជនំ ឯកំ ខន្ធំ បដិច្ច តយោ ខន្ធា សញ្ញោជនា ច…បេ… ទ្វេ ខន្ធេ…បេ…. (៣)

១០២. សញ្ញោជនញ្ចេវ សញ្ញោជនសម្បយុត្តញ្ច សញ្ញោជនសម្បយុត្តញ្ចេវ នោ ច សញ្ញោជនញ្ច ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច ធម្មោ ឧប្បជ្ជតិ ហេតុបច្ចយា – កាមរាគសញ្ញោជនញ្ច សម្បយុត្តកេ ច ខន្ធេ បដិច្ច ទិដ្ឋិសញ្ញោជនំ អវិជ្ជាសញ្ញោជនំ (ចក្កំ). (១)

សញ្ញោជនញ្ចេវ សញ្ញោជនសម្បយុត្តញ្ច សញ្ញោជនសម្បយុត្តញ្ចេវ នោ ច សញ្ញោជនញ្ច ធម្មំ បដិច្ច សញ្ញោជនសម្បយុត្តោ ចេវ នោ ច សញ្ញោជនោ ធម្មោ ឧប្បជ្ជតិ ហេតុបច្ចយា – សញ្ញោជនសម្បយុត្តញ្ចេវ នោ ច សញ្ញោជនំ ឯកំ ខន្ធញ្ច សញ្ញោជនេ ច បដិច្ច តយោ ខន្ធា…បេ… ទ្វេ ខន្ធេ ច…បេ…. (២)

សញ្ញោជនញ្ចេវ សញ្ញោជនសម្បយុត្តញ្ច សញ្ញោជនសម្បយុត្តញ្ចេវ នោ ច សញ្ញោជនញ្ច ធម្មំ បដិច្ច សញ្ញោជនោ ចេវ សញ្ញោជនសម្បយុត្តោ ច សញ្ញោជនសម្បយុត្តោ ចេវ នោ ច សញ្ញោជនោ ច ធម្មា ឧប្បជ្ជន្តិ ហេតុបច្ចយា – សញ្ញោជនសម្បយុត្តញ្ចេវ នោ ច សញ្ញោជនំ ឯកំ ខន្ធញ្ច កាមរាគសញ្ញោជនញ្ច បដិច្ច តយោ ខន្ធា ទិដ្ឋិសញ្ញោជនំ អវិជ្ជាសញ្ញោជនំ…បេ… ទ្វេ ខន្ធេ ច…បេ… (ចក្កំ). (៣)