៥. សំសដ្ឋវារោ

១-៤. បច្ចយានុលោមាទិ

៦៣. សញ្ញោជនសម្បយុត្តំ ធម្មំ សំសដ្ឋោ សញ្ញោជនសម្បយុត្តោ ធម្មោ ឧប្បជ្ជតិ ហេតុបច្ចយា – សញ្ញោជនសម្បយុត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ….(១)

សញ្ញោជនវិប្បយុត្តំ ធម្មំ សំសដ្ឋោ សញ្ញោជនវិប្បយុត្តោ ធម្មោ ឧប្បជ្ជតិ ហេតុបច្ចយា – សញ្ញោជនវិប្បយុត្តំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សញ្ញោជនវិប្បយុត្តំ ធម្មំ សំសដ្ឋោ សញ្ញោជនសម្បយុត្តោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ មោហំ សំសដ្ឋា សម្បយុត្តកា ខន្ធា. (២)

សញ្ញោជនសម្បយុត្តញ្ច សញ្ញោជនវិប្បយុត្តញ្ច ធម្មំ សំសដ្ឋោ សញ្ញោជនសម្បយុត្តោ ធម្មោ ឧប្បជ្ជតិ ហេតុបច្ចយា – ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ…. (១) (សំខិត្តំ.)

៦៤. ហេតុយា ចត្តារិ, អារម្មណេ ឆ, អធិបតិយា ទ្វេ, អនន្តរេ ឆ, សមនន្តរេ ឆ…បេ… អវិគតេ ឆ.

៦៥. នហេតុយា តីណិ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឯកំ, នវិប្បយុត្តេ ឆ.