១. វិភង្គវារោ

នហេតុបច្ចយោ

៤៧. សញ្ញោជនសម្បយុត្តំ ធម្មំ បដិច្ច សញ្ញោជនសម្បយុត្តោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ខន្ធេ បដិច្ច វិចិកិច្ឆាសហគតោ មោហោ. (១)

សញ្ញោជនសម្បយុត្តំ ធម្មំ បដិច្ច សញ្ញោជនវិប្បយុត្តោ ធម្មោ ឧប្បជ្ជតិ នហេតុបច្ចយា – ឧទ្ធច្ចសហគតេ ខន្ធេ បដិច្ច ឧទ្ធច្ចសហគតោ មោហោ. (២)

សញ្ញោជនវិប្បយុត្តំ ធម្មំ បដិច្ច សញ្ញោជនវិប្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ សញ្ញោជនវិប្បយុត្តំ ឯកំ ខន្ធំ…បេ… (យាវ អសញ្ញសត្តា, សំខិត្តំ). (១)