២. សង្ខ្យាវារោ

សុទ្ធំ

១២៤. ហេតុយា ចត្តារិ, អារម្មណេ នវ, អធិបតិយា នវ, អនន្តរេ នវ, សមនន្តរេ នវ, សហជាតេ នវ, អញ្ញមញ្ញេ នវ, និស្សយេ នវ, ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ នវ, សម្បយុត្តេ នវ, អត្ថិយា នវ, នត្ថិយា នវ, វិគតេ នវ, អវិគតេ នវ.

បច្ចនីយុទ្ធារោ

១២៥. អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អាសវោ ចេវ អាសវសម្បយុត្តោ ច ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (២)

អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

១២៦. អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (២)

អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)

១២៧. អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (២)

អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (៣)