១. វិភង្គវារោ

ហេតុបច្ចយោ

១២១. អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច ធម្មស្ស ហេតុបច្ចយេន បច្ចយោ… តីណិ.

អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស ហេតុបច្ចយេន បច្ចយោ – អាសវសម្បយុត្តា ចេវ នោ ច អាសវា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

អារម្មណបច្ចយាទិ

១២២. អាសវោ ចេវ អាសវសម្បយុត្តោ ច ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ… តីណិ.

អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស អារម្មណបច្ចយេន បច្ចយោ – អាសវសម្បយុត្តេ ចេវ នោ ច អាសវេ ខន្ធេ អារព្ភ អាសវសម្បយុត្តា ចេវ នោ ច អាសវា ខន្ធា ឧប្បជ្ជន្តិ. (១)

អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ – អាសវសម្បយុត្តេ ចេវ នោ ច អាសវេ ខន្ធេ អារព្ភ អាសវា ឧប្បជ្ជន្តិ. (២)

អាសវសម្បយុត្តោ ចេវ នោ ច អាសវោ ធម្មោ អាសវស្ស ចេវ អាសវសម្បយុត្តស្ស ច អាសវសម្បយុត្តស្ស ចេវ នោ ច អាសវស្ស ច ធម្មស្ស អារម្មណបច្ចយេន បច្ចយោ – អាសវសម្បយុត្តេ ចេវ នោ ច អាសវេ ខន្ធេ អារព្ភ អាសវា ច អាសវសម្បយុត្តកា ច ខន្ធា ឧប្បជ្ជន្តិ. (៣)

អាសវោ ចេវ អាសវសម្បយុត្តោ ច អាសវសម្បយុត្តោ ចេវ នោ ច អាសវោ ច ធម្មា អាសវស្ស ចេវ អាសវសម្បយុត្តស្ស ច ធម្មស្ស អារម្មណបច្ចយេន បច្ចយោ … តីណិ.

អធិបតិបច្ចយា… (អារម្មណសទិសា, គរុការម្មណា) អនន្តរបច្ចយា… (អារម្មណសទិសាយេវ, បុរិមា បុរិមាតិ កាតព្ពា.) សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា (អារម្មណសទិសំយេវ, វិភជនា នត្ថិ… តីណិ. ឧបនិស្សយំ សព្ពំ កាតព្ពំ).

កម្មបច្ចយាទិ

១២៣. អាសវសម្បយុត្តោ ចេវ នោ ច អាសវោ ធម្មោ អាសវសម្បយុត្តស្ស ចេវ នោ ច អាសវស្ស ធម្មស្ស កម្មបច្ចយេន បច្ចយោ… តីណិ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ… នវ.