១. វិភង្គវារោ

ហេតុបច្ចយោ

១០៩. អាសវញ្ចេវ សាសវញ្ច ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ (ចក្កំ ពន្ធិតព្ពំ) ភវាសវំ បដិច្ច អវិជ្ជាសវោ (ចក្កំ ពន្ធិតព្ពំ) ទិដ្ឋាសវំ បដិច្ច អវិជ្ជាសវោ. (១)

អាសវញ្ចេវ សាសវញ្ច ធម្មំ បដិច្ច សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – អាសវេ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ. (២)

អាសវញ្ចេវ សាសវញ្ច ធម្មំ បដិច្ច អាសវោ ចេវ សាសវោ ច សាសវោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – កាមាសវំ បដិច្ច ទិដ្ឋាសវោ អវិជ្ជាសវោ សម្បយុត្តកា ខន្ធា ចិត្តសមុដ្ឋានញ្ច រូបំ, ភវាសវំ (ចក្កំ ពន្ធិតព្ពំ). (៣)

១១០. សាសវញ្ចេវ នោ ច អាសវំ ធម្មំ បដិច្ច សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ…. (១)

សាសវញ្ចេវ នោ ច អាសវំ ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា – សាសវេ ចេវ នោ ច អាសវេ ខន្ធេ បដិច្ច អាសវា. (២)

សាសវញ្ចេវ នោ ច អាសវំ ធម្មំ បដិច្ច អាសវោ ចេវ សាសវោ ច សាសវោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធំ បដិច្ច តយោ ខន្ធា អាសវា ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

១១១. អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច អាសវោ ចេវ សាសវោ ច ធម្មោ ឧប្បជ្ជតិ ហេតុបច្ចយា – កាមាសវញ្ច សម្បយុត្តកេ ច ខន្ធេ បដិច្ច ទិដ្ឋាសវោ អវិជ្ជាសវោ (ឯវំ ចក្កំ ពន្ធិតព្ពំ). (១)

អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច សាសវោ ចេវ នោ ច អាសវោ ធម្មោ ឧប្បជ្ជតិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធញ្ច អាសវេ ច បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ…. (២)

អាសវញ្ចេវ សាសវញ្ច សាសវញ្ចេវ នោ ច អាសវញ្ច ធម្មំ បដិច្ច អាសវោ ចេវ សាសវោ ច សាសវោ ចេវ នោ ច អាសវោ ច ធម្មា ឧប្បជ្ជន្តិ ហេតុបច្ចយា – សាសវញ្ចេវ នោ ច អាសវំ ឯកំ ខន្ធញ្ច កាមាសវញ្ច បដិច្ច តយោ ខន្ធា ទិដ្ឋាសវោ អវិជ្ជាសវោ ចិត្តសមុដ្ឋានញ្ច រូបំ…បេ… ទ្វេ ខន្ធេ ច…បេ… (ចក្កំ. សំខិត្តំ). (៣)