១. វិភង្គវារោ

ហេតុបច្ចយោ

៧៤. អាសវសម្បយុត្តោ ធម្មោ អាសវសម្បយុត្តស្ស ធម្មស្ស ហេតុបច្ចយេន បច្ចយោ – អាសវសម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស ហេតុបច្ចយេន បច្ចយោ – អាសវសម្បយុត្តា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; ទោសោ មោហស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ហេតុបច្ចយេន បច្ចយោ – អាសវសម្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទោសោ សម្បយុត្តកានំ ខន្ធានំ មោហស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

៧៥. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស ហេតុបច្ចយេន បច្ចយោ – អាសវវិប្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស ហេតុបច្ចយេន បច្ចយោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ. (២)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ហេតុបច្ចយេន បច្ចយោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

៧៦. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស ហេតុបច្ចយេន បច្ចយោ – ទោសោ ច មោហោ ច អាសវសម្បយុត្តកានំ ខន្ធានំ ហេតុបច្ចយេន បច្ចយោ. (១)

អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស ហេតុបច្ចយេន បច្ចយោ – ទោសោ ច មោហោ ច ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស ហេតុបច្ចយេន បច្ចយោ – ទោសោ ច មោហោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៧៧. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អារម្មណបច្ចយេន បច្ចយោ – អាសវសម្បយុត្តេ ខន្ធេ អារព្ភ អាសវសម្បយុត្តកា ខន្ធា ឧប្បជ្ជន្តិ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អារម្មណបច្ចយេន បច្ចយោ – អាសវសម្បយុត្តេ ខន្ធេ អារព្ភ អាសវវិប្បយុត្តា ខន្ធា ច មោហោ ច ឧប្បជ្ជន្តិ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ – អាសវសម្បយុត្តេ ខន្ធេ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

៧៨. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ; បុព្ពេ សុចិណ្ណានិ…បេ… ឈានា…បេ… អរិយា មគ្គំ…បេ… ផលំ…បេ… និព្ពានំ…បេ… និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា អាសវវិប្បយុត្តេ បហីនេ កិលេសេ បច្ចវេក្ខន្តិ; វិក្ខម្ភិតេ…បេ… បុព្ពេ…បេ… ចក្ខុំ…បេ… វត្ថុំ អាសវវិប្បយុត្តេ ខន្ធេ អនិច្ចតោ ទុក្ខតោ អនត្តតោ វិបស្សតិ. (ឥធ អស្សាទនា នត្ថិ) ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន អាសវវិប្បយុត្តចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អាសវវិប្បយុត្តា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ មោហស្ស អារម្មណបច្ចយេន បច្ចយោ. (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ…បេ… វិចិកិច្ឆា…បេ… ឧទ្ធច្ចំ…បេ… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ… ឈានា វុដ្ឋហិត្វា ឈានំ…បេ… ចក្ខុំ…បេ… វត្ថុំ អាសវវិប្បយុត្តេ ខន្ធេ អស្សាទេតិ អភិនន្ទតិ, តំ អារព្ភ រាគោ…បេ… ទិដ្ឋិ… ទោមនស្សំ… វិចិកិច្ឆា… ឧទ្ធច្ចំ ឧប្បជ្ជតិ. (២)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ… វត្ថុំ អាសវវិប្បយុត្តេ ខន្ធេ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

៧៩. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អារម្មណបច្ចយេន បច្ចយោ – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ អាសវសម្បយុត្តា ខន្ធា ឧប្បជ្ជន្តិ. (១)

អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អារម្មណបច្ចយេន បច្ចយោ – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ អាសវវិប្បយុត្តា ខន្ធា ច មោហោ ច ឧប្បជ្ជន្តិ. (២)

អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អារម្មណបច្ចយេន បច្ចយោ – ទោមនស្សសហគតេ វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

អធិបតិបច្ចយោ

៨០. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អាសវសម្បយុត្តេ ខន្ធេ គរុំ កត្វា អាសវសម្បយុត្តកា ខន្ធា ឧប្បជ្ជន្តិ. សហជាតាធិបតិ – អាសវសម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អធិបតិបច្ចយេន បច្ចយោ. សហជាតាធិបតិ – អាសវសម្បយុត្តាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ; ទោមនស្សសហគតាធិបតិ មោហស្ស ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – អាសវសម្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ; ទោមនស្សសហគតាធិបតិ សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

៨១. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា, សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ; បុព្ពេ សុចិណ្ណានិ…បេ… ឈានា…បេ… អរិយា មគ្គា វុដ្ឋហិត្វា មគ្គំ…បេ… ផលំ…បេ… និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ. សហជាតាធិបតិ – អាសវវិប្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ សុចិណ្ណានិ…បេ… ឈានា…បេ… ចក្ខុំ…បេ… វត្ថុំ អាសវវិប្បយុត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

អនន្តរបច្ចយោ

៨២. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា អាសវសម្បយុត្តកា ខន្ធា បច្ឆិមានំ បច្ឆិមានំ អាសវសម្បយុត្តកានំ ខន្ធានំ អនន្តរបច្ចយេន បច្ចយោ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា បច្ឆិមស្ស បច្ឆិមស្ស ទោមនស្សសហគតស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; អាសវសម្បយុត្តា ខន្ធា វុដ្ឋានស្ស អនន្តរបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

៨៣. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមស្ស បច្ឆិមស្ស ទោមនស្សសហគតស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា អាសវវិប្បយុត្តា ខន្ធា បច្ឆិមានំ បច្ឆិមានំ អាសវវិប្បយុត្តានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ… ផលសមាបត្តិយា អនន្តរបច្ចយេន បច្ចយោ. (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ; អាវជ្ជនា អាសវសម្បយុត្តកានំ ខន្ធានំ អនន្តរបច្ចយេន បច្ចយោ. (២)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

៨៤. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ. (១)

អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមស្ស បច្ឆិមស្ស ទោមនស្សសហគតស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច វុដ្ឋានស្ស អនន្តរបច្ចយេន បច្ចយោ. (២)

អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមានំ បច្ឆិមានំ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

សមនន្តរបច្ចយាទិ

៨៥. អាសវសម្បយុត្តោ ធម្មោ អាសវសម្បយុត្តស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… ឆ… និស្សយបច្ចយេន បច្ចយោ… នវ.

ឧបនិស្សយបច្ចយោ

៨៦. អាសវសម្បយុត្តោ ធម្មោ អាសវសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អាសវសម្បយុត្តា ខន្ធា អាសវសម្បយុត្តានំ ខន្ធានំ ឧបនិស្សយបច្ចយេន បច្ចយោ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អាសវសម្បយុត្តា ខន្ធា អាសវវិប្បយុត្តានំ ខន្ធានំ មោហស្ស ច ឧបនិស្សយបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អាសវសម្បយុត្តកា ខន្ធា ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

៨៧. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សីលំ…បេ… បញ្ញំ… កាយិកំ សុខំ…បេ… សេនាសនំ… មោហំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ; សទ្ធា…បេ… បញ្ញា… កាយិកំ សុខំ… កាយិកំ ទុក្ខំ… មោហោ ច សទ្ធាយ…បេ… មោហស្ស ច ឧបនិស្សយបច្ចយេន បច្ចយោ. (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ… មោហំ ឧបនិស្សាយ បាណំ ហនតិ…បេ… សង្ឃំ ភិន្ទតិ; សទ្ធា…បេ… មោហោ ច រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធា… សីលំ…បេ… មោហោ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

៨៨. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ …បេ…. បកតូបនិស្សយោ – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច អាសវសម្បយុត្តកានំ ខន្ធានំ ឧបនិស្សយបច្ចយេន បច្ចយោ. (បុច្ឆិតព្ពំ មូលំ) ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច អាសវសម្បយុត្តកានំ ខន្ធានំ ឧបនិស្សយបច្ចយេន បច្ចយោ. (១)

អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (២)

បុរេជាតបច្ចយោ

៨៩. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ ទុក្ខតោ អនត្តតោ វិបស្សតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អាសវវិប្បយុត្តានំ ខន្ធានំ មោហស្ស ច បុរេជាតបច្ចយេន បច្ចយោ. (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. វត្ថុបុរេជាតំ – វត្ថុ អាសវសម្បយុត្តកានំ ខន្ធានំ បុរេជាតបច្ចយេន បច្ចយោ. (២)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. វត្ថុបុរេជាតំ – វត្ថុ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច បុរេជាតបច្ចយេន បច្ចយោ. (៣)

បច្ឆាជាតបច្ចយោ

៩០. អាសវសម្បយុត្តោ ធម្មោ អាសវវិប្បយុត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អាសវសម្បយុត្តកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អាសវវិប្បយុត្តា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

៩១. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អាសេវនបច្ចយេន បច្ចយោ… នវ (អាវជ្ជនាបិ វុដ្ឋានម្បិ នត្ថិ ).

កម្មបច្ចយោ

៩២. អាសវសម្បយុត្តោ ធម្មោ អាសវសម្បយុត្តស្ស ធម្មស្ស កម្មបច្ចយេន បច្ចយោ – អាសវសម្បយុត្តកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អាសវសម្បយុត្តា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ចេតនា មោហស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ. នានាក្ខណិកា – អាសវសម្បយុត្តកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស កម្មបច្ចយេន បច្ចយោ – អាសវសម្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ចេតនា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អាសវវិប្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា អាសវវិប្បយុត្តា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយោ

៩៣. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស វិបាកបច្ចយេន បច្ចយោ… ឯកំ.

អាហារបច្ចយោ

៩៤. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អាហារបច្ចយេន បច្ចយោ – អាសវសម្បយុត្តា អាហារា សម្បយុត្តកានំ ខន្ធានំ អាហារបច្ចយេន បច្ចយោ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អាហារបច្ចយេន បច្ចយោ – អាសវសម្បយុត្តា អាហារា ចិត្តសមុដ្ឋានានំ រូបានំ អាហារបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា អាហារា មោហស្ស ចិត្តសមុដ្ឋានានញ្ច រូបានំ អាហារបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អាហារបច្ចយេន បច្ចយោ – អាសវសម្បយុត្តា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា អាហារា សម្បយុត្តកានំ ខន្ធានំ មោហស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ. (៣)

៩៥. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អាហារបច្ចយេន បច្ចយោ – អាសវវិប្បយុត្តា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ. (១)

ឥន្ទ្រិយបច្ចយាទិ

៩៦. អាសវសម្បយុត្តោ ធម្មោ អាសវសម្បយុត្តស្ស ធម្មស្ស ឥន្ទ្រិយបច្ចយេន បច្ចយោ… ចត្តារិ… ឈានបច្ចយេន បច្ចយោ… ចត្តារិ… មគ្គបច្ចយេន បច្ចយោ… ចត្តារិ… សម្បយុត្តបច្ចយេន បច្ចយោ… ឆ.

វិប្បយុត្តបច្ចយោ

៩៧. អាសវសម្បយុត្តោ ធម្មោ អាសវវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អាសវសម្បយុត្តា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – អាសវសម្បយុត្តា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ. វិត្ថារេតព្ពំ). (១)

៩៨. អាសវវិប្បយុត្តោ ធម្មោ អាសវសម្បយុត្តស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ អាសវសម្បយុត្តកានំ ខន្ធានំ វិប្បយុត្តបច្ចយេន បច្ចយោ. (១)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ ទោមនស្សសហគតានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ. (២)

អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយោ

៩៩. អាសវសម្បយុត្តោ ធម្មោ អាសវសម្បយុត្តស្ស ធម្មស្ស អត្ថិបច្ចយេន បច្ចយោ… ឯកំ. (១)

អាសវសម្បយុត្តោ ធម្មោ អាសវវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – អាសវសម្បយុត្តា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា មោហស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បច្ឆាជាតា – អាសវសម្បយុត្តា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

អាសវសម្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អត្ថិបច្ចយេន បច្ចយោ (សហជាតសទិសំ). (៣)

១០០. អាសវវិប្បយុត្តោ ធម្មោ អាសវវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ, វិត្ថារេតព្ពំ). (១)

អាសវវិប្បយុត្តោ ធម្មោ អាសវសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ, វត្ថុ អាសវសម្បយុត្តកានំ ខន្ធានំ អត្ថិបច្ចយេន បច្ចយោ. (២)

អាសវវិប្បយុត្តោ ធម្មោ អាសវសម្បយុត្តស្ស ច អាសវវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អារព្ភ ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

១០១. អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – អាសវសម្បយុត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ… ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ; ទ្វេ ខន្ធា ច…បេ…. (១)

អាសវសម្បយុត្តោ ច អាសវវិប្បយុត្តោ ច ធម្មា អាសវវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – អាសវសម្បយុត្តា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; ទោមនស្សសហគតា វិចិកិច្ឆាសហគតា ឧទ្ធច្ចសហគតា ខន្ធា ច វត្ថុ ច មោហស្ស អត្ថិបច្ចយេន បច្ចយោ. បច្ឆាជាតា – អាសវសម្បយុត្តា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – អាសវសម្បយុត្តា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

អាសវសម្បយុត្តោ ច អាសវវិប្បយុត្តោ ច ធម្មា អាសវសម្បយុត្តស្ស ច អាសវវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតោ – ទោមនស្សសហគតោ វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ មោហស្ស ច…បេ… ទ្វេ ខន្ធា ច…បេ…. (៣)