២. សង្ខ្យាវារោ

សុទ្ធំ

៨៦. ហេតុយា តីណិ, អារម្មណេ ទ្វេ, អធិបតិយា ចត្តារិ, អនន្តរេ ឯកំ, សមនន្តរេ ឯកំ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ ទ្វេ, បុរេជាតេ តីណិ, បច្ឆាជាតេ តីណិ, អាសេវនេ ឯកំ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ បញ្ច, ឈានេ តីណិ, មគ្គេ តីណិ, សម្បយុត្តេ ឯកំ, វិប្បយុត្តេ ចត្តារិ, អត្ថិយា នវ, នត្ថិយា ឯកំ, វិគតេ ឯកំ, អវិគតេ នវ (ឯវំ គណេតព្ពំ).

អនុលោមំ.

២. បច្ចនីយុទ្ធារោ

៨៧. សប្បដិឃោ ធម្មោ សប្បដិឃស្ស ធម្មស្ស សហជាតបច្ចយេន បច្ចយោ. (១)

សប្បដិឃោ ធម្មោ អប្បដិឃស្ស ធម្មស្ស អារម្មណបច្ចយេន បច្ចយោ, សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

សប្បដិឃោ ធម្មោ សប្បដិឃស្ស ច អប្បដិឃស្ស ច ធម្មស្ស សហជាតបច្ចយេន បច្ចយោ. (៣)

៨៨. អប្បដិឃោ ធម្មោ អប្បដិឃស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

អប្បដិឃោ ធម្មោ សប្បដិឃស្ស ធម្មស្ស សហជាតបច្ចយេន បច្ចយោ … បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (២)

អប្បដិឃោ ធម្មោ សប្បដិឃស្ស ច អប្បដិឃស្ស ច ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (៣)

៨៩. សប្បដិឃោ ច អប្បដិឃោ ច ធម្មា សប្បដិឃស្ស ធម្មស្ស សហជាតបច្ចយេន បច្ចយោ. (១)

សប្បដិឃោ ច អប្បដិឃោ ច ធម្មា អប្បដិឃស្ស ធម្មស្ស សហជាតំ, បុរេជាតំ. (២)

សប្បដិឃោ ច អប្បដិឃោ ច ធម្មា សប្បដិឃស្ស ច អប្បដិឃស្ស ច ធម្មស្ស សហជាតបច្ចយេន បច្ចយោ. (៣)