២. ចូឡន្តរទុកំ
៧. សប្បច្ចយទុកំ
១. បដិច្ចវារោ
១-៤. បច្ចយានុលោមាទិ
១. សប្បច្ចយំ ធម្មំ បដិច្ច សប្បច្ចយោ ធម្មោ ឧប្បជ្ជតិ ហេតុបច្ចយា – សប្បច្ចយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ.
សប្បច្ចយំ ធម្មំ បដិច្ច សប្បច្ចយោ ធម្មោ ឧប្បជ្ជតិ អារម្មណបច្ចយា…បេ… អវិគតបច្ចយា.
២. ហេតុយា ឯកំ, អារម្មណេ ឯកំ…បេ… អវិគតេ ឯកំ.
អនុលោមំ.
៣. សប្បច្ចយំ ធម្មំ បដិច្ច សប្បច្ចយោ ធម្មោ ឧប្បជ្ជតិ នហេតុបច្ចយា – អហេតុកំ សប្បច្ចយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកបដិសន្ធិក្ខណេ …បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ (សំខិត្តំ).
៤. នហេតុយា ឯកំ, នអារម្មណេ ឯកំ, នអធិបតិយា ឯកំ…បេ… នោវិគតេ ឯកំ.
បច្ចនីយំ.
៥. ហេតុបច្ចយា នអារម្មណេ ឯកំ, នអធិបតិយា ឯកំ…បេ… នោវិគតេ ឯកំ.
អនុលោមបច្ចនីយំ.
៦. នហេតុបច្ចយា អារម្មណេ ឯកំ អនន្តរេ ឯកំ…បេ… អវិគតេ ឯកំ.
បច្ចនីយានុលោមំ.
២. សហជាតវារោ
(សហជាតវារោ បដិច្ចវារសទិសោ.)
៣. បច្ចយវារោ
១. បច្ចយានុលោមំ
១. វិភង្គវារោ
៧. សប្បច្ចយំ ធម្មំ បច្ចយា សប្បច្ចយោ ធម្មោ ឧប្បជ្ជតិ ហេតុបច្ចយា – សប្បច្ចយំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា, ឯកំ មហាភូតំ…បេ… វត្ថុំ បច្ចយា សប្បច្ចយា ខន្ធា.
សប្បច្ចយំ ធម្មំ បច្ចយា សប្បច្ចយោ ធម្មោ ឧប្បជ្ជតិ អារម្មណបច្ចយា (សំខិត្តំ).
៤-៦. និស្សយ-សំសដ្ឋ-សម្បយុត្តវារោ
(ឯវំ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ វិត្ថារេតព្ពោ, សព្ពត្ថ ឯកាយេវ បញ្ហា.)
៧. បញ្ហាវារោ
១. បច្ចយានុលោមំ
១. វិភង្គវារោ
ហេតុបច្ចយោ
៨. សប្បច្ចយោ ធម្មោ សប្បច្ចយស្ស ធម្មស្ស ហេតុបច្ចយេន បច្ចយោ – សប្បច្ចយា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ….
អារម្មណបច្ចយោ
៩. សប្បច្ចយោ ធម្មោ សប្បច្ចយស្ស ធម្មស្ស អារម្មណបច្ចយេន បច្ចយោ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ; បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ សមុទាចិណ្ណេ កិលេសេ ជានន្តិ, ចក្ខុំ…បេ… វត្ថុំ… សប្បច្ចយេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន សប្បច្ចយចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… សប្បច្ចយា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)
អប្បច្ចយោ ធម្មោ សប្បច្ចយស្ស ធម្មស្ស អារម្មណបច្ចយេន បច្ចយោ – អរិយា និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. (១)
អធិបតិបច្ចយោ
១០. សប្បច្ចយោ ធម្មោ សប្បច្ចយស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ…បេ… ឈានា…បេ… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា…បេ… ចក្ខុំ…បេ… វត្ថុំ… សប្បច្ចយេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – សប្បច្ចយាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)
អប្បច្ចយោ ធម្មោ សប្បច្ចយស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ. (១)
អនន្តរបច្ចយាទិ
១១. សប្បច្ចយោ ធម្មោ សប្បច្ចយស្ស ធម្មស្ស អនន្តរបច្ចយេន បច្ចយោ…បេ… ឧបនិស្សយបច្ចយេន បច្ចយោ…បេ… (ទ្វេ បញ្ហា ឧបនិស្សយមូលំ) បុរេជាតបច្ចយេន បច្ចយោ…បេ… អវិគតបច្ចយេន បច្ចយោ (សព្ពត្ថ ឯកាយេវ បញ្ហា).
១. បច្ចយានុលោមំ
២. សង្ខ្យាវារោ
សុទ្ធំ
១២. ហេតុយា ឯកំ, អារម្មណេ ទ្វេ, អធិបតិយា ទ្វេ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ទ្វេ, បុរេជាតេ ឯកំ (សព្ពត្ថ ឯកំ), អវិគតេ ឯកំ (ឯវំ គណេតព្ពំ).
អនុលោមំ.
បច្ចនីយុទ្ធារោ
១៣. សប្បច្ចយោ ធម្មោ សប្បច្ចយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)
អប្បច្ចយោ ធម្មោ សប្បច្ចយស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (១)
២. បច្ចយបច្ចនីយំ
២. សង្ខ្យាវារោ
១៤. នហេតុយា ទ្វេ, នអារម្មណេ ឯកំ, នអធិបតិយា ទ្វេ, នអនន្តរេ ទ្វេ, នសមនន្តរេ ទ្វេ…បេ… នឧបនិស្សយេ ទ្វេ, នបុរេជាតេ ទ្វេ…បេ… នោវិគតេ ទ្វេ, នោអវិគតេ ទ្វេ (ឯវំ គណេតព្ពំ).
បច្ចនីយំ.
៣. បច្ចយានុលោមបច្ចនីយំ
ហេតុទុកំ
១៥. ហេតុបច្ចយា នអារម្មណេ ឯកំ, នអធិបតិយា ឯកំ, នអនន្តរេ ឯកំ, នសមនន្តរេ ឯកំ, នអញ្ញមញ្ញេ ឯកំ, នឧបនិស្សយេ ឯកំ…បេ… នសម្បយុត្តេ ឯកំ, នវិប្បយុត្តេ ឯកំ, នោនត្ថិយា ឯកំ, នោវិគតេ ឯកំ (ឯវំ គណេតព្ពំ).
អនុលោមបច្ចនីយំ.
៤. បច្ចយបច្ចនីយានុលោមំ
នហេតុទុកំ
១៦. នហេតុបច្ចយា អារម្មណេ ទ្វេ, អធិបតិយា ទ្វេ, អនន្តរេ ឯកំ…បេ… ឧបនិស្សយេ ទ្វេ, បុរេជាតេ ឯកំ…បេ… អវិគតេ ឯកំ (ឯវំ គណេតព្ពំ).
បច្ចនីយានុលោមំ.
សប្បច្ចយទុកំ និដ្ឋិតំ.
៨. សង្ខតទុកំ
១. បដិច្ចវារោ
ហេតុបច្ចយោ
១៧. សង្ខតំ ធម្មំ បដិច្ច សង្ខតោ ធម្មោ ឧប្បជ្ជតិ ហេតុបច្ចយា – សង្ខតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ.
(ឥមំ ទុកំ យថា សប្បច្ចយទុកំ, ឯវំ គណេតព្ពំ, និន្នានាករណំ.)
សង្ខតទុកំ និដ្ឋិតំ.
៩. សនិទស្សនទុកំ
១. បដិច្ចវារោ
១. បច្ចយានុលោមំ
១. វិភង្គវារោ
ហេតុបច្ចយោ
១៨. អនិទស្សនំ ធម្មំ បដិច្ច អនិទស្សនោ ធម្មោ ឧប្បជ្ជតិ ហេតុបច្ចយា – អនិទស្សនំ ឯកំ ខន្ធំ បដិច្ច តយោ ខន្ធា អនិទស្សនំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ អនិទស្សនំ ឯកំ ខន្ធំ បដិច្ច តយោ ខន្ធា អនិទស្សនំ កដត្តា ច រូបំ…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… មហាភូតេ បដិច្ច អនិទស្សនំ ចិត្តសមុដ្ឋានំ រូបំ កដត្តារូបំ ឧបាទារូបំ. (១)
អនិទស្សនំ ធម្មំ បដិច្ច សនិទស្សនោ ធម្មោ ឧប្បជ្ជតិ ហេតុបច្ចយា – អនិទស្សនេ ខន្ធេ បដិច្ច សនិទស្សនំ ចិត្តសមុដ្ឋានំ រូបំ; បដិសន្ធិក្ខណេ…បេ… មហាភូតេ បដិច្ច សនិទស្សនំ ចិត្តសមុដ្ឋានំ រូបំ កដត្តារូបំ ឧបាទារូបំ. (២)
អនិទស្សនំ ធម្មំ បដិច្ច សនិទស្សនោ ច អនិទស្សនោ ច ធម្មា ឧប្បជ្ជន្តិ ហេតុបច្ចយា – អនិទស្សនំ ឯកំ ខន្ធំ បដិច្ច តយោ ខន្ធា សនិទស្សនញ្ច អនិទស្សនញ្ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… មហាភូតេ បដិច្ច សនិទស្សនញ្ច អនិទស្សនញ្ច ចិត្តសមុដ្ឋានញ្ច រូបំ កដត្តារូបំ ឧបាទារូបំ. (៣)
អារម្មណបច្ចយោ
១៩. អនិទស្សនំ ធម្មំ បដិច្ច អនិទស្សនោ ធម្មោ ឧប្បជ្ជតិ អារម្មណបច្ចយា – អនិទស្សនំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បដិច្ច ខន្ធា. (១)
អធិបតិបច្ចយោ
២០. អនិទស្សនំ ធម្មំ បដិច្ច អនិទស្សនោ ធម្មោ ឧប្បជ្ជតិ អធិបតិបច្ចយា – អនិទស្សនំ ឯកំ ខន្ធំ បដិច្ច តយោ ខន្ធា អនិទស្សនំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ…បេ… មហាភូតេ បដិច្ច អនិទស្សនំ ចិត្តសមុដ្ឋានំ រូបំ ឧបាទារូបំ. (១)
អនិទស្សនំ ធម្មំ បដិច្ច សនិទស្សនោ ធម្មោ ឧប្បជ្ជតិ អធិបតិបច្ចយា – អនិទស្សនេ ខន្ធេ បដិច្ច សនិទស្សនំ ចិត្តសមុដ្ឋានំ រូបំ, មហាភូតេ បដិច្ច សនិទស្សនំ ចិត្តសមុដ្ឋានំ រូបំ. (២)
អនិទស្សនំ ធម្មំ បដិច្ច សនិទស្សនោ ច អនិទស្សនោ ច ធម្មា ឧប្បជ្ជន្តិ អធិបតិបច្ចយា – អនិទស្សនំ ឯកំ ខន្ធំ បដិច្ច តយោ ខន្ធា សនិទស្សនញ្ច អនិទស្សនញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… មហាភូតេ បដិច្ច សនិទស្សនញ្ច អនិទស្សនញ្ច ចិត្តសមុដ្ឋានំ រូបំ ឧបាទារូបំ. (៣) (សំខិត្តំ, សព្ពេ កាតព្ពា.)
១. បច្ចយានុលោមំ
២. សង្ខ្យាវារោ
សុទ្ធំ
២១. ហេតុយា តីណិ, អារម្មណេ ឯកំ, អធិបតិយា តីណិ, អនន្តរេ ឯកំ, សមនន្តរេ ឯកំ, សហជាតេ តីណិ, អញ្ញមញ្ញេ ឯកំ, និស្សយេ តីណិ, ឧបនិស្សយេ ឯកំ, បុរេជាតេ ឯកំ, អាសេវនេ ឯកំ, កម្មេ តីណិ, វិបាកេ តីណិ (សព្ពត្ថ តីណិ), មគ្គេ តីណិ, សម្បយុត្តេ ឯកំ, វិប្បយុត្តេ តីណិ, អត្ថិយា តីណិ, នត្ថិយា ឯកំ, វិគតេ ឯកំ, អវិគតេ តីណិ (ឯវំ គណេតព្ពំ).
អនុលោមំ.
២. បច្ចយបច្ចនីយំ
១. វិភង្គវារោ
នហេតុបច្ចយោ
២២. អនិទស្សនំ ធម្មំ បដិច្ច អនិទស្សនោ ធម្មោ ឧប្បជ្ជតិ នហេតុបច្ចយា – អហេតុកំ អនិទស្សនំ ឯកំ ខន្ធំ បដិច្ច តយោ ខន្ធា អនិទស្សនំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ…បេ… មហាភូតេ បដិច្ច អនិទស្សនំ ចិត្តសមុដ្ឋានំ រូបំ កដត្តារូបំ ឧបាទារូបំ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)
អនិទស្សនំ ធម្មំ បដិច្ច សនិទស្សនោ ធម្មោ ឧប្បជ្ជតិ នហេតុបច្ចយា – អហេតុកេ អនិទស្សនេ ខន្ធេ បដិច្ច សនិទស្សនំ ចិត្តសមុដ្ឋានំ រូបំ; បដិសន្ធិក្ខណេ…បេ… មហាភូតេ បដិច្ច សនិទស្សនំ ចិត្តសមុដ្ឋានំ រូបំ កដត្តារូបំ ឧបាទារូបំ… ពាហិរេ… អាហារសមុដ្ឋានេ… ឧតុសមុដ្ឋានេ… អសញ្ញសត្តានំ មហាភូតេ បដិច្ច សនិទស្សនំ កដត្តារូបំ ឧបាទារូបំ. (២)
អនិទស្សនំ ធម្មំ បដិច្ច សនិទស្សនោ ច អនិទស្សនោ ច ធម្មា ឧប្បជ្ជន្តិ នហេតុបច្ចយា – អហេតុកំ អនិទស្សនំ ឯកំ ខន្ធំ បដិច្ច តយោ ខន្ធា សនិទស្សនញ្ច អនិទស្សនញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… មហាភូតេ បដិច្ច…បេ… ពាហិរេ… អាហារសមុដ្ឋានេ… ឧតុសមុដ្ឋានេ… អសញ្ញសត្តានំ មហាភូតេ បដិច្ច សនិទស្សនញ្ច អនិទស្សនញ្ច កដត្តារូបំ, ឧបាទារូបំ. (៣) (ឯវំ សព្ពេ កាតព្ពា.)
២. បច្ចយបច្ចនីយំ
២. សង្ខ្យាវារោ
សុទ្ធំ
២៣. នហេតុយា តីណិ, នអារម្មណេ តីណិ, នអធិបតិយា តីណិ, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នអាហារេ តីណិ, នឥន្ទ្រិយេ តីណិ, នឈានេ តីណិ, នមគ្គេ តីណិ, នសម្បយុត្តេ តីណិ, នវិប្បយុត្តេ តីណិ, នោនត្ថិយា តីណិ, នោវិគតេ តីណិ (ឯវំ គណេតព្ពំ).
បច្ចនីយំ.
៣. បច្ចយានុលោមបច្ចនីយំ
ហេតុទុកំ
២៤. ហេតុបច្ចយា នអារម្មណេ តីណិ, នអធិបតិយា តីណិ (សព្ពត្ថ តីណិ), នកម្មេ ឯកំ, នវិបាកេ តីណិ, នសម្បយុត្តេ តីណិ, នវិប្បយុត្តេ ឯកំ, នោនត្ថិយា តីណិ, នោវិគតេ តីណិ.
អនុលោមបច្ចនីយំ.
៤. បច្ចយបច្ចនីយានុលោមំ
នហេតុទុកំ
២៥. នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ តីណិ, អញ្ញមញ្ញេ ឯកំ, និស្សយេ តីណិ, ឧបនិស្សយេ ឯកំ, បុរេជាតេ ឯកំ, អាសេវនេ ឯកំ, កម្មេ តីណិ…បេ… ឈានេ តីណិ, មគ្គេ ឯកំ, សម្បយុត្តេ ឯកំ, វិប្បយុត្តេ តីណិ, អត្ថិយា តីណិ, នត្ថិយា ឯកំ, វិគតេ ឯកំ, អវិគតេ តីណិ.
បច្ចនីយានុលោមំ.
២. សហជាតវារោ
(សហជាតវារោបិ បដិច្ចវារសទិសោ.)
៣. បច្ចយវារោ
១. បច្ចយានុលោមំ
ហេតុបច្ចយោ
២៦. អនិទស្សនំ ធម្មំ បច្ចយា អនិទស្សនោ ធម្មោ ឧប្បជ្ជតិ ហេតុបច្ចយា – អនិទស្សនំ ឯកំ ខន្ធំ បច្ចយា តយោ ខន្ធា អនិទស្សនំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា…បេ… មហាភូតេ បច្ចយា អនិទស្សនំ ចិត្តសមុដ្ឋានំ រូបំ កដត្តារូបំ ឧបាទារូបំ, វត្ថុំ បច្ចយា អនិទស្សនា ខន្ធា (ឥតរេបិ ទ្វេ បញ្ហា កាតព្ពា).
អារម្មណបច្ចយោ
២៧. អនិទស្សនំ ធម្មំ បច្ចយា អនិទស្សនោ ធម្មោ ឧប្បជ្ជតិ អារម្មណបច្ចយា – អនិទស្សនំ ឯកំ ខន្ធំ…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អនិទស្សនា ខន្ធា (សំខិត្តំ).
២៨. ហេតុយា តីណិ, អារម្មណេ ឯកំ, អធិបតិយា តីណិ…បេ… អវិគតេ តីណិ.
អនុលោមំ.
២. បច្ចយបច្ចនីយំ
នហេតុបច្ចយោ
២៩. អនិទស្សនំ ធម្មំ បច្ចយា អនិទស្សនោ ធម្មោ ឧប្បជ្ជតិ នហេតុបច្ចយា – អហេតុកំ អនិទស្សនំ ឯកំ ខន្ធំ បច្ចយា តយោ ខន្ធា អនិទស្សនំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… (យាវ អសញ្ញសត្តា) ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា អនិទស្សនា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ (ឥតរេបិ ទ្វេ កាតព្ពា. សំខិត្តំ).
៣០. នហេតុយា តីណិ, នអារម្មណេ តីណិ…បេ… នោវិគតេ តីណិ.
បច្ចនីយំ.
៣. បច្ចយានុលោមបច្ចនីយំ
៣១. ហេតុបច្ចយា នអារម្មណេ តីណិ…បេ… នកម្មេ ឯកំ…បេ… នវិប្បយុត្តេ ឯកំ, នោនត្ថិយា តីណិ, នោវិគតេ តីណិ.
អនុលោមបច្ចនីយំ.
៤. បច្ចយបច្ចនីយានុលោមំ
៣២. នហេតុបច្ចយា អារម្មណេ ឯកំ…បេ… មគ្គេ ឯកំ…បេ… អវិគតេ តីណិ.
បច្ចនីយានុលោមំ.
៤. និស្សយវារោ
(និស្សយវារោបិ ឯវំ កាតព្ពោ.)
៥. សំសដ្ឋវារោ
១. បច្ចយានុលោមំ
៣៣. អនិទស្សនំ ធម្មំ សំសដ្ឋោ អនិទស្សនោ ធម្មោ ឧប្បជ្ជតិ ហេតុបច្ចយា – អនិទស្សនំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ….
អនិទស្សនំ ធម្មំ សំសដ្ឋោ អនិទស្សនោ ធម្មោ ឧប្បជ្ជតិ អារម្មណបច្ចយា (ឯវំ សព្ពំ សប្បច្ចយគណនាហិ សទ្ធិំ កាតព្ពំ).
៦. សម្បយុត្តវារោ
(សម្បយុត្តវារោបិ សំសដ្ឋវារសទិសោ).
៧. បញ្ហាវារោ
១. បច្ចយានុលោមំ
១. វិភង្គវារោ
ហេតុបច្ចយោ
៣៤. អនិទស្សនោ ធម្មោ អនិទស្សនស្ស ធម្មស្ស ហេតុបច្ចយេន បច្ចយោ – អនិទស្សនា ហេតូ សម្បយុត្តកានំ ខន្ធានំ អនិទស្សនានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)
អនិទស្សនោ ធម្មោ សនិទស្សនស្ស ធម្មស្ស ហេតុបច្ចយេន បច្ចយោ – អនិទស្សនា ហេតូ សនិទស្សនានំ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (២)
អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស ហេតុបច្ចយេន បច្ចយោ – អនិទស្សនា ហេតូ សម្បយុត្តកានំ ខន្ធានំ សនិទស្សនានញ្ច អនិទស្សនានញ្ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)
អារម្មណបច្ចយោ
៣៥. សនិទស្សនោ ធម្មោ អនិទស្សនស្ស ធម្មស្ស អារម្មណបច្ចយេន បច្ចយោ – សនិទស្សនំ រូបំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ; សនិទស្សនា ខន្ធា ឥទ្ធិវិធញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)
អនិទស្សនោ ធម្មោ អនិទស្សនស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… កាយំ… សទ្ទេ…បេ… វត្ថុំ អនិទស្សនេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អនិទស្សនចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… សទ្ទាយតនំ សោតវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អនិទស្សនា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)
អធិបតិបច្ចយោ
៣៦. សនិទស្សនោ ធម្មោ អនិទស្សនស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សនិទស្សនំ រូបំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)
អនិទស្សនោ ធម្មោ អនិទស្សនស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ អនិទស្សនេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អនិទស្សនាធិបតិ សម្បយុត្តកានំ ខន្ធានំ អនិទស្សនានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)
អនិទស្សនោ ធម្មោ សនិទស្សនស្ស ធម្មស្ស អធិបតិបច្ចយេន បច្ចយោ. សហជាតាធិបតិ – អនិទស្សនាធិបតិ សនិទស្សនានំ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)
អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – អនិទស្សនាធិបតិ សម្បយុត្តកានំ ខន្ធានំ សនិទស្សនានញ្ច អនិទស្សនានញ្ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)
អនន្តរបច្ចយោ
៣៧. អនិទស្សនោ ធម្មោ អនិទស្សនស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិទស្សនា ខន្ធា បច្ឆិមានំ បច្ឆិមានំ អនិទស្សនានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ… គោត្រភុ មគ្គស្ស…បេ… នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)
សមនន្តរបច្ចយាទិ
៣៨. អនិទស្សនោ ធម្មោ អនិទស្សនស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… តីណិ… អញ្ញមញ្ញបច្ចយេន បច្ចយោ… ឯកំ… និស្សយបច្ចយេន បច្ចយោ… តីណិ.