១. វិភង្គវារោ

នហេតុបច្ចយោ

៦០. សប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ នហេតុបច្ចយា… តីណិ.

អប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ នហេតុបច្ចយា – អហេតុកំ អប្បដិឃំ ឯកំ ខន្ធំ បដិច្ច តយោ ខន្ធា អប្បដិឃំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, អាបោធាតុំ បដិច្ច អប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, អាបោធាតុំ បដិច្ច ឥត្ថិន្ទ្រិយំ…បេ… កពឡីការោ អាហារោ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ… អាបោធាតុំ បដិច្ច អប្បដិឃំ កដត្តារូបំ ឧបាទារូបំ; វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

(អប្បដិឃមូលកំ ឥតរេបិ ទ្វេ បញ្ហា កាតព្ពា. ឃដនេបិ តីណិ បញ្ហា កាតព្ពា. អជ្ឈត្តិកា ពាហិរា មហាភូតា សព្ពេ ជានិត្វា កាតព្ពា.)

នអារម្មណបច្ចយាទិ

៦១. សប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ នអារម្មណបច្ចយា (សព្ពំ សំខិត្តំ)… នោវិគតបច្ចយា.