១. វិភង្គវារោ

ហេតុបច្ចយោ

៥៣. សប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ ហេតុបច្ចយា – សប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ, សប្បដិឃេ មហាភូតេ បដិច្ច សប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ. (១)

សប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ ហេតុបច្ចយា – សប្បដិឃេ មហាភូតេ បដិច្ច អាបោធាតុ, សប្បដិឃេ មហាភូតេ បដិច្ច អប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, ផោដ្ឋព្ពាយតនំ បដិច្ច អាបោធាតុ ឥត្ថិន្ទ្រិយំ…បេ… កពឡីការោ អាហារោ. (២)

សប្បដិឃំ ធម្មំ បដិច្ច សប្បដិឃោ ច អប្បដិឃោ ច ធម្មា ឧប្បជ្ជន្តិ ហេតុបច្ចយា – សប្បដិឃំ ឯកំ មហាភូតំ បដិច្ច ទ្វេ មហាភូតា អាបោធាតុ ច, ទ្វេ មហាភូតេ…បេ… សប្បដិឃេ មហាភូតេ បដិច្ច សប្បដិឃញ្ច អប្បដិឃញ្ច ចិត្តសមុដ្ឋានំ រូបំ, កដត្តារូបំ, ឧបាទារូបំ, ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ អាបោធាតុ ឥត្ថិន្ទ្រិយំ…បេ… កពឡីការោ អាហារោ. (៣)

៥៤. អប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ ហេតុបច្ចយា – អប្បដិឃំ ឯកំ ខន្ធំ បដិច្ច តយោ ខន្ធា អប្បដិឃំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, អាបោធាតុំ បដិច្ច អប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, អាបោធាតុំ បដិច្ច ឥត្ថិន្ទ្រិយំ…បេ… កពឡីការោ អាហារោ. (១)

អប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ ហេតុបច្ចយា – អប្បដិឃេ ខន្ធេ បដិច្ច សប្បដិឃំ ចិត្តសមុដ្ឋានំ រូបំ; បដិសន្ធិក្ខណេ…បេ… អាបោធាតុំ បដិច្ច សប្បដិឃា មហាភូតា, អាបោធាតុំ បដិច្ច សប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, អាបោធាតុំ បដិច្ច ចក្ខាយតនំ…បេ… ផោដ្ឋព្ពាយតនំ. (២)

អប្បដិឃំ ធម្មំ បដិច្ច សប្បដិឃោ ច អប្បដិឃោ ច ធម្មា ឧប្បជ្ជន្តិ ហេតុបច្ចយា – អប្បដិឃំ ឯកំ ខន្ធំ បដិច្ច តយោ ខន្ធា សប្បដិឃញ្ច អប្បដិឃញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… អាបោធាតុំ បដិច្ច សប្បដិឃញ្ច អប្បដិឃញ្ច ចិត្តសមុដ្ឋានំ រូបំ, កដត្តារូបំ, ឧបាទារូបំ, អាបោធាតុំ បដិច្ច ចក្ខាយតនំ…បេ… ផោដ្ឋព្ពាយតនំ, ឥត្ថិន្ទ្រិយំ…បេ… កពឡីការោ អាហារោ. (៣)

៥៥. សប្បដិឃញ្ច អប្បដិឃញ្ច ធម្មំ បដិច្ច សប្បដិឃោ ធម្មោ ឧប្បជ្ជតិ ហេតុបច្ចយា – អប្បដិឃេ ខន្ធេ ច មហាភូតេ ច បដិច្ច សប្បដិឃំ ចិត្តសមុដ្ឋានំ រូបំ; បដិសន្ធិក្ខណេ…បេ… សប្បដិឃំ ឯកំ មហាភូតញ្ច អាបោធាតុញ្ច បដិច្ច ទ្វេ មហាភូតា…បេ… សប្បដិឃេ មហាភូតេ ច អាបោធាតុញ្ច បដិច្ច សប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, ផោដ្ឋព្ពាយតនញ្ច អាបោធាតុញ្ច បដិច្ច ចក្ខាយតនំ…បេ…. (១)

សប្បដិឃញ្ច អប្បដិឃញ្ច ធម្មំ បដិច្ច អប្បដិឃោ ធម្មោ ឧប្បជ្ជតិ ហេតុបច្ចយា – អប្បដិឃេ ខន្ធេ ច មហាភូតេ ច បដិច្ច អប្បដិឃំ ចិត្តសមុដ្ឋានំ រូបំ; បដិសន្ធិក្ខណេ អប្បដិឃេ ខន្ធេ ច មហាភូតេ ច បដិច្ច អប្បដិឃំ កដត្តារូបំ, ផោដ្ឋព្ពាយតនញ្ច អាបោធាតុញ្ច បដិច្ច អប្បដិឃំ ចិត្តសមុដ្ឋានំ រូបំ, កដត្តារូបំ, ឧបាទារូបំ, ផោដ្ឋព្ពាយតនញ្ច អាបោធាតុញ្ច បដិច្ច ឥត្ថិន្ទ្រិយំ…បេ… កពឡីការោ អាហារោ. (២)

សប្បដិឃញ្ច អប្បដិឃញ្ច ធម្មំ បដិច្ច សប្បដិឃោ ច អប្បដិឃោ ច ធម្មា ឧប្បជ្ជន្តិ ហេតុបច្ចយា – អប្បដិឃេ ខន្ធេ ច មហាភូតេ ច បដិច្ច សប្បដិឃញ្ច អប្បដិឃញ្ច ចិត្តសមុដ្ឋានំ រូបំ; បដិសន្ធិក្ខណេ…បេ… អប្បដិឃេ ខន្ធេ ច មហាភូតេ ច បដិច្ច សប្បដិឃញ្ច អប្បដិឃញ្ច កដត្តារូបំ, ផោដ្ឋព្ពាយតនញ្ច អាបោធាតុញ្ច បដិច្ច សប្បដិឃញ្ច អប្បដិឃញ្ច ចិត្តសមុដ្ឋានំ រូបំ, កដត្តារូបំ, ឧបាទារូបំ, ផោដ្ឋព្ពាយតនញ្ច អាបោធាតុញ្ច បដិច្ច ចក្ខាយតនំ…បេ… រសាយតនំ, ឥត្ថិន្ទ្រិយំ…បេ… កពឡីការោ អាហារោ. (៣)

អារម្មណបច្ចយោ

៥៦. អប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ អារម្មណបច្ចយា – អប្បដិឃំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បដិច្ច ខន្ធា.

អធិបតិបច្ចយាទិ

៥៧. សប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ អធិបតិបច្ចយា (បដិសន្ធិ វជ្ជេតព្ពា, កដត្តារូបា ច)… អនន្តរបច្ចយា… សមនន្តរបច្ចយា… សហជាតបច្ចយា (សព្ពេ មហាភូតា កាតព្ពា)… អញ្ញមញ្ញបច្ចយា – សប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ…បេ…. (១)

សប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – សប្បដិឃេ មហាភូតេ បដិច្ច អាបោធាតុ…បេ…. (២)

សប្បដិឃំ ធម្មំ បដិច្ច សប្បដិឃោ ច អប្បដិឃោ ច ធម្មា ឧប្បជ្ជន្តិ អញ្ញមញ្ញបច្ចយា – សប្បដិឃំ ឯកំ មហាភូតំ បដិច្ច ទ្វេ មហាភូតា អាបោធាតុ ច, ទ្វេ មហាភូតេ…បេ…. (៣)

៥៨. អប្បដិឃំ ធម្មំ បដិច្ច អប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អប្បដិឃំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា. (១)

អប្បដិឃំ ធម្មំ បដិច្ច សប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អាបោធាតុំ បដិច្ច សប្បដិឃា មហាភូតា (ឥមេ អជ្ឈត្តិកពាហិរា មហាភូតា កាតព្ពា). (២)

សប្បដិឃញ្ច អប្បដិឃញ្ច ធម្មំ បដិច្ច សប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – សប្បដិឃំ ឯកំ មហាភូតញ្ច អាបោធាតុញ្ច បដិច្ច ទ្វេ មហាភូតា…បេ… និស្សយបច្ចយា…បេ… អវិគតបច្ចយា.