១. វិភង្គវារោ

ហេតុបច្ចយោ

៣៤. អនិទស្សនោ ធម្មោ អនិទស្សនស្ស ធម្មស្ស ហេតុបច្ចយេន បច្ចយោ – អនិទស្សនា ហេតូ សម្បយុត្តកានំ ខន្ធានំ អនិទស្សនានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

អនិទស្សនោ ធម្មោ សនិទស្សនស្ស ធម្មស្ស ហេតុបច្ចយេន បច្ចយោ – អនិទស្សនា ហេតូ សនិទស្សនានំ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (២)

អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស ហេតុបច្ចយេន បច្ចយោ – អនិទស្សនា ហេតូ សម្បយុត្តកានំ ខន្ធានំ សនិទស្សនានញ្ច អនិទស្សនានញ្ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)

អារម្មណបច្ចយោ

៣៥. សនិទស្សនោ ធម្មោ អនិទស្សនស្ស ធម្មស្ស អារម្មណបច្ចយេន បច្ចយោ – សនិទស្សនំ រូបំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ; សនិទស្សនា ខន្ធា ឥទ្ធិវិធញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អនិទស្សនោ ធម្មោ អនិទស្សនស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… កាយំ… សទ្ទេ…បេ… វត្ថុំ អនិទស្សនេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អនិទស្សនចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… សទ្ទាយតនំ សោតវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អនិទស្សនា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អធិបតិបច្ចយោ

៣៦. សនិទស្សនោ ធម្មោ អនិទស្សនស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សនិទស្សនំ រូបំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

អនិទស្សនោ ធម្មោ អនិទស្សនស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ អនិទស្សនេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អនិទស្សនាធិបតិ សម្បយុត្តកានំ ខន្ធានំ អនិទស្សនានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អនិទស្សនោ ធម្មោ សនិទស្សនស្ស ធម្មស្ស អធិបតិបច្ចយេន បច្ចយោ. សហជាតាធិបតិ – អនិទស្សនាធិបតិ សនិទស្សនានំ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – អនិទស្សនាធិបតិ សម្បយុត្តកានំ ខន្ធានំ សនិទស្សនានញ្ច អនិទស្សនានញ្ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អនន្តរបច្ចយោ

៣៧. អនិទស្សនោ ធម្មោ អនិទស្សនស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិទស្សនា ខន្ធា បច្ឆិមានំ បច្ឆិមានំ អនិទស្សនានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ… គោត្រភុ មគ្គស្ស…បេ… នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

សមនន្តរបច្ចយាទិ

៣៨. អនិទស្សនោ ធម្មោ អនិទស្សនស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… តីណិ… អញ្ញមញ្ញបច្ចយេន បច្ចយោ… ឯកំ… និស្សយបច្ចយេន បច្ចយោ… តីណិ.

ឧបនិស្សយបច្ចយោ

៣៩. សនិទស្សនោ ធម្មោ អនិទស្សនស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – វណ្ណសម្បទំ បត្ថយមានោ ទានំ…បេ… សីលំ…បេ… ឧបោសថកម្មំ ករោតិ, វណ្ណសម្បទា សទ្ធាយ…បេ… បត្ថនាយ… កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

អនិទស្សនោ ធម្មោ អនិទស្សនស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… សេនាសនំ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ. (១)

បុរេជាតបច្ចយោ

៤០. សនិទស្សនោ ធម្មោ អនិទស្សនស្ស ធម្មស្ស បុរេជាតបច្ចយេន បច្ចយោ – សនិទស្សនំ រូបំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស បុរេជាតបច្ចយេន បច្ចយោ. (១)

អនិទស្សនោ ធម្មោ អនិទស្សនស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, ទិព្ពាយ សោតធាតុយា សទ្ទំ សុណាតិ, សទ្ទាយតនំ សោតវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អនិទស្សនានំ ខន្ធានំ បុរេជាតបច្ចយេន បច្ចយោ. (១)

សនិទស្សនោ ច អនិទស្សនោ ច ធម្មា អនិទស្សនស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. រូបាយតនញ្ច វត្ថុ ច អនិទស្សនានំ ខន្ធានំ បុរេជាតបច្ចយេន បច្ចយោ; រូបាយតនញ្ច ចក្ខាយតនញ្ច ចក្ខុវិញ្ញាណស្ស បុរេជាតបច្ចយេន បច្ចយោ. (១)

បច្ឆាជាតបច្ចយោ

៤១. អនិទស្សនោ ធម្មោ អនិទស្សនស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនា ខន្ធា បុរេជាតស្ស ឥមស្ស អនិទស្សនស្ស កាយស្ស បច្ឆាជាតបច្ចយេន បច្ចយោ. (១)

អនិទស្សនោ ធម្មោ សនិទស្សនស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនា ខន្ធា បុរេជាតស្ស ឥមស្ស សនិទស្សនស្ស កាយស្ស បច្ឆាជាតបច្ចយេន បច្ចយោ. (២)

អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនា ខន្ធា បុរេជាតស្ស ឥមស្ស សនិទស្សនស្ស ច អនិទស្សនស្ស ច កាយស្ស បច្ឆាជាតបច្ចយេន បច្ចយោ. (៣)

អាសេវនបច្ចយោ

៤២. អនិទស្សនោ ធម្មោ អនិទស្សនស្ស ធម្មស្ស អាសេវនបច្ចយេន បច្ចយោ – បុរិមា បុរិមា អនិទស្សនា ខន្ធា បច្ឆិមានំ បច្ឆិមានំ អនិទស្សនានំ ខន្ធានំ…បេ… អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

កម្មបច្ចយោ

៤៣. អនិទស្សនោ ធម្មោ អនិទស្សនស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អនិទស្សនា ចេតនា សម្បយុត្តកានំ ខន្ធានំ អនិទស្សនានញ្ច ចិត្តសមុដ្ឋានានំ រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – អនិទស្សនា ចេតនា វិបាកានំ ខន្ធានំ អនិទស្សនានញ្ច កដត្តារូបានំ កម្មបច្ចយេន បច្ចយោ. (១)

អនិទស្សនោ ធម្មោ សនិទស្សនស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា (វិត្ថារេតព្ពំ). (២)

អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា (វិត្ថារេតព្ពំ). (៣)

វិបាកបច្ចយាទិ

៤៤. អនិទស្សនោ ធម្មោ អនិទស្សនស្ស ធម្មស្ស វិបាកបច្ចយេន បច្ចយោ… តីណិ… អាហារបច្ចយេន បច្ចយោ… តីណិ (តីសុបិ កពឡីការោ អាហារោ កាតព្ពោ)… ឥន្ទ្រិយបច្ចយេន បច្ចយោ… តីណិ (តីសុបិ រូបជីវិតិន្ទ្រិយំ)… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… តីណិ… សម្បយុត្តបច្ចយេន បច្ចយោ… ឯកំ.

វិប្បយុត្តបច្ចយោ

៤៥. អនិទស្សនោ ធម្មោ អនិទស្សនស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – អនិទស្សនា ខន្ធា អនិទស្សនានំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ អនិទស្សនា ខន្ធា អនិទស្សនានំ កដត្តារូបានំ វិប្បយុត្តបច្ចយេន បច្ចយោ; ខន្ធា វត្ថុស្ស វិប្បយុត្តបច្ចយេន បច្ចយោ, វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អនិទស្សនានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – អនិទស្សនា ខន្ធា បុរេជាតស្ស ឥមស្ស អនិទស្សនស្ស កាយស្ស វិប្បយុត្តបច្ចយេន បច្ចយោ. (១)

អនិទស្សនោ ធម្មោ សនិទស្សនស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អនិទស្សនា ខន្ធា សនិទស្សនានំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – អនិទស្សនា ខន្ធា បុរេជាតស្ស ឥមស្ស សនិទស្សនស្ស កាយស្ស វិប្បយុត្តបច្ចយេន បច្ចយោ. (២)

អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អនិទស្សនា ខន្ធា សនិទស្សនានញ្ច អនិទស្សនានញ្ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – អនិទស្សនា ខន្ធា បុរេជាតស្ស ឥមស្ស សនិទស្សនស្ស ច អនិទស្សនស្ស ច កាយស្ស វិប្បយុត្តបច្ចយេន បច្ចយោ. (៣)

អត្ថិបច្ចយាទិ

៤៦. សនិទស្សនោ ធម្មោ អនិទស្សនស្ស ធម្មស្ស អត្ថិបច្ចយេន បច្ចយោ – សនិទស្សនំ រូបំ អនិច្ចតោ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស អត្ថិបច្ចយេន បច្ចយោ. (១)

អនិទស្សនោ ធម្មោ អនិទស្សនស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – អនិទស្សនោ ឯកោ ខន្ធោ តិណ្ណន្នំ ខន្ធានំ អនិទស្សនានញ្ច ចិត្តសមុដ្ឋានានំ រូបានំ អត្ថិបច្ចយេន បច្ចយោ…បេ… ទ្វេ ខន្ធេ…បេ… (សំខិត្តំ. យាវ អសញ្ញសត្តា). បុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, ទិព្ពាយ សោតធាតុយា សទ្ទំ សុណាតិ, សទ្ទាយតនំ សោតវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អនិទស្សនានំ ខន្ធានំ អត្ថិបច្ចយេន បច្ចយោ. បច្ឆាជាតា – អនិទស្សនា ខន្ធា បុរេជាតស្ស ឥមស្ស អនិទស្សនស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស អនិទស្សនស្ស កាយស្ស អត្ថិបច្ចយេន បច្ចយោ; រូបជីវិតិន្ទ្រិយំ អនិទស្សនានំ កដត្តារូបានំ អត្ថិបច្ចយេន បច្ចយោ. (១)

អនិទស្សនោ ធម្មោ សនិទស្សនស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – អនិទស្សនា ខន្ធា សនិទស្សនានំ ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ…បេ… មហាភូតា សនិទស្សនានំ ចិត្តសមុដ្ឋានានំ រូបានំ កដត្តារូបានំ ឧបាទារូបានំ អត្ថិបច្ចយេន បច្ចយោ…បេ… ពាហិរា… អាហារសមុដ្ឋានា… ឧតុសមុដ្ឋានា… អសញ្ញសត្តានំ មហាភូតា សនិទស្សនានំ កដត្តារូបានំ, ឧបាទារូបានំ អត្ថិបច្ចយេន បច្ចយោ. បច្ឆាជាតា – អនិទស្សនា ខន្ធា បុរេជាតស្ស ឥមស្ស សនិទស្សនស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស សនិទស្សនស្ស កាយស្ស អត្ថិបច្ចយេន បច្ចយោ; រូបជីវិតិន្ទ្រិយំ សនិទស្សនានំ កដត្តារូបានំ អត្ថិបច្ចយេន បច្ចយោ. (២)

អនិទស្សនោ ធម្មោ សនិទស្សនស្ស ច អនិទស្សនស្ស ច ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតោ – អនិទស្សនោ ឯកោ ខន្ធោ តិណ្ណន្នំ ខន្ធានំ សនិទស្សនានញ្ច អនិទស្សនានញ្ច ចិត្តសមុដ្ឋានានំ រូបានំ អត្ថិបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ…បេ… មហាភូតា សនិទស្សនានញ្ច អនិទស្សនានញ្ច ចិត្តសមុដ្ឋានានំ រូបានំ, កដត្តារូបានំ, ឧបាទារូបានំ អត្ថិបច្ចយេន បច្ចយោ; ពាហិរា… អាហារសមុដ្ឋានា… ឧតុសមុដ្ឋានា… អសញ្ញសត្តានំ មហាភូតា សនិទស្សនានញ្ច អនិទស្សនានញ្ច កដត្តារូបានំ ឧបាទារូបានំ អត្ថិបច្ចយេន បច្ចយោ. (៣)

៤៧. សនិទស្សនោ ច អនិទស្សនោ ច ធម្មា អនិទស្សនស្ស ធម្មស្ស អត្ថិបច្ចយេន បច្ចយោ. បុរេជាតំ – រូបាយតនញ្ច វត្ថុ ច អនិទស្សនានំ ខន្ធានំ អត្ថិបច្ចយេន បច្ចយោ; រូបាយតនញ្ច ចក្ខាយតនញ្ច ចក្ខុវិញ្ញាណស្ស អត្ថិបច្ចយេន បច្ចយោ.

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.