១. វិភង្គវារោ

ហេតុបច្ចយោ

១៧៦. កេនចិ វិញ្ញេយ្យំ ធម្មំ បដិច្ច កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា – កេនចិ វិញ្ញេយ្យំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

កេនចិ វិញ្ញេយ្យំ ធម្មំ បដិច្ច កេនចិ នវិញ្ញេយ្យោ ធម្មោ ឧប្បជ្ជតិ ហេតុបច្ចយា – កេនចិ វិញ្ញេយ្យំ ឯកំ ខន្ធំ បដិច្ច កេនចិ នវិញ្ញេយ្យា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (២)

កេនចិ វិញ្ញេយ្យំ ធម្មំ បដិច្ច កេនចិ វិញ្ញេយ្យោ ច កេនចិ នវិញ្ញេយ្យោ ច ធម្មា ឧប្បជ្ជន្តិ ហេតុបច្ចយា – កេនចិ វិញ្ញេយ្យំ ឯកំ ខន្ធំ បដិច្ច កេនចិ វិញ្ញេយ្យា ច កេនចិ នវិញ្ញេយ្យា ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (៣)

១៧៧. កេនចិ នវិញ្ញេយ្យំ ធម្មំ បដិច្ច កេនចិ នវិញ្ញេយ្យោ ធម្មោ ឧប្បជ្ជតិ ហេតុបច្ចយា – កេនចិ នវិញ្ញេយ្យំ ឯកំ ខន្ធំ បដិច្ច កេនចិ នវិញ្ញេយ្យា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

កេនចិ នវិញ្ញេយ្យំ ធម្មំ បដិច្ច កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា – កេនចិ នវិញ្ញេយ្យំ ឯកំ ខន្ធំ បដិច្ច កេនចិ វិញ្ញេយ្យា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (២)

កេនចិ នវិញ្ញេយ្យំ ធម្មំ បដិច្ច កេនចិ វិញ្ញេយ្យោ ច កេនចិ នវិញ្ញេយ្យោ ច ធម្មា ឧប្បជ្ជន្តិ ហេតុបច្ចយា – កេនចិ នវិញ្ញេយ្យំ ឯកំ ខន្ធំ បដិច្ច កេនចិ វិញ្ញេយ្យា ច កេនចិ នវិញ្ញេយ្យា ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (៣)

១៧៨. កេនចិ វិញ្ញេយ្យញ្ច កេនចិ នវិញ្ញេយ្យញ្ច ធម្មំ បដិច្ច កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា – កេនចិ វិញ្ញេយ្យញ្ច កេនចិ នវិញ្ញេយ្យញ្ច ឯកំ ខន្ធំ បដិច្ច កេនចិ វិញ្ញេយ្យា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ …បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

កេនចិ វិញ្ញេយ្យញ្ច កេនចិ នវិញ្ញេយ្យញ្ច ធម្មំ បដិច្ច កេនចិ នវិញ្ញេយ្យោ ធម្មោ ឧប្បជ្ជតិ ហេតុបច្ចយា – កេនចិ វិញ្ញេយ្យញ្ច កេនចិ នវិញ្ញេយ្យញ្ច ឯកំ ខន្ធំ បដិច្ច កេនចិ នវិញ្ញេយ្យា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (២)

កេនចិ វិញ្ញេយ្យញ្ច កេនចិ នវិញ្ញេយ្យញ្ច ធម្មំ បដិច្ច កេនចិ វិញ្ញេយ្យោ ច កេនចិ នវិញ្ញេយ្យោ ច ធម្មា ឧប្បជ្ជន្តិ ហេតុបច្ចយា – កេនចិ វិញ្ញេយ្យញ្ច កេនចិ នវិញ្ញេយ្យញ្ច ឯកំ ខន្ធំ បដិច្ច កេនចិ វិញ្ញេយ្យា ច កេនចិ នវិញ្ញេយ្យា ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ (សំខិត្តំ). (៣)

១. បច្ចយានុលោមំ

២. សង្ខ្យាវារោ

១៧៩. ហេតុយា នវ, អារម្មណេ នវ…បេ… អវិគតេ នវ.

អនុលោមំ.