២. សង្ខ្យាវារោ

សុទ្ធំ

១៧០. ហេតុយា ចត្តារិ, អារម្មណេ តីណិ, អធិបតិយា ចត្តារិ, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ សត្ត, ឧបនិស្សយេ ចត្តារិ, បុរេជាតេ ទ្វេ, បច្ឆាជាតេ ទ្វេ, អាសេវនេ ទ្វេ, កម្មេ ចត្តារិ, វិបាកេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ តីណិ, អត្ថិយា សត្ត, នត្ថិយា ចត្តារិ, វិគតេ ចត្តារិ, អវិគតេ សត្ត.

អនុលោមំ.

បច្ចនីយុទ្ធារោ

១៧១. លោកិយោ ធម្មោ លោកិយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

លោកិយោ ធម្មោ លោកុត្តរស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

១៧២. លោកុត្តរោ ធម្មោ លោកុត្តរស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

លោកុត្តរោ ធម្មោ លោកិយស្ស ច លោកុត្តរស្ស ច ធម្មស្ស សហជាតបច្ចយេន បច្ចយោ. (៣)

លោកិយោ ច លោកុត្តរោ ច ធម្មា លោកិយស្ស ធម្មស្ស សហជាតំ… បច្ឆាជាតំ… អាហារំ… ឥន្ទ្រិយំ. (១)

លោកិយោ ច លោកុត្តរោ ច ធម្មា លោកុត្តរស្ស ធម្មស្ស សហជាតំ… បុរេជាតំ. (២)