១. វិភង្គវារោ

ហេតុបច្ចយោ

១៤៨. លោកិយោ ធម្មោ លោកិយស្ស ធម្មស្ស ហេតុបច្ចយេន បច្ចយោ – លោកិយា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

លោកុត្តរោ ធម្មោ លោកុត្តរស្ស ធម្មស្ស ហេតុបច្ចយេន បច្ចយោ… តីណិ.

អារម្មណបច្ចយោ

១៤៩. លោកិយោ ធម្មោ លោកិយស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា…បេ… អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ សមុទាចិណ្ណេ កិលេសេ ជានន្តិ; ចក្ខុំ…បេ… វត្ថុំ លោកិយេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន លោកិយចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស, លោកិយា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

១៥០. លោកុត្តរោ ធម្មោ លោកុត្តរស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ; អរិយា ចេតោបរិយញាណេន លោកុត្តរចិត្តសមង្គិស្ស ចិត្តំ ជានន្តិ, លោកុត្តរា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

អធិបតិបច្ចយោ

១៥១. លោកិយោ ធម្មោ លោកិយស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ …បេ… បុព្ពេ…បេ… ឈានា…បេ… សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ; ចក្ខុំ…បេ… វត្ថុំ លោកិយេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – លោកិយាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

១៥២. លោកុត្តរោ ធម្មោ លោកុត្តរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – និព្ពានំ មគ្គស្ស, ផលស្ស អធិបតិបច្ចយេន បច្ចយោ. សហជាតាធិបតិ – លោកុត្តរាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ. សហជាតាធិបតិ – លោកុត្តរាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

លោកុត្តរោ ធម្មោ លោកិយស្ស ច លោកុត្តរស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – លោកុត្តរាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អនន្តរបច្ចយោ

១៥៣. លោកិយោ ធម្មោ លោកិយស្ស ធម្មស្ស អនន្តរបច្ចយេន បច្ចយោ – បុរិមា បុរិមា លោកិយា ខន្ធា បច្ឆិមានំ បច្ឆិមានំ លោកិយានំ ខន្ធានំ…បេ… អនុលោមំ គោត្រភុស្ស… អនុលោមំ វោទានស្ស អនន្តរបច្ចយេន បច្ចយោ. (១)

លោកិយោ ធម្មោ លោកុត្តរស្ស ធម្មស្ស អនន្តរបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (២)

១៥៤. លោកុត្តរោ ធម្មោ លោកុត្តរស្ស ធម្មស្ស អនន្តរបច្ចយេន បច្ចយោ – បុរិមា បុរិមា លោកុត្តរា ខន្ធា បច្ឆិមានំ បច្ឆិមានំ លោកុត្តរានំ ខន្ធានំ អនន្តរបច្ចយេន បច្ចយោ; មគ្គោ ផលស្ស, ផលំ ផលស្ស អនន្តរបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស អនន្តរបច្ចយេន បច្ចយោ – ផលំ វុដ្ឋានស្ស អនន្តរបច្ចយេន បច្ចយោ. (២)

សមនន្តរបច្ចយាទិ

១៥៥. លោកិយោ ធម្មោ លោកិយស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ (បញ្ច បញ្ហា, ឃដនា នត្ថិ) អញ្ញមញ្ញបច្ចយេន បច្ចយោ… ទ្វេ… និស្សយបច្ចយេន បច្ចយោ.

ឧបនិស្សយបច្ចយោ

១៥៦. លោកិយោ ធម្មោ លោកិយស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – លោកិយំ សទ្ធំ ឧបនិស្សាយ ទានំ ទេតិ…បេ… វិបស្សនំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ; លោកិយំ សីលំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; លោកិយា សទ្ធា…បេ… សេនាសនំ លោកិយាយ សទ្ធាយ…បេ… កាយិកស្ស ទុក្ខស្ស ឧបនិស្សយបច្ចយេន បច្ចយោ; កុសលាកុសលំ កម្មំ វិបាកស្ស ឧបនិស្សយបច្ចយេន បច្ចយោ. (១)

លោកិយោ ធម្មោ លោកុត្តរស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស ឧបនិស្សយបច្ចយេន បច្ចយោ…បេ… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ. (២)

១៥៧. លោកុត្តរោ ធម្មោ លោកុត្តរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមោ មគ្គោ ទុតិយស្ស មគ្គស្ស ឧបនិស្សយបច្ចយេន បច្ចយោ…បេ… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបជ្ជន្តិ, សង្ខារេ អនិច្ចតោ ទុក្ខតោ អនត្តតោ វិបស្សន្តិ, អរិយានំ មគ្គោ…បេ… ឋានាឋានកោសល្លស្ស ឧបនិស្សយបច្ចយេន បច្ចយោ; ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ. (២)

បុរេជាតបច្ចយោ

១៥៨. លោកិយោ ធម្មោ លោកិយស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ ទុក្ខតោ អនត្តតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ លោកិយានំ ខន្ធានំ បុរេជាតបច្ចយេន បច្ចយោ. (១)

លោកិយោ ធម្មោ លោកុត្តរស្ស ធម្មស្ស បុរេជាតបច្ចយេន បច្ចយោ. វត្ថុបុរេជាតំ – វត្ថុ លោកុត្តរានំ ខន្ធានំ បុរេជាតបច្ចយេន បច្ចយោ. (២)

បច្ឆាជាតបច្ចយោ

១៥៩. លោកិយោ ធម្មោ លោកិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា លោកិយា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា លោកុត្តរា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

១៦០. លោកិយោ ធម្មោ លោកិយស្ស ធម្មស្ស អាសេវនបច្ចយេន បច្ចយោ – បុរិមា បុរិមា លោកិយា ខន្ធា បច្ឆិមានំ បច្ឆិមានំ លោកិយានំ ខន្ធានំ អាសេវនបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ. (១)

លោកិយោ ធម្មោ លោកុត្តរស្ស ធម្មស្ស អាសេវនបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (២)

កម្មបច្ចយោ

១៦១. លោកិយោ ធម្មោ លោកិយស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – លោកិយា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – លោកិយា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

លោកុត្តរោ ធម្មោ លោកុត្តរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – លោកុត្តរា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. នានាក្ខណិកា – លោកុត្តរា ចេតនា វិបាកានំ ខន្ធានំ កម្មបច្ចយេន បច្ចយោ. (១)

លោកុត្តរោ ធម្មោ លោកិយស្ស ធម្មស្ស កម្មបច្ចយេន បច្ចយោ – លោកុត្តរា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. (២)

លោកុត្តរោ ធម្មោ លោកិយស្ស ច លោកុត្តរស្ស ច ធម្មស្ស កម្មបច្ចយេន បច្ចយោ – លោកុត្តរា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយោ

១៦២. លោកិយោ ធម្មោ លោកិយស្ស ធម្មស្ស វិបាកបច្ចយេន បច្ចយោ – វិបាកោ លោកិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ…បេ…. (១)

លោកុត្តរោ ធម្មោ លោកុត្តរស្ស ធម្មស្ស វិបាកបច្ចយេន បច្ចយោ… តីណិ.

អាហារបច្ចយោ

១៦៣. លោកិយោ ធម្មោ លោកិយស្ស ធម្មស្ស អាហារបច្ចយេន បច្ចយោ – លោកិយា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ. (១)

លោកុត្តរោ ធម្មោ លោកុត្តរស្ស ធម្មស្ស អាហារបច្ចយេន បច្ចយោ… តីណិ.

ឥន្ទ្រិយបច្ចយោ

១៦៤. លោកិយោ ធម្មោ លោកិយស្ស ធម្មស្ស ឥន្ទ្រិយបច្ចយេន បច្ចយោ (បដិសន្ធិ កាតព្ពា); ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ; រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ. (១)

លោកុត្តរោ ធម្មោ លោកុត្តរស្ស ធម្មស្ស ឥន្ទ្រិយបច្ចយេន បច្ចយោ… តីណិ.

ឈានបច្ចយាទិ

១៦៥. លោកិយោ ធម្មោ លោកិយស្ស ធម្មស្ស ឈានបច្ចយេន បច្ចយោ… ឯកំ, លោកុត្តរោ ធម្មោ…បេ… តីណិ… មគ្គបច្ចយេន បច្ចយោ, លោកិយេ ឯកំ, លោកុត្តរេ តីណិ.

លោកិយោ ធម្មោ លោកិយស្ស ធម្មស្ស សម្បយុត្តបច្ចយេន បច្ចយោ… ឯកំ, លោកុត្តរោ ធម្មោ…បេ… ឯកំ.

វិប្បយុត្តបច្ចយោ

១៦៦. លោកិយោ ធម្មោ លោកិយស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – លោកិយា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ… ខន្ធា វត្ថុស្ស វិប្បយុត្តបច្ចយេន បច្ចយោ; វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ លោកិយានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – លោកិយា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

លោកិយោ ធម្មោ លោកុត្តរស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ លោកុត្តរានំ ខន្ធានំ វិប្បយុត្តបច្ចយេន បច្ចយោ. (២)

លោកុត្តរោ ធម្មោ លោកិយស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – លោកុត្តរា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – លោកុត្តរា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយាទិ

១៦៧. លោកិយោ ធម្មោ លោកិយស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – លោកិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ…បេ… (យាវ អសញ្ញសត្តា). បុរេជាតំ – ចក្ខុំ…បេ… វត្ថុំ …បេ… (បុរេជាតសទិសំ). វត្ថុ លោកិយានំ ខន្ធានំ អត្ថិបច្ចយេន បច្ចយោ. បច្ឆាជាតា – លោកិយា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ; រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ. (១)

លោកិយោ ធម្មោ លោកុត្តរស្ស ធម្មស្ស អត្ថិបច្ចយេន បច្ចយោ. បុរេជាតំ – វត្ថុ លោកុត្តរានំ ខន្ធានំ អត្ថិបច្ចយេន បច្ចយោ. (២)

១៦៨. លោកុត្តរោ ធម្មោ លោកុត្តរស្ស ធម្មស្ស អត្ថិបច្ចយេន បច្ចយោ – លោកុត្តរោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា…បេ…. (១)

លោកុត្តរោ ធម្មោ លោកិយស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – លោកុត្តរា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – លោកុត្តរា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

លោកុត្តរោ ធម្មោ លោកិយស្ស ច លោកុត្តរស្ស ច ធម្មស្ស អត្ថិបច្ចយេន បច្ចយោ – លោកុត្តរោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា…បេ…. (៣)

១៦៩. លោកិយោ ច លោកុត្តរោ ច ធម្មា លោកិយស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – លោកុត្តរា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – លោកុត្តរា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – លោកុត្តរា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (១)

លោកិយោ ច លោកុត្តរោ ច ធម្មា លោកុត្តរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – លោកុត្តរោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. (២)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ. (២)