១. វិភង្គវារោ

ហេតុបច្ចយោ

១៣៣. លោកិយំ ធម្មំ បដិច្ច លោកិយោ ធម្មោ ឧប្បជ្ជតិ ហេតុបច្ចយា – លោកិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ, កដត្តារូបំ, ឧបាទារូបំ. (១)

១៣៤. លោកុត្តរំ ធម្មំ បដិច្ច លោកុត្តរោ ធម្មោ ឧប្បជ្ជតិ ហេតុបច្ចយា – លោកុត្តរំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

លោកុត្តរំ ធម្មំ បដិច្ច លោកិយោ ធម្មោ ឧប្បជ្ជតិ ហេតុបច្ចយា – លោកុត្តរេ ខន្ធេ បដិច្ច ចិត្តសមុដ្ឋានំ រូបំ. (២)

លោកុត្តរំ ធម្មំ បដិច្ច លោកិយោ ច លោកុត្តរោ ច ធម្មា ឧប្បជ្ជន្តិ ហេតុបច្ចយា – លោកុត្តរំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

លោកិយញ្ច លោកុត្តរញ្ច ធម្មំ បដិច្ច លោកិយោ ធម្មោ ឧប្បជ្ជតិ ហេតុបច្ចយា – លោកុត្តរេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (សំខិត្តំ). (១)