១. វិភង្គវារោ

ហេតុបច្ចយោ

១០២. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស ហេតុបច្ចយេន បច្ចយោ – ឧបាទានា ចេវ ឧបាទានសម្បយុត្តា ច ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ. (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ហេតូ សម្បយុត្តកានំ ខន្ធានំ ឧបាទានានញ្ច ហេតុបច្ចយេន បច្ចយោ. (៣)

១០៣. ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស ហេតុបច្ចយេន បច្ចយោ – ឧបាទានសម្បយុត្តា ចេវ នោ ច ឧបាទានា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ បុច្ឆិតព្ពំ) ឧបាទានសម្បយុត្តា ចេវ នោ ច ឧបាទានា ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ. (មូលំ បុច្ឆិតព្ពំ) ឧបាទានសម្បយុត្តា ចេវ នោ ច ឧបាទានា ហេតូ សម្បយុត្តកានំ ខន្ធានំ ឧបាទានានញ្ច ហេតុបច្ចយេន បច្ចយោ. (៣)

១០៤. ឧបាទានោ ចេវ ឧបាទានសម្បយុត្តោ ច ឧបាទានសម្បយុត្តោ ចេវ នោ ច ឧបាទានោ ច ធម្មា ឧបាទានស្ស ចេវ ឧបាទានសម្បយុត្តស្ស ច ធម្មស្ស ហេតុបច្ចយេន បច្ចយោ – ឧបាទានា ចេវ ឧបាទានសម្បយុត្តា ច ឧបាទានសម្បយុត្តា ចេវ នោ ច ឧបាទានា ច ហេតូ សម្បយុត្តកានំ ឧបាទានានំ ហេតុបច្ចយេន បច្ចយោ. (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ឧបាទានសម្បយុត្តា ចេវ នោ ច ឧបាទានា ច ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ បុច្ឆិតព្ពំ) ឧបាទានា ចេវ ឧបាទានសម្បយុត្តា ច ឧបាទានសម្បយុត្តា ចេវ នោ ច ឧបាទានា ច ហេតូ សម្បយុត្តកានំ ខន្ធានំ ឧបាទានានញ្ច ហេតុបច្ចយេន បច្ចយោ. (៣)

អារម្មណបច្ចយោ

១០៥. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អារម្មណបច្ចយេន បច្ចយោ – ឧបាទានេ អារព្ភ ឧបាទានា ឧប្បជ្ជន្តិ. (មូលំ បុច្ឆិតព្ពំ) ឧបាទានេ អារព្ភ ឧបាទានសម្បយុត្តា ចេវ នោ ច ឧបាទានា ខន្ធា ឧប្បជ្ជន្តិ. (មូលំ បុច្ឆិតព្ពំ) ឧបាទានេ អារព្ភ ឧបាទានា ច សម្បយុត្តកា ច ខន្ធា ឧប្បជ្ជន្តិ. (៣)

ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស អារម្មណបច្ចយេន បច្ចយោ – ឧបាទានសម្បយុត្តេ ចេវ នោ ច ឧបាទានេ ខន្ធេ អារព្ភ ឧបាទានសម្បយុត្តា ចេវ នោ ច ឧបាទានា ខន្ធា ឧប្បជ្ជន្តិ (តីណិបិ កាតព្ពា, ឃដនេ តីណិបិ កាតព្ពា).

អធិបតិបច្ចយោ

១០៦. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អធិបតិបច្ចយេន បច្ចយោ… តីណិ. (៣)

ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ (តីណិបិ, តីសុបិ ទ្វេបិ អធិបតិ កាតព្ពា, ឃដនាធិបតិបិ តីណិ).

អនន្តរបច្ចយោ

១០៧. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទានា ចេវ ឧបាទានសម្បយុត្តា ច ខន្ធា បច្ឆិមានំ បច្ឆិមានំ ឧបាទានានំ អនន្តរបច្ចយេន បច្ចយោ (ឯវំ នវបិ បញ្ហា កាតព្ពា, អាវជ្ជនាបិ វុដ្ឋានម្បិ នត្ថិ).

សមនន្តរបច្ចយាទិ

១០៨. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស សមនន្តរបច្ចយេន បច្ចយោ… នវ… សហជាតបច្ចយេន បច្ចយោ… នវ… អញ្ញមញ្ញបច្ចយេន បច្ចយោ… នវ… និស្សយបច្ចយេន បច្ចយោ… នវ.

ឧបនិស្សយបច្ចយោ

១០៩. ឧបាទានោ ចេវ ឧបាទានសម្បយុត្តោ ច ធម្មោ ឧបាទានស្ស ចេវ ឧបាទានសម្បយុត្តស្ស ច ធម្មស្ស ឧបនិស្សយបច្ចយេន បច្ចយោ…បេ… តីណិ.

ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧបាទានសម្បយុត្តា ចេវ នោ ច ឧបាទានា ខន្ធា ឧបាទានសម្បយុត្តកានញ្ចេវ នោ ច ឧបាទានានំ ខន្ធានំ ឧបនិស្សយបច្ចយេន បច្ចយោ (តីណិ ឃដនុបនិស្សយេបិ តីណិ)… អាសេវនបច្ចយេន បច្ចយោ… នវ.

កម្មបច្ចយាទិ

១១០. ឧបាទានសម្បយុត្តោ ចេវ នោ ច ឧបាទានោ ធម្មោ ឧបាទានសម្បយុត្តស្ស ចេវ នោ ច ឧបាទានស្ស ធម្មស្ស កម្មបច្ចយេន បច្ចយោ… តីណិ… អាហារបច្ចយេន បច្ចយោ… តីណិ… ឥន្ទ្រិយបច្ចយេន បច្ចយោ… តីណិ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… នវ… សម្បយុត្តបច្ចយេន បច្ចយោ… នវ… អត្ថិបច្ចយេន បច្ចយោ… នវ… នត្ថិបច្ចយេន បច្ចយោ… នវ… វិគតបច្ចយេន បច្ចយោ… នវ… អវិគតបច្ចយេន បច្ចយោ… នវ.