១. វិភង្គវារោ

ហេតុបច្ចយោ

១០១. ឧបាទានញ្ចេវ ឧបាទានសម្បយុត្តញ្ច ធម្មំ បដិច្ច ឧបាទានោ ចេវ ឧបាទានសម្បយុត្តោ ច ធម្មោ ឧប្បជ្ជតិ ហេតុបច្ចយា – ទិដ្ឋុបាទានំ បដិច្ច កាមុបាទានំ (ចក្កំ កាតព្ពំ). (១)

ឧបាទានញ្ចេវ ឧបាទានសម្បយុត្តញ្ច ធម្មំ បដិច្ច ឧបាទានសម្បយុត្តោ ចេវ នោ ច ឧបាទានោ ធម្មោ ឧប្បជ្ជតិ ហេតុបច្ចយា – ឧបាទានេ បដិច្ច សម្បយុត្តកា ខន្ធា. (២)

ឧបាទានញ្ចេវ ឧបាទានសម្បយុត្តញ្ច ធម្មំ បដិច្ច ឧបាទានោ ចេវ ឧបាទានសម្បយុត្តោ ច ឧបាទានសម្បយុត្តោ ចេវ នោ ច ឧបាទានោ ច ធម្មា ឧប្បជ្ជន្តិ ហេតុបច្ចយា – ទិដ្ឋុបាទានំ បដិច្ច កាមុបាទានំ សម្បយុត្តកា ច ខន្ធា (ចក្កំ). (៣)