១. វិភង្គវារោ

ហេតុបច្ចយោ

៦៣. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស ហេតុបច្ចយេន បច្ចយោ – ឧបាទានសម្បយុត្តា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស ហេតុបច្ចយេន បច្ចយោ – ឧបាទានសម្បយុត្តា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; ទិដ្ឋិគតវិប្បយុត្តលោភសហគតា ហេតូ ទិដ្ឋិគតវិប្បយុត្តលោភស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (មូលំ កាតព្ពំ) ឧបាទានសម្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទិដ្ឋិគតវិប្បយុត្តលោភសហគតា ហេតូ សម្បយុត្តកានំ ខន្ធានំ លោភស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

៦៤. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស ហេតុបច្ចយេន បច្ចយោ – ឧបាទានវិប្បយុត្តា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; ទិដ្ឋិគតវិប្បយុត្តោ លោភោ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ) ទិដ្ឋិគតវិប្បយុត្តោ លោភោ សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ កាតព្ពំ) ទិដ្ឋិគតវិប្បយុត្តោ លោភោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

៦៥. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស ហេតុបច្ចយេន បច្ចយោ – ទិដ្ឋិគតវិប្បយុត្តលោភសហគតោ មោហោ ច លោភោ ច សម្បយុត្តកានំ ខន្ធានំ ហេតុបច្ចយេន បច្ចយោ. (មូលំ កាតព្ពំ) ទិដ្ឋិគតវិប្បយុត្តលោភសហគតោ មោហោ ច លោភោ ច ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស ហេតុបច្ចយេន បច្ចយោ – ទិដ្ឋិគតវិប្បយុត្តលោភសហគតោ មោហោ ច លោភោ ច សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៦៦. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ – ឧបាទានសម្បយុត្តេ ខន្ធេ អារព្ភ ឧបាទានសម្បយុត្តា ខន្ធា ឧប្បជ្ជន្តិ. (មូលំ កាតព្ពំ) ឧបាទានសម្បយុត្តេ ខន្ធេ អារព្ភ ឧបាទានវិប្បយុត្តា ខន្ធា ច លោភោ ច ឧប្បជ្ជន្តិ. (មូលំ កាតព្ពំ) ឧបាទានសម្បយុត្តេ ខន្ធេ អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. (៣)

៦៧. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ…បេ… បុព្ពេ សុចិណ្ណានិ…បេ… ឈានា វុដ្ឋហិត្វា ឈានំ បច្ចវេក្ខតិ, អស្សាទេតិ អភិនន្ទតិ, តំ អារព្ភ ទិដ្ឋិគតវិប្បយុត្តោ រាគោ…បេ… វិចិកិច្ឆា…បេ… ឧទ្ធច្ចំ ឧប្បជ្ជតិ, ឈានេ បរិហីនេ វិប្បដិសារិស្ស ទោមនស្សំ ឧប្បជ្ជតិ. អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ… និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. អរិយា ឧបាទានវិប្បយុត្តេ បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ សមុទាចិណ្ណេ កិលេសេ…បេ… ចក្ខុំ…បេ… វត្ថុំ ឧបាទានវិប្បយុត្តេ ខន្ធេ ច លោភញ្ច អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ ទិដ្ឋិគតវិប្បយុត្តោ រាគោ…បេ… វិចិកិច្ឆា…បេ… ឧទ្ធច្ចំ…បេ… ទោមនស្សំ ឧប្បជ្ជតិ…បេ… (សព្ពំ បរិបុណ្ណំ), ទិព្ពេន ចក្ខុនា… (យាវ កាយវិញ្ញាណំ), ឧបាទានវិប្បយុត្តា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ – ទានំ …បេ… ឈានំ…បេ… ចក្ខុំ…បេ… វត្ថុំ ឧបាទានវិប្បយុត្តេ ខន្ធេ ច លោភញ្ច អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អារម្មណបច្ចយេន បច្ចយោ – ចក្ខុំ…បេ… វត្ថុំ ឧបាទានវិប្បយុត្តេ ខន្ធេ ច លោភញ្ច អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. (៣)

៦៨. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អារម្មណបច្ចយេន បច្ចយោ – ទិដ្ឋិគតវិប្បយុត្តលោភសហគតេ ខន្ធេ ច លោភញ្ច អារព្ភ ឧបាទានសម្បយុត្តា ខន្ធា ឧប្បជ្ជន្តិ. (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច អារព្ភ ឧបាទានវិប្បយុត្តា ខន្ធា ច លោភោ ច ឧប្បជ្ជន្តិ. (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. (៣)

អធិបតិបច្ចយោ

៦៩. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ឧបាទានសម្បយុត្តេ ខន្ធេ គរុំ កត្វា ឧបាទានសម្បយុត្តា ខន្ធា ឧប្បជ្ជន្តិ. សហជាតាធិបតិ – ឧបាទានសម្បយុត្តាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (មូលំ កាតព្ពំ) អារម្មណាធិបតិ, សហជាតាធិបតិ. អារម្មណាធិបតិ – ឧបាទានសម្បយុត្តេ ខន្ធេ គរុំ កត្វា ទិដ្ឋិគតវិប្បយុត្តោ លោភោ ឧប្បជ្ជតិ. សហជាតាធិបតិ – ឧបាទានសម្បយុត្តាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ; ទិដ្ឋិគតវិប្បយុត្តលោភសហគតាធិបតិ លោភស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (មូលំ កាតព្ពំ) អារម្មណាធិបតិ, សហជាតាធិបតិ. អារម្មណាធិបតិ – ឧបាទានសម្បយុត្តេ ខន្ធេ គរុំ កត្វា ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. សហជាតាធិបតិ – ឧបាទានសម្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ; ទិដ្ឋិគតវិប្បយុត្តលោភសហគតាធិបតិ សម្បយុត្តកានំ ខន្ធានំ លោភស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

៧០. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អស្សាទេតិ អភិនន្ទតិ, តំ គរុំ កត្វា ទិដ្ឋិគតវិប្បយុត្តោ រាគោ ឧប្បជ្ជតិ…បេ… អរិយា មគ្គា វុដ្ឋហិត្វា…បេ… ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ ឧបាទានវិប្បយុត្តេ ខន្ធេ ច លោភញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា ទិដ្ឋិគតវិប្បយុត្តោ រាគោ ឧប្បជ្ជតិ. សហជាតាធិបតិ – ឧបាទានវិប្បយុត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ…បេ… ឈានំ…បេ… ចក្ខុំ…បេ… វត្ថុំ ឧបាទានវិប្បយុត្តេ ខន្ធេ ច លោភញ្ច គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – ចក្ខុំ…បេ… វត្ថុំ ឧបាទានវិប្បយុត្តេ ខន្ធេ ច លោភញ្ច គរុំ កត្វា ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. (៣)

៧១. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទិដ្ឋិគតវិប្បយុត្តលោភសហគតេ ខន្ធេ ច លោភញ្ច គរុំ កត្វា ឧបាទានសម្បយុត្តា ខន្ធា ឧប្បជ្ជន្តិ. (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច គរុំ កត្វា ទិដ្ឋិគតវិប្បយុត្តោ លោភោ ឧប្បជ្ជតិ. (មូលំ កាតព្ពំ) ទិដ្ឋិគតវិប្បយុត្តលោភសហគតេ ខន្ធេ ច លោភញ្ច គរុំ កត្វា ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. (៣)

អនន្តរបច្ចយោ

៧២. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទានសម្បយុត្តា ខន្ធា បច្ឆិមានំ បច្ឆិមានំ ឧបាទានសម្បយុត្តកានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា បច្ឆិមស្ស បច្ឆិមស្ស ទិដ្ឋិគតវិប្បយុត្តស្ស លោភស្ស អនន្តរបច្ចយេន បច្ចយោ; ឧបាទានសម្បយុត្តា ខន្ធា វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ. (៣)

៧៣. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ ទិដ្ឋិគតវិប្បយុត្តោ លោភោ បច្ឆិមស្ស បច្ឆិមស្ស ទិដ្ឋិគតវិប្បយុត្តស្ស លោភស្ស អនន្តរបច្ចយេន បច្ចយោ; បុរិមា បុរិមា ឧបាទានវិប្បយុត្តា ខន្ធា បច្ឆិមានំ បច្ឆិមានំ ឧបាទានវិប្បយុត្តានំ ខន្ធានំ អនន្តរបច្ចយេន បច្ចយោ; ទិដ្ឋិគតវិប្បយុត្តោ លោភោ វុដ្ឋានស្ស អនន្តរបច្ចយេន បច្ចយោ; អនុលោមំ គោត្រភុស្ស…បេ… ផលសមាបត្តិយា អនន្តរបច្ចយេន បច្ចយោ. (មូលំ កាតព្ពំ) បុរិមោ បុរិមោ ទិដ្ឋិគតវិប្បយុត្តោ លោភោ បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ អនន្តរបច្ចយេន បច្ចយោ. អាវជ្ជនា ឧបាទានសម្បយុត្តកានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ) បុរិមោ បុរិមោ ទិដ្ឋិគតវិប្បយុត្តោ លោភោ បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ; អាវជ្ជនា ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ. (៣)

៧៤. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អនន្តរបច្ចយេន បច្ចយោ – បុរិមា បុរិមា ទិដ្ឋិគតវិប្បយុត្តលោភសហគតា ខន្ធា ច លោភោ ច បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ អនន្តរបច្ចយេន បច្ចយោ. (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា ច លោភោ ច បច្ឆិមស្ស បច្ឆិមស្ស ទិដ្ឋិគតវិប្បយុត្តស្ស លោភស្ស អនន្តរបច្ចយេន បច្ចយោ; ទិដ្ឋិគតវិប្បយុត្តលោភសហគតា ខន្ធា ច លោភោ ច វុដ្ឋានស្ស អនន្តរបច្ចយេន បច្ចយោ. (មូលំ កាតព្ពំ) បុរិមា បុរិមា ទិដ្ឋិគតវិប្បយុត្តលោភសហគតា ខន្ធា ច លោភោ ច បច្ឆិមានំ បច្ឆិមានំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច អនន្តរបច្ចយេន បច្ចយោ. (៣)

សមនន្តរបច្ចយាទិ

៧៥. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ… (បដិច្ចសទិសំ) នវ… អញ្ញមញ្ញបច្ចយេន បច្ចយោ… (បដិច្ចសទិសំ) ឆ… និស្សយបច្ចយេន បច្ចយោ… (បច្ចយវារសទិសំ) នវ.

ឧបនិស្សយបច្ចយោ

៧៦. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧបាទានសម្បយុត្តា ខន្ធា ឧបាទានសម្បយុត្តកានំ ខន្ធានំ ឧបនិស្សយបច្ចយេន បច្ចយោ. (មូលំ កាតព្ពំ) ឧបាទានសម្បយុត្តា ខន្ធា ឧបាទានវិប្បយុត្តកានំ ខន្ធានំ លោភស្ស ច ឧបនិស្សយបច្ចយេន បច្ចយោ. (មូលំ កាតព្ពំ) ឧបាទានសម្បយុត្តា ខន្ធា ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច ឧបនិស្សយបច្ចយេន បច្ចយោ. (៣)

៧៧. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, សីលំ…បេ… បញ្ញំ… ឧបាទានវិប្បយុត្តំ រាគំ… មានំ… បត្ថនំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… សេនាសនំ សទ្ធាយ…បេ… បញ្ញាយ ឧបាទានវិប្បយុត្តស្ស រាគស្ស… មានស្ស… បត្ថនាយ… កាយិកស្ស សុខស្ស…បេ… ផលសមាបត្តិយា ឧបនិស្សយបច្ចយេន បច្ចយោ. (១)

ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស ឧបនិស្សយបច្ចយេន បច្ចយោ – (តីណិ ឧបនិស្សយា) សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ, សីលំ…បេ… បញ្ញំ… ឧបាទានវិប្បយុត្តំ រាគំ… មានំ… បត្ថនំ… សេនាសនំ ឧបនិស្សាយ អទិន្នំ…បេ… មុសា…បេ… បិសុណំ…បេ… សម្ផំ…បេ… សន្ធិំ…បេ… និល្លោបំ…បេ… ឯកាគារិកំ…បេ… បរិបន្ថេ…បេ… បរទារំ…បេ… គាមឃាតំ…បេ… និគមឃាតំ ករោតិ. សទ្ធា…បេ… សេនាសនំ ឧបាទានសម្បយុត្តស្ស រាគស្ស… មោហស្ស… មានស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. (២)

ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, សីលំ…បេ… បញ្ញំ… ឧបាទានវិប្បយុត្តំ រាគំ…បេ… សេនាសនំ ឧបនិស្សាយ អទិន្នំ អាទិយតិ…បេ… គាមឃាតំ ករោតិ… និគមឃាតំ ករោតិ…. សទ្ធា…បេ… សេនាសនំ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច ឧបនិស្សយបច្ចយេន បច្ចយោ. (៣)

៧៨. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស ឧបនិស្សយបច្ចយេន បច្ចយោ – ទិដ្ឋិគតវិប្បយុត្តលោភសហគតា ខន្ធា ច លោភោ ច ឧបាទានសម្បយុត្តកានំ ខន្ធានំ ឧបនិស្សយបច្ចយេន បច្ចយោ. (មូលំ កាតព្ពំ) ទិដ្ឋិគតវិប្បយុត្តលោភសហគតា ខន្ធា ច លោភោ ច ឧបាទានវិប្បយុត្តកានំ ខន្ធានំ លោភស្ស ច ឧបនិស្សយបច្ចយេន បច្ចយោ. (មូលំ កាតព្ពំ) ទិដ្ឋិគតវិប្បយុត្តលោភសហគតា ខន្ធា ច លោភោ ច ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច ឧបនិស្សយបច្ចយេន បច្ចយោ. (៣)

បុរេជាតបច្ចយោ

៧៩. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ…បេ… វត្ថុ ឧបាទានវិប្បយុត្តកានំ ខន្ធានំ លោភស្ស ច បុរេជាតបច្ចយេន បច្ចយោ. (១)

ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ. វត្ថុបុរេជាតំ – វត្ថុ ឧបាទានសម្បយុត្តកានំ ខន្ធានំ បុរេជាតបច្ចយេន បច្ចយោ. (២)

ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អារព្ភ ទិដ្ឋិគតវិប្បយុត្តលោភសហគតា ខន្ធា ច លោភោ ច ឧប្បជ្ជន្តិ. វត្ថុបុរេជាតំ – វត្ថុ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច បុរេជាតបច្ចយេន បច្ចយោ. (៣)

បច្ឆាជាតាសេវនបច្ចយា

៨០. ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). (១)

ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). (១)

ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស បច្ឆាជាតបច្ចយេន បច្ចយោ. (សំខិត្តំ.) (១) …អាសេវនបច្ចយេន បច្ចយោ.

កម្ម-វិបាកបច្ចយា

៨១. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស កម្មបច្ចយេន បច្ចយោ – ឧបាទានសម្បយុត្តា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ឧបាទានសម្បយុត្តា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; ទិដ្ឋិគតវិប្បយុត្តលោភសហគតា ចេតនា លោភស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ. នានាក្ខណិកា – ឧបាទានសម្បយុត្តា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

ឧបាទានសម្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស កម្មបច្ចយេន បច្ចយោ – ឧបាទានសម្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; ទិដ្ឋិគតវិប្បយុត្តលោភសហគតា ចេតនា សម្បយុត្តកានំ ខន្ធានំ លោភស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

៨២. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ឧបាទានវិប្បយុត្តា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ឧបាទានវិប្បយុត្តា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស វិបាកបច្ចយេន បច្ចយោ – វិបាកោ ឧបាទានវិប្បយុត្តោ ឯកោ…បេ… ឯកំ.

អាហារបច្ចយាទិ

៨៣. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ (ឥមេសុ ចតូសុបិ យថា កម្មបច្ចយេ ទិដ្ឋិគតវិប្បយុត្តោ លោភោ ទស្សិតោ ឯវំ ទស្សេតព្ពោ. ចត្តារិ ចត្តារិ បញ្ហា)… សម្បយុត្តបច្ចយេន បច្ចយោ… ឆ.

វិប្បយុត្តបច្ចយោ

៨៤. ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (១)

ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ ឧបាទានសម្បយុត្តកានំ ខន្ធានំ វិប្បយុត្តបច្ចយេន បច្ចយោ. (២)

ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ ទិដ្ឋិគតវិប្បយុត្តលោភសហគតានំ ខន្ធានំ លោភស្ស ច វិប្បយុត្តបច្ចយេន បច្ចយោ. (៣)

ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា…បេ….

អត្ថិបច្ចយាទិ

៨៥. ឧបាទានសម្បយុត្តោ ធម្មោ ឧបាទានសម្បយុត្តស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចសទិសំ). (១)

ឧបាទានសម្បយុត្តោ ធម្មោ ឧបាទានវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

ឧបាទានសម្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អត្ថិបច្ចយេន បច្ចយោ (បដិច្ចសទិសំ). (៣)

៨៦. ឧបាទានវិប្បយុត្តោ ធម្មោ ឧបាទានវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

ឧបាទានវិប្បយុត្តោ ធម្មោ ឧបាទានសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ). (២)

ឧបាទានវិប្បយុត្តោ ធម្មោ ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (ឥមេសុ សហជាតំ សហជាតសទិសំ, បុរេជាតំ បុរេជាតសទិសំ). (៣)

៨៧. ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ឧបាទានសម្បយុត្តោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតោ – ទិដ្ឋិគតវិប្បយុត្តលោភសហគតោ ឯកោ ខន្ធោ ច លោភោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. (១)

ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានវិប្បយុត្តស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – ឧបាទានសម្បយុត្តា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – ទិដ្ឋិគតវិប្បយុត្តលោភសហគតា ខន្ធា ច វត្ថុ ច លោភស្ស អត្ថិបច្ចយេន បច្ចយោ. បច្ឆាជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ទិដ្ឋិគតវិប្បយុត្តលោភសហគតា ខន្ធា ច លោភោ ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

ឧបាទានសម្បយុត្តោ ច ឧបាទានវិប្បយុត្តោ ច ធម្មា ឧបាទានសម្បយុត្តស្ស ច ឧបាទានវិប្បយុត្តស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ទិដ្ឋិគតវិប្បយុត្តលោភសហគតោ ឯកោ ខន្ធោ ច លោភោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតោ – ទិដ្ឋិគតវិប្បយុត្តលោភសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ លោភស្ស ច អត្ថិបច្ចយេន បច្ចយោ…បេ… ទ្វេ ខន្ធា ច…បេ…. (៣)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.