១-៤. បច្ចយានុលោមាទិ

៦២. ឧបាទានសម្បយុត្តំ ធម្មំ សំសដ្ឋោ ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា – ឧបាទានសម្បយុត្តំ ឯកំ ខន្ធំ សំសដ្ឋា… តីណិ.

ឧបាទានវិប្បយុត្តំ ធម្មំ សំសដ្ឋោ ឧបាទានវិប្បយុត្តោ ធម្មោ ឧប្បជ្ជតិ ហេតុបច្ចយា (បដិច្ចសទិសំ, អរូបំយេវ កាតព្ពំ).

ឧបាទានវិប្បយុត្តំ ធម្មំ សំសដ្ឋោ ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា (បដិច្ចសទិសំ, អរូបំយេវ កាតព្ពំ).

ឧបាទានសម្បយុត្តញ្ច ឧបាទានវិប្បយុត្តញ្ច ធម្មំ សំសដ្ឋោ ឧបាទានសម្បយុត្តោ ធម្មោ ឧប្បជ្ជតិ ហេតុបច្ចយា (បដិច្ចសទិសំ, អរូបំយេវ កាតព្ពំ).

ហេតុយា ឆ, អារម្មណេ ឆ, អធិបតិយា ឆ (សព្ពត្ថ ឆ), វិបាកេ ឯកំ…បេ… អវិគតេ ឆ.

អនុលោមំ.

ឧបាទានវិប្បយុត្តំ ធម្មំ សំសដ្ឋោ ឧបាទានវិប្បយុត្តោ ធម្មោ ឧប្បជ្ជតិ នហេតុបច្ចយា (សំខិត្តំ).

នហេតុយា ឯកំ, នអធិបតិយា ឆ, នបុរេជាតេ ឆ, នបច្ឆាជាតេ ឆ, នអាសេវនេ ឆ, នកម្មេ ចត្តារិ, នវិបាកេ ឆ, នឈានេ ឯកំ, នមគ្គេ ឯកំ, នវិប្បយុត្តេ ឆ.

បច្ចនីយំ.