២. សង្ខ្យាវារោ

សុទ្ធំ

១២០. ហេតុយា សត្ត, អារម្មណេ នវ, អធិបតិយា ទស, អនន្តរេ សត្ត, សមនន្តរេ សត្ត, សហជាតេ ឯកាទស, អញ្ញមញ្ញេ សត្ត, និស្សយេ តេរស, ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ ទ្វេ, កម្មេ នវ, វិបាកេ តីណិ, អាហារេ សត្ត, ឥន្ទ្រិយេ នវ, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស.

សភាគំ

ហេតុបច្ចយា អធិបតិយា សត្ត, សហជាតេ សត្ត, អញ្ញមញ្ញេ បញ្ច, និស្សយេ សត្ត, វិបាកេ តីណិ, ឥន្ទ្រិយេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ តីណិ, អត្ថិយា សត្ត, អវិគតេ សត្ត.

(យថា កុសលត្តិកេ បញ្ហាវារស្ស អនុលោមគណនា គណិតា, ឯវំ វិត្ថារេតព្ពា.)

អនុលោមំ

បច្ចនីយុទ្ធារោ

១២១. វិបាកោ ធម្មោ វិបាកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

វិបាកោ ធម្មោ វិបាកធម្មធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (២)

វិបាកោ ធម្មោ នេវវិបាកនវិបាកធម្មធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (៣)

វិបាកោ ធម្មោ វិបាកស្ស ច នេវវិបាកនវិបាកធម្មធម្មស្ស ច សហជាតបច្ចយេន បច្ចយោ. (៤)

វិបាកធម្មធម្មោ វិបាកធម្មធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

វិបាកធម្មធម្មោ វិបាកស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

វិបាកធម្មធម្មោ នេវវិបាកនវិបាកធម្មធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (៣)

វិបាកធម្មធម្មោ វិបាកស្ស ច នេវវិបាកនវិបាកធម្មធម្មស្ស ច កម្មបច្ចយេន បច្ចយោ. (៤)

វិបាកធម្មធម្មោ វិបាកធម្មធម្មស្ស ច នេវវិបាកនវិបាកធម្មធម្មស្ស ច សហជាតបច្ចយេន បច្ចយោ. (៥)

នេវវិបាកនវិបាកធម្មធម្មោ នេវវិបាកនវិបាកធម្មធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

នេវវិបាកនវិបាកធម្មធម្មោ វិបាកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

នេវវិបាកនវិបាកធម្មធម្មោ វិបាកធម្មធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

វិបាកោ ច នេវវិបាកនវិបាកធម្មធម្មោ ច ធម្មា វិបាកស្ស ធម្មស្ស សហជាតំ… បុរេជាតំ. (១)

វិបាកោ ច នេវវិបាកនវិបាកធម្មធម្មោ ច ធម្មា នេវវិបាកនវិបាកធម្មធម្មស្ស សហជាតំ… បច្ឆាជាតំ… អាហារំ… ឥន្ទ្រិយំ. (២)

វិបាកធម្មធម្មោ ច នេវវិបាកនវិបាកធម្មធម្មោ ច ធម្មា វិបាកធម្មធម្មស្ស សហជាតំ… បុរេជាតំ. (១)

វិបាកធម្មធម្មោ ច នេវវិបាកនវិបាកធម្មធម្មោ ច ធម្មា នេវវិបាកនវិបាកធម្មធម្មស្ស សហជាតំ… បច្ឆាជាតំ… អាហារំ… ឥន្ទ្រិយំ. (២)