៣. វិបាកត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ ហេតុបច្ចយា – វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ. (២)

វិបាកំ ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វិបាកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ. (៣)

២. វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

វិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មេ ខន្ធេ បដិច្ច ចិត្តសមុដ្ឋានំ រូបំ. (២)

វិបាកធម្មធម្មំ បដិច្ច វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

៣. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ, ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

នេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា. (២)

នេវវិបាកនវិបាកធម្មធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា, មហាភូតេ បដិច្ច កដត្តារូបំ. (៣)

៤. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ ច មហាភូតេ ច បដិច្ច កដត្តារូបំ. (២)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា, វិបាកេ ខន្ធេ ច មហាភូតេ ច បដិច្ច កដត្តារូបំ. (៣)

៥. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អារម្មណបច្ចយោ

៦. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ អារម្មណបច្ចយា – វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

៧. វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ អារម្មណបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

៨. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អារម្មណបច្ចយា – នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

នេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា. (២)

៩. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

អធិបតិបច្ចយោ

១០. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ អធិបតិបច្ចយា – វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – វិបាកេ ខន្ធេ បដិច្ច ចិត្តសមុដ្ឋានំ រូបំ. (២)

វិបាកំ ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អធិបតិបច្ចយា – វិបាកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

វិបាកធម្មធម្មំ បដិច្ច តីណិ.

១១. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ, ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

១២. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – វិបាកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – វិបាកធម្មធម្មេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អនន្តរបច្ចយាទិ

១៣. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… (អារម្មណបច្ចយសទិសំ) សហជាតបច្ចយា… (សហជាតំ សព្ពំ ហេតុបច្ចយសទិសំ).

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ សហជាតបច្ចយា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ (សហជាតេ ឥទំ នានាករណំ).

អញ្ញមញ្ញបច្ចយោ

១៤. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ អញ្ញមញ្ញបច្ចយា – វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ វិបាកេ ខន្ធេ បដិច្ច វត្ថុ. (២)

វិបាកំ ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អញ្ញមញ្ញបច្ចយា – បដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា វត្ថុ ច…បេ… ទ្វេ ខន្ធេ បដិច្ច ទ្វេ ខន្ធា វត្ថុ ច. (៣)

វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ អញ្ញមញ្ញបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

១៥. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អញ្ញមញ្ញបច្ចយា – នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ…បេ…. (១)

នេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា. (២)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

និស្សយបច្ចយាទិ

១៦. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ និស្សយបច្ចយា (សំខិត្តំ)… ឧបនិស្សយបច្ចយា… បុរេជាតបច្ចយា.

អាសេវនបច្ចយោ

១៧. វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ អាសេវនបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា.

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ អាសេវនបច្ចយា – នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា.

កម្ម-វិបាកបច្ចយា

១៨. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ កម្មបច្ចយា (សំខិត្តំ)… វិបាកបច្ចយា… តីណិ.

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ វិបាកបច្ចយា – ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

នេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ វិបាកបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា. (២)

នេវវិបាកនវិបាកធម្មធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ វិបាកបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា, មហាភូតេ បដិច្ច កដត្តារូបំ. (៣)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ វិបាកបច្ចយា…បេ… នេវវិបាកនវិបាកធម្មធម្មោ ឧប្បជ្ជតិ វិបាកបច្ចយា. វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ វិបាកបច្ចយា…បេ….

អាហារបច្ចយាទិ

១៩. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ អាហារបច្ចយា (សំខិត្តំ)… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា … វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

២០. ហេតុយា តេរស, អារម្មណេ បញ្ច, អធិបតិយា នវ, អនន្តរេ បញ្ច, សមនន្តរេ បញ្ច, សហជាតេ តេរស, អញ្ញមញ្ញេ សត្ត, និស្សយេ តេរស, ឧបនិស្សយេ បញ្ច, បុរេជាតេ តីណិ, អាសេវនេ ទ្វេ, កម្មេ តេរស, វិបាកេ នវ, អាហារេ តេរស, ឥន្ទ្រិយេ តេរស, ឈានេ តេរស, មគ្គេ តេរស, សម្បយុត្តេ បញ្ច, វិប្បយុត្តេ តេរស, អត្ថិយា តេរស, នត្ថិយា បញ្ច, វិគតេ បញ្ច, អវិគតេ តេរស.

ហេតុទុកំ

២១. ហេតុបច្ចយា អារម្មណេ បញ្ច…បេ… អវិគតេ តេរស…បេ….

(យថា កុសលត្តិកស្ស គណនា, ឯវំ គណេតព្ពំ.)

អាសេវនទុកំ

២២. អាសេវនបច្ចយា ហេតុយា ទ្វេ, អារម្មណេ ទ្វេ, អធិបតិយា ទ្វេ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ទ្វេ, បុរេជាតេ ទ្វេ, កម្មេ ទ្វេ, អាហារេ ទ្វេ, ឥន្ទ្រិយេ ទ្វេ, ឈានេ ទ្វេ, មគ្គេ ទ្វេ, សម្បយុត្តេ ទ្វេ, វិប្បយុត្តេ ទ្វេ, អត្ថិយា ទ្វេ, នត្ថិយា ទ្វេ, វិគតេ ទ្វេ, អវិគតេ ទ្វេ…បេ….

វិបាកទុកំ

២៣. វិបាកបច្ចយា ហេតុយា នវ, អារម្មណេ តីណិ, អធិបតិយា បញ្ច, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ ឆ, និស្សយេ នវ, ឧបនិស្សយេ តីណិ, បុរេជាតេ ឯកំ, កម្មេ នវ, អាហារេ នវ, ឥន្ទ្រិយេ នវ, ឈានេ នវ, មគ្គេ នវ, សម្បយុត្តេ តីណិ, វិប្បយុត្តេ នវ, អត្ថិយា នវ, នត្ថិយា តីណិ, វិគតេ តីណិ, អវិគតេ នវ (សំខិត្តំ).

អនុលោមគណនា.

២. បច្ចយបច្ចនីយំ

១. វិភង្គវារោ

នហេតុបច្ចយោ

២៤. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នហេតុបច្ចយា – អហេតុកំ វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; អហេតុកបដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា, តយោ ខន្ធេ បដិច្ច ឯកោ ខន្ធោ, ទ្វេ ខន្ធេ បដិច្ច ទ្វេ ខន្ធា. (១)

វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នហេតុបច្ចយា – អហេតុកេ វិបាកេ ខន្ធេ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ វិបាកេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ. (២)

វិបាកំ ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នហេតុបច្ចយា – អហេតុកំ វិបាកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; អហេតុកបដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ. (៣)

២៥. វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នហេតុបច្ចយា – អហេតុកំ នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ, ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច កដត្តារូបំ ឧបាទារូបំ. (១)

នេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច វិបាកា ខន្ធា. (២)

នេវវិបាកនវិបាកធម្មធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វត្ថុំ បដិច្ច វិបាកា ខន្ធា, មហាភូតេ បដិច្ច កដត្តារូបំ. (៣)

២៦. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នហេតុបច្ចយា – អហេតុកេ វិបាកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ វិបាកេ ខន្ធេ ច មហាភូតេ ច បដិច្ច កដត្តារូបំ. (២)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា, វិបាកេ ខន្ធេ ច មហាភូតេ ច បដិច្ច កដត្តារូបំ. (៣)

នអារម្មណបច្ចយោ

២៧. វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា – វិបាកេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ. (១)

២៨. វិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា – វិបាកធម្មធម្មេ ខន្ធេ បដិច្ច ចិត្តសមុដ្ឋានំ រូបំ. (១)

២៩. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា – នេវវិបាកនវិបាកធម្មធម្មេ ខន្ធេ បដិច្ច ចិត្តសមុដ្ឋានំ រូបំ, ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច តយោ មហាភូតា… មហាភូតេ បដិច្ច កដត្តារូបំ ឧបាទារូបំ. (១)

៣០. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា – វិបាកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ ច មហាភូតេ ច បដិច្ច កដត្តារូបំ. (១)

៣១. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអារម្មណបច្ចយា – វិបាកធម្មធម្មេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអធិបតិបច្ចយោ

៣២. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នអធិបតិបច្ចយា. (សំខិត្តំ. យថា អនុលោមំ សហជាតសទិសំ.)

នអនន្តរបច្ចយាទិ

៣៣. វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអនន្តរបច្ចយា … នសមនន្តរបច្ចយា… នអញ្ញមញ្ញបច្ចយា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ, អសញ្ញសត្តានំ មហាភូតេ បដិច្ច កដត្តារូបំ ឧបាទារូបំ (ឥទំ នានត្តំ) នអញ្ញមញ្ញបច្ចយា… នឧបនិស្សយបច្ចយា… (សំខិត្តំ).

នបុរេជាតបច្ចយោ

៣៤. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នបុរេជាតបច្ចយា – អរូបេ វិបាកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធំ (សំខិត្តំ). (១)

វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នបុរេជាតបច្ចយា – វិបាកេ ខន្ធេ បដិច្ច ចិត្តសមុដ្ឋានំ រូបំ, បដិសន្ធិក្ខណេ (សំខិត្តំ). (២)

វិបាកំ ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ វិបាកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ. (៣)

វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ នបុរេជាតបច្ចយា – អរូបេ វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

វិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នបុរេជាតបច្ចយា – វិបាកធម្មធម្មេ ខន្ធេ បដិច្ច ចិត្តសមុដ្ឋានំ រូបំ. (២)

៣៥. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នបុរេជាតបច្ចយា – អរូបេ នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា, នេវវិបាកនវិបាកធម្មធម្មេ ខន្ធេ បដិច្ច ចិត្តសមុដ្ឋានំ រូបំ, ឯកំ មហាភូតំ បដិច្ច តយោ មហាភូតា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច…បេ…. (១)

នេវវិបាកនវិបាកធម្មធម្មំ បដិច្ច វិបាកោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា. (២)

នេវវិបាកនវិបាកធម្មធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ វត្ថុំ បដិច្ច វិបាកា ខន្ធា, មហាភូតេ បដិច្ច កដត្តារូបំ. (៣)

៣៦. វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ នបុរេជាតបច្ចយា – បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា. (១)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នបុរេជាតបច្ចយា – វិបាកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ ច មហាភូតេ ច បដិច្ច កដត្តារូបំ. (២)

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នបុរេជាតបច្ចយា – បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច វត្ថុញ្ច បដិច្ច ទ្វេ ខន្ធា; វិបាកេ ខន្ធេ ច មហាភូតេ ច បដិច្ច កដត្តារូបំ. (៣)

៣៧. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នបុរេជាតបច្ចយា – វិបាកធម្មធម្មេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ.

នបច្ឆាជាតបច្ចយាទិ

៣៨. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នបច្ឆាជាតបច្ចយា…បេ… នអាសេវនបច្ចយា (សំខិត្តំ).

នកម្មបច្ចយោ

៣៩. វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ នកម្មបច្ចយា – វិបាកធម្មធម្មេ ខន្ធេ បដិច្ច វិបាកធម្មធម្មា ចេតនា.

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នកម្មបច្ចយា – នេវវិបាកនវិបាកធម្មធម្មេ ខន្ធេ បដិច្ច នេវវិបាកនវិបាកធម្មធម្មា ចេតនា; ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ឧបាទារូបំ.

នវិបាកបច្ចយោ

៤០. វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ នវិបាកបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

វិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នវិបាកបច្ចយា – វិបាកធម្មធម្មេ ខន្ធេ បដិច្ច ចិត្តសមុដ្ឋានំ រូបំ. (២)

វិបាកធម្មធម្មំ បដិច្ច វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ នវិបាកបច្ចយា – វិបាកធម្មធម្មំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

៤១. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នវិបាកបច្ចយា – នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច កដត្តារូបំ ឧបាទារូបំ. (១)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នវិបាកបច្ចយា – វិបាកធម្មធម្មេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអាហារបច្ចយោ

៤២. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច កដត្តារូបំ ឧបាទារូបំ.

នឥន្ទ្រិយបច្ចយោ

៤៣. នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច តយោ មហាភូតា…បេ… អសញ្ញសត្តានំ មហាភូតេ បដិច្ច រូបជីវិតិន្ទ្រិយំ.

នឈានបច្ចយោ

៤៤. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា.

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នឈានបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច…បេ….

នមគ្គបច្ចយោ

៤៥. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នមគ្គបច្ចយា – អហេតុកំ វិបាកំ ឯកំ ខន្ធំ បដិច្ច… តីណិ.

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នមគ្គបច្ចយា – អហេតុកំ នេវវិបាកនវិបាកធម្មធម្មំ ឯកំ ខន្ធំ បដិច្ច… តីណិ.

វិបាកញ្ច នេវវិបាកនវិបាកធម្មធម្មញ្ច ធម្មំ បដិច្ច វិបាកោ ធម្មោ ឧប្បជ្ជតិ នមគ្គបច្ចយា – អហេតុកបដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បដិច្ច… តីណិ.

នសម្បយុត្តបច្ចយោ

៤៦. វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នសម្បយុត្តបច្ចយា… ទ្វេ.

វិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នសម្បយុត្តបច្ចយា… ទ្វេ.

នេវវិបាកនវិបាកធម្មធម្មំ បដិច្ច… ឯកំ.

នវិប្បយុត្តបច្ចយោ

៤៧. វិបាកំ ធម្មំ បដិច្ច វិបាកោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិបាកេ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា.

វិបាកធម្មធម្មំ បដិច្ច វិបាកធម្មធម្មោ ឧប្បជ្ជតិ នវិប្បយុត្តបច្ចយា – អរូបេ វិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា.

នេវវិបាកនវិបាកធម្មធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នវិប្បយុត្តបច្ចយា – អរូបេ នេវវិបាកនវិបាកធម្មធម្មំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច កដត្តារូបំ ឧបាទារូបំ.

នោនត្ថិ-នោវិគតបច្ចយា

៤៨. វិបាកំ ធម្មំ បដិច្ច នេវវិបាកនវិបាកធម្មធម្មោ ឧប្បជ្ជតិ នោនត្ថិបច្ចយា… នោវិគតបច្ចយា (សំខិត្តំ).

២. បច្ចយបច្ចនីយំ

២. សង្ខ្យាវារោ

សុទ្ធំ

៤៩. នហេតុយា ទស, នអារម្មណេ បញ្ច, នអធិបតិយា តេរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ តេរស, នអាសេវនេ តេរស, នកម្មេ ទ្វេ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ ទ្វេ, នមគ្គេ នវ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

នហេតុទុកំ

៥០. នហេតុបច្ចយា នអារម្មណេ តីណិ, នអធិបតិយា ទស, នអនន្តរេ តីណិ, នសមនន្តរេ តីណិ, នអញ្ញមញ្ញេ តីណិ, នឧបនិស្សយេ តីណិ, នបុរេជាតេ ទស, នបច្ឆាជាតេ ទស, នអាសេវនេ ទស, នកម្មេ ឯកំ, នវិបាកេ ទ្វេ, នអាហារេ ឯកំ, នឥន្ទ្រិយេ ឯកំ, នឈានេ ទ្វេ, នមគ្គេ នវ, នសម្បយុត្តេ តីណិ, នវិប្បយុត្តេ ទ្វេ, នោនត្ថិយា តីណិ, នោវិគតេ តីណិ.

តិកំ

នហេតុបច្ចយា នអារម្មណបច្ចយា នអធិបតិយា តីណិ, នអនន្តរេ តីណិ, នសមនន្តរេ តីណិ…បេ… នកម្មេ ឯកំ, នវិបាកេ ឯកំ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ តីណិ, នសម្បយុត្តេ តីណិ, នវិប្បយុត្តេ ឯកំ, នោនត្ថិយា តីណិ, នោវិគតេ តីណិ (សំខិត្តំ).

នហេតុមូលកំ.

(យថា កុសលត្តិកេ សជ្ឈាយមគ្គេន គណិតំ, ឯវំ ឥធាបិ គណេតព្ពំ.)

បច្ចនីយំ.

៣. បច្ចយានុលោមបច្ចនីយំ

ហេតុទុកំ

៥១. ហេតុបច្ចយា នអារម្មណេ បញ្ច, នអធិបតិយា តេរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ ទ្វាទស, នបច្ឆាជាតេ តេរស, នអាសេវនេ តេរស, នកម្មេ ទ្វេ, នវិបាកេ បញ្ច, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.