១. វិភង្គវារោ

ហេតុបច្ចយោ

៥៨. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ ហេតុបច្ចយា – វិបាកំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា; បដិសន្ធិក្ខណេ…បេ…. (១)

វិបាកំ ធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកេ ខន្ធេ បច្ចយា ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ បច្ចយា កដត្តារូបំ…បេ…. (២)

វិបាកំ ធម្មំ បច្ចយា វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វិបាកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ…បេ…. (៣)

វិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

វិបាកធម្មធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មេ ខន្ធេ បច្ចយា ចិត្តសមុដ្ឋានំ រូបំ. (២)

វិបាកធម្មធម្មំ បច្ចយា វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វិបាកធម្មធម្មំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ. (៣)

នេវវិបាកនវិបាកធម្មធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – នេវវិបាកនវិបាកធម្មធម្មំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ, ឯកំ មហាភូតំ បច្ចយា…បេ… មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ, វត្ថុំ បច្ចយា នេវវិបាកនវិបាកធម្មធម្មា ខន្ធា. (១)

នេវវិបាកនវិបាកធម្មធម្មំ បច្ចយា វិបាកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា វិបាកា ខន្ធា; បដិសន្ធិក្ខណេ វត្ថុំ បច្ចយា វិបាកា ខន្ធា. (២)

នេវវិបាកនវិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ ហេតុបច្ចយា – វត្ថុំ បច្ចយា វិបាកធម្មធម្មា ខន្ធា. (៣)

នេវវិបាកនវិបាកធម្មធម្មំ បច្ចយា វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា វិបាកា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ វត្ថុំ បច្ចយា វិបាកា ខន្ធា, មហាភូតេ បច្ចយា កដត្តារូបំ. (៤)

នេវវិបាកនវិបាកធម្មធម្មំ បច្ចយា វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា វិបាកធម្មធម្មា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៥)

៥៩. វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកោ ធម្មោ ឧប្បជ្ជតិ ហេតុបច្ចយា – វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ វិបាកេ ខន្ធេ ច មហាភូតេ ច បច្ចយា កដត្តារូបំ. (២)

វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វិបាកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វិបាកេ ខន្ធេ ច មហាភូតេ ច បច្ចយា កដត្តារូបំ. (៣)

៦០. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ ហេតុបច្ចយា – វិបាកធម្មធម្មេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ ហេតុបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វិបាកធម្មធម្មេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អារម្មណបច្ចយោ

៦១. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ អារម្មណបច្ចយា – វិបាកំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា; បដិសន្ធិក្ខណេ…បេ…. (១)

វិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អារម្មណបច្ចយា – វិបាកធម្មធម្មំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

នេវវិបាកនវិបាកធម្មធម្មំ បច្ចយា នេវវិបាកនវិបាកធម្ម-ធម្មោ ឧប្បជ្ជតិ អារម្មណបច្ចយា – នេវវិបាកនវិបាកធម្មធម្មំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា, វត្ថុំ បច្ចយា នេវវិបាកនវិបាកធម្មធម្មា ខន្ធា. (១)

នេវវិបាកនវិបាកធម្មធម្មំ បច្ចយា វិបាកោ ធម្មោ ឧប្បជ្ជតិ អារម្មណបច្ចយា – ចក្ខាយតនំ បច្ចយា ចក្ខុវិញ្ញាណំ, សោតាយតនំ បច្ចយា សោតវិញ្ញាណំ, ឃានាយតនំ បច្ចយា ឃានវិញ្ញាណំ, ជិវ្ហាយតនំ បច្ចយា ជិវ្ហាវិញ្ញាណំ, កាយាយតនំ បច្ចយា កាយវិញ្ញាណំ; វត្ថុំ បច្ចយា វិបាកា ខន្ធា, បដិសន្ធិក្ខណេ វត្ថុំ បច្ចយា វិបាកា ខន្ធា. (២)

នេវវិបាកនវិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អារម្មណបច្ចយា – វត្ថុំ បច្ចយា វិបាកធម្មធម្មា ខន្ធា. (៣)

វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកោ ធម្មោ ឧប្បជ្ជតិ អារម្មណបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខាយតនញ្ច បច្ចយា តយោ ខន្ធា…បេ… ទ្វេ ខន្ធេ ច ចក្ខាយតនញ្ច បច្ចយា ទ្វេ ខន្ធា, សោត… ឃាន… ជិវ្ហា… កាយ… វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ឧប្បជ្ជតិ អារម្មណបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អធិបតិបច្ចយោ

៦២. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ អធិបតិបច្ចយា – វិបាកំ ឯកំ ខន្ធំ បច្ចយា… តីណិ (អធិបតិយា បដិសន្ធិក្ខណេ នត្ថិ).

វិបាកធម្មធម្មំ បច្ចយា… តីណិ.

នេវវិបាកនវិបាកធម្មធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – នេវវិបាកនវិបាកធម្មធម្មំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ, ឯកំ មហាភូតំ បច្ចយា តយោ មហាភូតា…បេ… មហាភូតេ បច្ចយា ចិត្តសមុដ្ឋានំ រូបំ ឧបាទារូបំ, វត្ថុំ បច្ចយា នេវវិបាកនវិបាកធម្មធម្មា ខន្ធា. (១)

នេវវិបាកនវិបាកធម្មធម្មំ បច្ចយា វិបាកោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា វិបាកា ខន្ធា. (២)

នេវវិបាកនវិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អធិបតិបច្ចយា – វត្ថុំ បច្ចយា វិបាកធម្មធម្មា ខន្ធា. (៣)

នេវវិបាកនវិបាកធម្មធម្មំ បច្ចយា វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អធិបតិបច្ចយា – វត្ថុំ បច្ចយា វិបាកា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៤)

នេវវិបាកនវិបាកធម្មធម្មំ បច្ចយា វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អធិបតិបច្ចយា – វត្ថុំ បច្ចយា វិបាកធម្មធម្មា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៥)

៦៣. វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកោ ធម្មោ ឧប្បជ្ជតិ អធិបតិបច្ចយា – វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – វិបាកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អធិបតិបច្ចយា – វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វិបាកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

៦៤. វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ឧប្បជ្ជតិ អធិបតិបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ អធិបតិបច្ចយា – វិបាកធម្មធម្មេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (២)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អធិបតិបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វិបាកធម្មធម្មេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អនន្តរ-សមនន្តរបច្ចយា

៦៥. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា (អារម្មណបច្ចយសទិសំ).

អញ្ញមញ្ញបច្ចយោ

៦៦. សហជាតបច្ចយា…បេ… អញ្ញមញ្ញបច្ចយា – វិបាកំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

វិបាកំ ធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ វិបាកេ ខន្ធេ បច្ចយា វត្ថុ. (២)

វិបាកំ ធម្មំ បច្ចយា វិបាកោ ច នេវវិបាកនវិបាកធម្មធម្មោ ច ធម្មា ឧប្បជ្ជន្តិ អញ្ញមញ្ញបច្ចយា – បដិសន្ធិក្ខណេ វិបាកំ ឯកំ ខន្ធំ បច្ចយា តយោ ខន្ធា វត្ថុ ច…បេ… ទ្វេ ខន្ធេ បច្ចយា ទ្វេ ខន្ធា វត្ថុ ច. (៣)

៦៧. វិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អញ្ញមញ្ញបច្ចយា – វិបាកធម្មធម្មំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

នេវវិបាកនវិបាកធម្មធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ អញ្ញមញ្ញបច្ចយា – នេវវិបាកនវិបាកធម្មធម្មំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា, ឯកំ មហាភូតំ បច្ចយា តយោ មហាភូតា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បច្ចយា តយោ មហាភូតា…បេ… ទ្វេ មហាភូតេ បច្ចយា ទ្វេ មហាភូតា; វត្ថុំ បច្ចយា នេវវិបាកនវិបាកធម្មធម្មា ខន្ធា. (១)

នេវវិបាកនវិបាកធម្មធម្មំ បច្ចយា វិបាកោ ធម្មោ ឧប្បជ្ជតិ អញ្ញមញ្ញបច្ចយា – ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកា ខន្ធា; បដិសន្ធិក្ខណេ វត្ថុំ បច្ចយា វិបាកា ខន្ធា. (២)

នេវវិបាកនវិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អញ្ញមញ្ញបច្ចយា – វត្ថុំ បច្ចយា វិបាកធម្មធម្មា ខន្ធា. (៣)

វិបាកញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកោ ធម្មោ ឧប្បជ្ជតិ អញ្ញមញ្ញបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខាយតនញ្ច បច្ចយា តយោ ខន្ធា…បេ… ទ្វេ ខន្ធេ ច ចក្ខាយតនញ្ច បច្ចយា ទ្វេ ខន្ធា, សោត… ឃាន… ជិវ្ហា… កាយ…បេ… វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា; បដិសន្ធិក្ខណេ វិបាកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ឧប្បជ្ជតិ អញ្ញមញ្ញបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

និស្សយបច្ចយោ

៦៨. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ និស្សយបច្ចយា (សហជាតសទិសំ).

ឧបនិស្សយ-បុរេជាតបច្ចយា

៦៩. ឧបនិស្សយបច្ចយា… បុរេជាតបច្ចយា – វិបាកំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា, វត្ថុំ បុរេជាតបច្ចយា (អនន្តរសទិសំ. សំខិត្តំ).

អាសេវនបច្ចយោ

៧០. វិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អាសេវនបច្ចយា – វិបាកធម្មធម្មំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា. (១)

នេវវិបាកនវិបាកធម្មធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ អាសេវនបច្ចយា – នេវវិបាកនវិបាកធម្មធម្មំ ឯកំ ខន្ធំ បច្ចយា…បេ… វត្ថុំ បច្ចយា នេវវិបាកនវិបាកធម្មធម្មា ខន្ធា. (១)

នេវវិបាកនវិបាកធម្មធម្មំ បច្ចយា វិបាកធម្មធម្មោ ឧប្បជ្ជតិ អាសេវនបច្ចយា – វត្ថុំ បច្ចយា វិបាកធម្មធម្មា ខន្ធា. (២)

វិបាកធម្មធម្មញ្ច នេវវិបាកនវិបាកធម្មធម្មញ្ច ធម្មំ បច្ចយា វិបាកធម្មធម្មោ ឧប្បជ្ជតិ អាសេវនបច្ចយា – វិបាកធម្មធម្មំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

កម្មបច្ចយោ

៧១. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ កម្មបច្ចយា… តីណិ (សហជាតសទិសំ).

វិបាកបច្ចយោ

៧២. វិបាកំ ធម្មំ បច្ចយា វិបាកោ ធម្មោ ឧប្បជ្ជតិ វិបាកបច្ចយា… តីណិ.

នេវវិបាកនវិបាកធម្មធម្មំ បច្ចយា នេវវិបាកនវិបាកធម្មធម្មោ ឧប្បជ្ជតិ វិបាកបច្ចយា – ឯកំ មហាភូតំ បច្ចយា តយោ មហាភូតា…បេ… ទ្វេ មហាភូតេ បច្ចយា ទ្វេ មហាភូតា, មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ…បេ… វិបាកោ ច ឧភយញ្ច… តីណិ.

វិបាកញ្ច នេវវិបាកនវិបាកធម្មធម្មញ្ច… តីណិ.

អាហារបច្ចយាទិ

អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.