២. វេទនាត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – ទុក្ខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អារម្មណបច្ចយាទិ

២. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា (អធិបតិយា បដិសន្ធិ នត្ថិ)… អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. វត្ថុំ បុរេជាតបច្ចយា (សំខិត្តំ).

អាសេវនបច្ចយាទិ

៣. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ អាសេវនបច្ចយា… កម្មបច្ចយា… វិបាកបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ វិបាកបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ វិបាកបច្ចយា – អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អាហារបច្ចយាទិ

៤. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា – សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; វត្ថុំ វិប្បយុត្តបច្ចយា; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. វត្ថុំ វិប្បយុត្តបច្ចយា.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ វិប្បយុត្តបច្ចយា – ទុក្ខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. វត្ថុំ វិប្បយុត្តបច្ចយា.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ វិប្បយុត្តបច្ចយា – អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; វត្ថុំ វិប្បយុត្តបច្ចយា; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ. វត្ថុំ វិប្បយុត្តបច្ចយា (សំខិត្តំ).

អត្ថិបច្ចយាទិ

៥. អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា….

១. បច្ចយានុលោមំ

២. សង្ខ្យាវារោ

សុទ្ធំ

៦. ហេតុយា តីណិ, អារម្មណេ តីណិ…បេ… អវិគតេ តីណិ.

ហេតុអាទិទុកានិ

៧. ហេតុបច្ចយា អារម្មណេ តីណិ…បេ… វិបាកេ ទ្វេ…បេ… អវិគតេ តីណិ…បេ….

អារម្មណបច្ចយា អធិបតិបច្ចយា ហេតុយា តីណិ…បេ… វិបាកេ ទ្វេ…បេ… អវិគតេ តីណិ…បេ….

អាសេវនបច្ចយា ហេតុយា តីណិ…បេ… កម្មេ តីណិ, អាហារេ តីណិ…បេ… អវិគតេ តីណិ…បេ….

វិបាកបច្ចយា ហេតុយា ទ្វេ, អារម្មណេ តីណិ, អធិបតិយា ទ្វេ…បេ… បុរេជាតេ តីណិ, កម្មេ តីណិ…បេ… ឈានេ ទ្វេ, មគ្គេ ទ្វេ…បេ… អវិគតេ តីណិ…បេ….

ឈានបច្ចយា ហេតុយា តីណិ…បេ… វិបាកេ ទ្វេ…បេ… អវិគតេ តីណិ…បេ….

មគ្គបច្ចយា ហេតុយា តីណិ…បេ… វិបាកេ ទ្វេ…បេ… អវិគតេ តីណិ…បេ….

អវិគតបច្ចយា ហេតុយា តីណិ…បេ… នត្ថិយា តីណិ, វិគតេ តីណិ…បេ….

(យថា កុសលត្តិកស្ស បច្ចយគណនា, ឯវំ វិត្ថារេតព្ពា).

២. បច្ចយបច្ចនីយំ

១. វិភង្គវារោ

នហេតុបច្ចយោ

៨. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នហេតុបច្ចយា – អហេតុកំ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; អហេតុកបដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ.

នអធិបតិបច្ចយោ

៩. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នអធិបតិបច្ចយា (នាធិបតិ បរិបុណ្ណំ បដិសន្ធិកំ).

នបុរេជាតបច្ចយោ

១០. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នបុរេជាតបច្ចយា – អរូបេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; បដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

នបច្ឆាជាត-នអាសេវនបច្ចយា

១១. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នបច្ឆាជាតបច្ចយា… នអាសេវនបច្ចយា (នបច្ឆាជាតម្បិ នអាសេវនម្បិ បរិបុណ្ណំ បដិសន្ធិកំ).

នកម្មបច្ចយោ

១២. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នកម្មបច្ចយា – សុខាយ វេទនាយ សម្បយុត្តេ ខន្ធេ បដិច្ច សុខាយ វេទនាយ សម្បយុត្តា ចេតនា.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នកម្មបច្ចយា – ទុក្ខាយ វេទនាយ សម្បយុត្តេ ខន្ធេ បដិច្ច ទុក្ខាយ វេទនាយ សម្បយុត្តា ចេតនា.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នកម្មបច្ចយា – អទុក្ខមសុខាយ វេទនាយ សម្បយុត្តេ ខន្ធេ បដិច្ច អទុក្ខមសុខាយ វេទនាយ សម្បយុត្តា ចេតនា.

នវិបាក-នឈានបច្ចយា

១៣. សុខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នវិបាកបច្ចយា… នឈានបច្ចយា – សុខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នឈានបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នឈានបច្ចយា – ចតុវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

នមគ្គបច្ចយោ

១៤. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នមគ្គបច្ចយា – អហេតុកំ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

ទុក្ខាយ វេទនាយ សម្បយុត្តំ ធម្មំ បដិច្ច ទុក្ខាយ វេទនាយ សម្បយុត្តោ ធម្មោ ឧប្បជ្ជតិ នមគ្គបច្ចយា – ទុក្ខសហគតំ កាយវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នមគ្គបច្ចយា – អហេតុកំ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ; អហេតុកបដិសន្ធិក្ខណេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

នវិប្បយុត្តបច្ចយោ

១៥. សុខាយ វេទនាយ សម្បយុត្តំ ធម្មំ បដិច្ច សុខាយ វេទនាយ សម្បយុត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ សុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

អទុក្ខមសុខាយ វេទនាយ សម្បយុត្តំ ធម្មំ បដិច្ច អទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ នវិប្បយុត្តបច្ចយា – អរូបេ អទុក្ខមសុខាយ វេទនាយ សម្បយុត្តំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ បដិច្ច ឯកោ ខន្ធោ.

២. បច្ចយបច្ចនីយំ

២. សង្ខ្យាវារោ

សុទ្ធំ

១៦. នហេតុយា តីណិ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ តីណិ, នមគ្គេ តីណិ, នវិប្បយុត្តេ ទ្វេ.

នហេតុទុកំ

១៧. នហេតុបច្ចយា នអធិបតិយា តីណិ, នបុរេជាតេ ឯកំ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ តីណិ, នមគ្គេ តីណិ, នវិប្បយុត្តេ ឯកំ…បេ….

ចតុក្កំ

នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នមគ្គេ ឯកំ, នវិប្បយុត្តេ ឯកំ…បេ….

នវកំ

នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា នវិបាកបច្ចយា នមគ្គបច្ចយា នវិប្បយុត្តេ ឯកំ (សំខិត្តំ).

នអធិបតិទុកំ

១៨. នអធិបតិបច្ចយា នហេតុយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ តីណិ, នមគ្គេ តីណិ, នវិប្បយុត្តេ ទ្វេ (សំខិត្តំ).

នបុរេជាតទុកំ

១៩. នបុរេជាតបច្ចយា នហេតុយា ឯកំ, នអធិបតិយា ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នមគ្គេ ឯកំ, នវិប្បយុត្តេ ទ្វេ.

តិកំ

នបុរេជាតបច្ចយា នហេតុបច្ចយា នអធិបតិយា ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នមគ្គេ ឯកំ, នវិប្បយុត្តេ ឯកំ (សំខិត្តំ).

នបច្ឆាជាតាទិទុកានិ

២០. នបច្ឆាជាតបច្ចយា… នអាសេវនបច្ចយា… នកម្មបច្ចយា នហេតុយា ទ្វេ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នវិបាកេ តីណិ, នមគ្គេ ទ្វេ, នវិប្បយុត្តេ ទ្វេ.

តិកំ

នកម្មបច្ចយា នហេតុបច្ចយា នអធិបតិយា ទ្វេ, នបុរេជាតេ ឯកំ, នបច្ឆាជាតេ ទ្វេ, នអាសេវនេ ទ្វេ, នវិបាកេ ទ្វេ, នមគ្គេ ទ្វេ, នវិប្បយុត្តេ ឯកំ…បេ….

បញ្ចកំ

នកម្មបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតេ ឯកំ, នអាសេវនេ ឯកំ, នវិបាកេ ឯកំ, នមគ្គេ ឯកំ, នវិប្បយុត្តេ ឯកំ (សំខិត្តំ).

នវិបាកទុកំ

២១. នវិបាកបច្ចយា នហេតុយា ទ្វេ, នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នមគ្គេ ទ្វេ, នវិប្បយុត្តេ ទ្វេ.

នវិបាកបច្ចយា (នកម្មបច្ចយសទិសំ).

នឈានទុកំ

២២. នឈានបច្ចយា នហេតុយា តីណិ, នអធិបតិយា តីណិ, នបច្ឆាជាតេ តីណិ, នអាសេវនេ តីណិ, នមគ្គេ តីណិ…បេ….

ឆក្កំ

នឈានបច្ចយា នហេតុបច្ចយា នអធិបតិបច្ចយា នបច្ឆាជាតបច្ចយា នអាសេវនបច្ចយា នមគ្គេ តីណិ (សំខិត្តំ).

នមគ្គទុកំ

២៣. នមគ្គបច្ចយា នហេតុយា តីណិ, នអធិបតិយា តីណិ, នបុរេជាតេ ឯកំ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ តីណិ, នវិប្បយុត្តេ ឯកំ.

តិកំ

នមគ្គបច្ចយា នហេតុបច្ចយា នអធិបតិយា តីណិ, នបុរេជាតេ ឯកំ, នបច្ឆាជាតេ តីណិ, នអាសេវនេ តីណិ, នកម្មេ ទ្វេ, នវិបាកេ ទ្វេ, នឈានេ តីណិ, នវិប្បយុត្តេ ឯកំ…បេ….

បញ្ចកំ

នមគ្គបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នវិប្បយុត្តេ ឯកំ (សំខិត្តំ).

នវិប្បយុត្តទុកំ

២៤. នវិប្បយុត្តបច្ចយា នហេតុយា ឯកំ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ទ្វេ, នវិបាកេ ទ្វេ, នមគ្គេ ឯកំ.

តិកំ

នវិប្បយុត្តបច្ចយា នហេតុបច្ចយា នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នមគ្គេ ឯកំ…បេ….

នវកំ

នវិប្បយុត្តបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា នវិបាកបច្ចយា នមគ្គេ ឯកំ (សំខិត្តំ).

បច្ចនីយគណនា.

៣. បច្ចយានុលោមបច្ចនីយំ

ហេតុទុកំ

២៥. ហេតុបច្ចយា នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នវិប្បយុត្តេ ទ្វេ.

តិកំ

ហេតុបច្ចយា អារម្មណបច្ចយា នអធិបតិយា តីណិ, នបុរេជាតេ ទ្វេ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នវិប្បយុត្តេ ទ្វេ.

(យថា កុសលត្តិកំ, ឯវំ គណេតព្ពំ.)

អនុលោមបច្ចនីយំ.

៤. បច្ចយបច្ចនីយានុលោមំ

នហេតុទុកំ

២៦. នហេតុបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ ទ្វេ, មគ្គេ ឯកំ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ.

តិកំ

នហេតុបច្ចយា នអធិបតិបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, ឈានេ ទ្វេ, មគ្គេ ឯកំ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ.

ចតុក្កំ

នហេតុបច្ចយា នអធិបតិបច្ចយា នបុរេជាតបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាសេវនេ ឯកំ, កម្មេ ឯកំ, វិបាកេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, មគ្គេ ឯកំ, សម្បយុត្តេ ឯកំ, វិប្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ…បេ….

សត្តកំ

នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ…បេ….

ទសកំ

នហេតុបច្ចយា នអធិបតិបច្ចយា…បេ… នកម្មបច្ចយា នវិបាកបច្ចយា នមគ្គបច្ចយា នវិប្បយុត្តបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ (សំខិត្តំ).

នហេតុមូលកំ.

នអធិបតិទុកំ

២៧. នអធិបតិបច្ចយា ហេតុយា តីណិ…បេ… អវិគតេ តីណិ (សំខិត្តំ).

នបុរេជាតទុកំ

២៨. នបុរេជាតបច្ចយា ហេតុយា ទ្វេ…បេ… អវិគតេ ទ្វេ (សំខិត្តំ).

នបច្ឆាជាតាទិទុកានិ

២៩. នបច្ឆាជាតបច្ចយា… នអាសេវនបច្ចយា… នកម្មបច្ចយា… នវិបាកបច្ចយា ហេតុយា តីណិ…បេ… អវិគតេ តីណិ (សំខិត្តំ).

នឈានទុកំ

៣០. នឈានបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, កម្មេ តីណិ, វិបាកេ តីណិ, អាហារេ តីណិ, ឥន្ទ្រិយេ តីណិ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ (សំខិត្តំ).

នមគ្គទុកំ

៣១. នមគ្គបច្ចយា អារម្មណេ តីណិ, អនន្តរេ តីណិ, សមនន្តរេ តីណិ…បេ… អាសេវនេ ឯកំ, កម្មេ តីណិ…បេ… ឈានេ ទ្វេ…បេ… អវិគតេ តីណិ (សំខិត្តំ).

នវិប្បយុត្តទុកំ

៣២. នវិប្បយុត្តបច្ចយា ហេតុយា ទ្វេ, អារម្មណេ ទ្វេ, អធិបតិយា ទ្វេ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ទ្វេ, អាសេវនេ ទ្វេ, កម្មេ ទ្វេ, វិបាកេ ទ្វេ, អាហារេ ទ្វេ, ឥន្ទ្រិយេ ទ្វេ, ឈានេ ទ្វេ, មគ្គេ ទ្វេ, សម្បយុត្តេ ទ្វេ, អត្ថិយា ទ្វេ, នត្ថិយា ទ្វេ, វិគតេ ទ្វេ, អវិគតេ ទ្វេ.

តិកំ

នវិប្បយុត្តបច្ចយា នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាសេវនេ ឯកំ, កម្មេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, មគ្គេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ…បេ….

ទសកំ

នវិប្បយុត្តបច្ចយា នហេតុបច្ចយា នអធិបតិបច្ចយា នបុរេជាតបច្ចយា នបច្ឆាជាតបច្ចយា នអាសេវនបច្ចយា នកម្មបច្ចយា នវិបាកបច្ចយា នមគ្គបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកំ, អញ្ញមញ្ញេ ឯកំ, និស្សយេ ឯកំ, ឧបនិស្សយេ ឯកំ, អាហារេ ឯកំ, ឥន្ទ្រិយេ ឯកំ, ឈានេ ឯកំ, សម្បយុត្តេ ឯកំ, អត្ថិយា ឯកំ, នត្ថិយា ឯកំ, វិគតេ ឯកំ, អវិគតេ ឯកំ.

បច្ចនីយានុលោមំ.

បដិច្ចវារោ.

២. សហជាតវារោ

៣៣. សុខាយ វេទនាយ សម្បយុត្តំ ធម្មំ សហជាតោ…បេ….

៣. បច្ចយវារោ

៣៤. សុខាយ វេទនាយ សម្បយុត្តំ ធម្មំ បច្ចយា…បេ….

៤. និស្សយវារោ

៣៥. សុខាយ វេទនាយ សម្បយុត្តំ ធម្មំ និស្សាយ…បេ….

៥. សំសដ្ឋវារោ

៣៦. សុខាយ វេទនាយ សម្បយុត្តំ ធម្មំ សំសដ្ឋោ…បេ….

៦. សម្បយុត្តវារោ

៣៧. សុខាយ វេទនាយ សម្បយុត្តំ ធម្មំ សម្បយុត្តោ សុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា – សុខាយ វេទនាយ សម្បយុត្តំ ឯកំ ខន្ធំ សម្បយុត្តា ទ្វេ ខន្ធា, ទ្វេ ខន្ធេ សម្បយុត្តោ ឯកោ ខន្ធោ (សំខិត្តំ).