២. សង្ខ្យាវារោ

សុទ្ធំ

៣១. ហេតុយា សត្ត, អារម្មណេ ឆ, អធិបតិយា អដ្ឋ, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ចត្តារិ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស.

ហេតុសភាគំ

ហេតុបច្ចយា អធិបតិយា ចត្តារិ, សហជាតេ សត្ត, អញ្ញមញ្ញេ តីណិ, និស្សយេ សត្ត, វិបាកេ ចត្តារិ, ឥន្ទ្រិយេ ចត្តារិ, មគ្គេ ចត្តារិ, សម្បយុត្តេ តីណិ, វិប្បយុត្តេ តីណិ, អត្ថិយា សត្ត, អវិគតេ សត្ត.

ហេតុសាមញ្ញឃដនា (៩)

៣២. ហេតុ-សហជាត-និស្សយ-អត្ថិ-អវិគតន្តិ សត្ត. ហេតុ-សហជាត-អញ្ញមញ្ញ-និស្សយអត្ថិ-អវិគតន្តិ តីណិ. ហេតុ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ. ហេតុ-សហជាត-និស្សយ-វិប្បយុត្ត-អត្ថិ-អវិគតន្តិ តីណិ. (អវិបាកំ – ៤)

ហេតុ-សហជាត-និស្សយ-វិបាក-អត្ថិ-អវិគតន្តិ ចត្តារិ. ហេតុ-សហជាត-អញ្ញមញ្ញនិស្សយ-វិបាក-អត្ថិ-អវិគតន្តិ ទ្វេ. ហេតុ-សហជាត-អញ្ញមញ្ញ-និស្សយ-វិបាកសម្បយុត្ត-អត្ថិ-អវិគតន្តិ ទ្វេ. ហេតុ-សហជាត-និស្សយ-វិបាក-វិប្បយុត្ត-អត្ថិ-អវិគតន្តិ ទ្វេ. ហេតុ-សហជាត-អញ្ញមញ្ញ-និស្សយ-វិបាក-វិប្បយុត្ត-អត្ថិ-អវិគតន្តិ ឯកំ. (សវិបាកំ – ៥) (សំខិត្តំ.)

(យថា កុសលត្តិកេ, ឯវំ វិត្ថារេតព្ពំ).

អនុលោមំ.

បច្ចនីយុទ្ធារោ

៣៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ. (៣)

សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស សហជាតបច្ចយេន បច្ចយោ. (៤)

៣៤. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស សហជាតបច្ចយេន បច្ចយោ. (៣)

អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (១)

អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋអសំកិលេសិកស្ស ធម្មស្ស សហជាតំ, បុរេជាតំ. (២)

សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា សំកិលិដ្ឋសំកិលេសិកស្ស ធម្មស្ស សហជាតំ, បុរេជាតំ. (១)

សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)