៥. សំកិលិដ្ឋត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. សំកិលិដ្ឋសំកិលេសិកំ ធម្មំ បដិច្ច សំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – សំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

សំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – សំកិលិដ្ឋសំកិលេសិកេ ខន្ធេ បដិច្ច ចិត្តសមុដ្ឋានំ រូបំ. (២)

សំកិលិដ្ឋសំកិលេសិកំ ធម្មំ បដិច្ច សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា ឧប្បជ្ជន្តិ ហេតុបច្ចយា – សំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

អសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ អសំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ; ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

២. អសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋអសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋអសំកិលេសិកំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋអសំកិលេសិកេ ខន្ធេ បដិច្ច ចិត្តសមុដ្ឋានំ រូបំ. (២)

អសំកិលិដ្ឋអសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា ឧប្បជ្ជន្តិ ហេតុបច្ចយា – អសំកិលិដ្ឋអសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

អសំកិលិដ្ឋសំកិលេសិកញ្ច អសំកិលិដ្ឋអសំកិលេសិកញ្ច ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – អសំកិលិដ្ឋអសំកិលេសិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

សំកិលិដ្ឋសំកិលេសិកញ្ច អសំកិលិដ្ឋសំកិលេសិកញ្ច ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ ហេតុបច្ចយា – សំកិលិដ្ឋសំកិលេសិកេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (សំខិត្តំ). (១)

១. បច្ចយានុលោមំ

២. សង្ខ្យាវារោ

៣. ហេតុយា នវ, អារម្មណេ តីណិ, អធិបតិយា នវ, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ តីណិ, កម្មេ នវ, វិបាកេ បញ្ច, អាហារេ នវ…បេ… មគ្គេ នវ, សម្បយុត្តេ តីណិ, វិប្បយុត្តេ នវ…បេ… អវិគតេ នវ (សំខិត្តំ.)

(យថា កុសលត្តិកេ វិភត្តំ, ឯវំ វិភជិតព្ពំ.)

២. បច្ចយបច្ចនីយំ

នហេតុបច្ចយោ

៤. សំកិលិដ្ឋសំកិលេសិកំ ធម្មំ បដិច្ច សំកិលិដ្ឋសំកិលេសិកោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

អសំកិលិដ្ឋសំកិលេសិកំ ធម្មំ បដិច្ច អសំកិលិដ្ឋសំកិលេសិកោ ធម្មោ ឧប្បជ្ជតិ នហេតុបច្ចយា – អហេតុកំ អសំកិលិដ្ឋសំកិលេសិកំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… អហេតុកបដិសន្ធិក្ខណេ…បេ… អសញ្ញសត្តានំ ឯកំ មហាភូតំ. (សំខិត្តំ.) (១)

(យថា កុសលត្តិកេ វិភត្តំ, ឯវំ វិភជិតព្ពំ.)

សុទ្ធំ

៥. នហេតុយា ទ្វេ, នអារម្មណេ បញ្ច, នអធិបតិយា ឆ, នអនន្តរេ បញ្ច…បេ… នឧបនិស្សយេ បញ្ច, នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នអាហារេ ឯកំ…បេ… នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច. (សំខិត្តំ.)

៣. បច្ចយានុលោមបច្ចនីយំ

ហេតុទុកំ

៦. ហេតុបច្ចយា នអារម្មណេ បញ្ច, នអធិបតិយា ឆ…បេ… នបុរេជាតេ សត្ត, នបច្ឆាជាតេ នវ, នអាសេវនេ នវ, នកម្មេ តីណិ, នវិបាកេ នវ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច. (សំខិត្តំ.)

៤. បច្ចយបច្ចនីយានុលោមំ

នហេតុទុកំ

៧. នហេតុបច្ចយា អារម្មណេ ទ្វេ…បេ… វិបាកេ ឯកំ…បេ… មគ្គេ ឯកំ…បេ… អវិគតេ ទ្វេ. (សំខិត្តំ.)

បដិច្ចវារោ.

២-៦ សហជាត-បច្ចយ-និស្សយ-សំសដ្ឋ-សម្បយុត្តវារោ

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ វិត្ថារេតព្ពោ.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

៨. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – សំកិលិដ្ឋសំកិលេសិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – សំកិលិដ្ឋសំកិលេសិកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស ហេតុបច្ចយេន បច្ចយោ – សំកិលិដ្ឋសំកិលេសិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – អសំកិលិដ្ឋសំកិលេសិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ អសំកិលិដ្ឋសំកិលេសិកា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ហេតុបច្ចយេន បច្ចយោ – អសំកិលិដ្ឋអសំកិលេសិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ហេតុបច្ចយេន បច្ចយោ – អសំកិលិដ្ឋអសំកិលេសិកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស ហេតុបច្ចយេន បច្ចយោ – អសំកិលិដ្ឋអសំកិលេសិកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៩. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – រាគំ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ. ទិដ្ឋិំ អស្សាទេតិ…បេ… វិចិកិច្ឆំ អារព្ភ…បេ… ឧទ្ធច្ចំ អារព្ភ…បេ… ទោមនស្សំ អារព្ភ…បេ…. (១)

(យថា កុសលត្តិកេ វិភត្តំ, ឯវំ វិភជិតព្ពំ.)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ, សំកិលិដ្ឋសំកិលេសិកេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, ចេតោបរិយញាណេន សំកិលិដ្ឋសំកិលេសិកចិត្តសមង្គិស្ស ចិត្តំ ជានន្តិ; សេក្ខា វា បុថុជ្ជនា វា សំកិលិដ្ឋសំកិលេសិកេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, កុសលេ និរុទ្ធេ វិបាកោ តទារម្មណតា ឧប្បជ្ជតិ; សំកិលិដ្ឋសំកិលេសិកេ ខន្ធេ អស្សាទេន្តិ អភិនន្ទន្តិ…បេ… ទោមនស្សំ ឧប្បជ្ជតិ, អកុសលេ និរុទ្ធេ វិបាកោ តទារម្មណតា ឧប្បជ្ជតិ. សំកិលិដ្ឋសំកិលេសិកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

១០. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ; ឈានា វុដ្ឋហិត្វា ឈានំ បច្ចវេក្ខតិ, អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, ចក្ខុំ អនិច្ចតោ ទុក្ខតោ អនត្តតោ វិបស្សន្តិ; សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អសំកិលិដ្ឋសំកិលេសិកេ ខន្ធេ អនិច្ចតោ ទុក្ខតោ អនត្តតោ វិបស្សន្តិ; ទិព្ពេន ចក្ខុនា រូបំ បស្សន្តិ, ទិព្ពាយ សោតធាតុយា សទ្ទំ សុណន្តិ, ចេតោបរិយញាណេន អសំកិលិដ្ឋសំកិលេសិកចិត្តសមង្គិស្ស ចិត្តំ ជានន្តិ. អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ. រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. អសំកិលិដ្ឋសំកិលេសិកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ…បេ… ទោមនស្សំ ឧប្បជ្ជតិ; បុព្ពេ សុចិណ្ណានិ អស្សាទេតិ…បេ… ឈានា វុដ្ឋហិត្វា ឈានំ អស្សាទេតិ…បេ… ចក្ខុំ អស្សាទេតិ. ផោដ្ឋព្ពេ… វត្ថុំ… អសំកិលិដ្ឋសំកិលេសិកេ ខន្ធេ អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ… ទោមនស្សំ ឧប្បជ្ជតិ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ. អរិយា ចេតោបរិយញាណេន អសំកិលិដ្ឋអសំកិលេសិកចិត្តសមង្គិស្ស ចិត្តំ ជានន្តិ. អសំកិលិដ្ឋអសំកិលេសិកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

អធិបតិបច្ចយោ

១១. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – រាគំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ; ទិដ្ឋិំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – សំកិលិដ្ឋសំកិលេសិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ. សហជាតាធិបតិ – សំកិលិដ្ឋសំកិលេសិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – សំកិលិដ្ឋសំកិលេសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

១២. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ, ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ. សហជាតាធិបតិ – អសំកិលិដ្ឋសំកិលេសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ សុចិណ្ណានិ គរុំ កត្វា អស្សាទេតិ អភិនន្ទតិ…បេ… ឈានា វុដ្ឋហិត្វា ឈានំ គរុំ កត្វា អស្សាទេតិ អភិនន្ទតិ…បេ… ចក្ខុំ គរុំ កត្វា អស្សាទេតិ អភិនន្ទតិ…បេ… ផោដ្ឋព្ពេ…បេ… វត្ថុំ អសំកិលិដ្ឋសំកិលេសិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – និព្ពានំ មគ្គស្ស, ផលស្ស អធិបតិបច្ចយេន បច្ចយោ. សហជាតាធិបតិ – អសំកិលិដ្ឋអសំកិលេសិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ. សហជាតាធិបតិ – អសំកិលិដ្ឋអសំកិលេសិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – អសំកិលិដ្ឋអសំកិលេសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អនន្តរបច្ចយោ

១៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សំកិលិដ្ឋសំកិលេសិកា ខន្ធា បច្ឆិមានំ បច្ឆិមានំ សំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – សំកិលិដ្ឋសំកិលេសិកា ខន្ធា វុដ្ឋានស្ស អនន្តរបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសំកិលិដ្ឋសំកិលេសិកា ខន្ធា បច្ឆិមានំ បច្ឆិមានំ អសំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… អាវជ្ជនា អសំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – អាវជ្ជនា សំកិលិដ្ឋសំកិលេសិកានំ ខន្ធានំ អនន្តរបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អនន្តរបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស … អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (៣)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា អសំកិលិដ្ឋអសំកិលេសិកា ខន្ធា បច្ឆិមានំ បច្ឆិមានំ អសំកិលិដ្ឋអសំកិលេសិកានំ ខន្ធានំ អនន្តរបច្ចយេន បច្ចយោ. មគ្គោ ផលស្ស… ផលំ ផលស្ស អនន្តរបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អនន្តរបច្ចយេន បច្ចយោ – ផលំ វុដ្ឋានស្ស អនន្តរបច្ចយេន បច្ចយោ. (២)

សមនន្តរបច្ចយាទិ

១៤. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស សមនន្តរបច្ចយេន បច្ចយោ…បេ… សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ …បេ…. បកតូបនិស្សយោ – រាគំ ឧបនិស្សាយ បាណំ ហនតិ…បេ… សង្ឃំ ភិន្ទតិ…បេ… ទោសំ ឧបនិស្សាយ បាណំ ហនតិ…បេ… សង្ឃំ ភិន្ទតិ. រាគោ…បេ… បត្ថនា រាគស្ស…បេ… បត្ថនាយ ឧបនិស្សយបច្ចយេន បច្ចយោ. បាណាតិបាតោ បាណាតិបាតស្ស ឧបនិស្សយបច្ចយេន បច្ចយោ…បេ… និយតមិច្ឆាទិដ្ឋិ និយតមិច្ឆាទិដ្ឋិយា ឧបនិស្សយបច្ចយេន បច្ចយោ…បេ…. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – រាគំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, ឈានំ… វិបស្សនំ… អភិញ្ញំ ឧប្បាទេតិ, សមាបត្តិំ ឧប្បាទេតិ…បេ… បត្ថនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. រាគោ…បេ… បត្ថនា សទ្ធាយ…បេ… កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. បាណំ ហន្ត្វា តស្ស បដិឃាតត្ថាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, ឈានំ ឧប្បាទេតិ, វិបស្សនំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ…បេ… សង្ឃំ ភិន្ទិត្វា តស្ស បដិឃាតត្ថាយ ទានំ ទេតិ, សីលំ សមាទិយតិ, ឧបោសថកម្មំ ករោតិ. អកុសលំ កម្មំ វិបាកស្ស ឧបនិស្សយបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ. បកតូបនិស្សយោ – រាគំ ឧបនិស្សាយ មគ្គំ ឧប្បាទេតិ, ផលសមាបត្តិំ សមាបជ្ជតិ. ទោសំ…បេ… បត្ថនំ ឧបនិស្សាយ មគ្គំ ឧប្បាទេតិ, ផលសមាបត្តិំ សមាបជ្ជតិ. រាគោ…បេ… បត្ថនា មគ្គស្ស… ផលសមាបត្តិយា ឧបនិស្សយបច្ចយេន បច្ចយោ. (៣)

១៥. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. សីលំ… សុតំ… ចាគំ… បញ្ញំ… កាយិកំ សុខំ… កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. សទ្ធា…បេ… សេនាសនំ សទ្ធាយ…បេ… កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. កុសលំ កម្មំ វិបាកស្ស ឧបនិស្សយបច្ចយេន បច្ចយោ. បឋមស្ស ឈានស្ស បរិកម្មំ បឋមស្ស ឈានស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ…. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ បាណំ ហនតិ…បេ… សង្ឃំ ភិន្ទតិ, សទ្ធា…បេ… សេនាសនំ រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស…បេ… ទុតិយស្ស មគ្គស្ស…បេ… តតិយស្ស មគ្គស្ស…បេ… ចតុត្ថស្ស មគ្គស្ស ឧបនិស្សយបច្ចយេន បច្ចយោ. (៣)

១៦. អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ… ទុតិយោ មគ្គោ តតិយស្ស មគ្គស្ស…បេ… តតិយោ មគ្គោ ចតុត្ថស្ស មគ្គស្ស…បេ… មគ្គោ ផលសមាបត្តិយា ឧបនិស្សយបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបត្តិំ សមាបជ្ជន្តិ, សង្ខារេ អនិច្ចតោ ទុក្ខតោ អនត្តតោ វិបស្សន្តិ. មគ្គោ អរិយានំ អត្ថប្បដិសម្ភិទាយ…បេ… ឋានាឋានកោសល្លស្ស ឧបនិស្សយបច្ចយេន បច្ចយោ. ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ. (២)

បុរេជាតបច្ចយោ

១៧. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ; សោតំ… ឃានំ… ជិវ្ហំ… កាយំ… រូបេ… សទ្ទេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុ អសំកិលិដ្ឋសំកិលេសិកានំ ខន្ធានំ បុរេជាតបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. សោតំ…បេ… ផោដ្ឋព្ពេ… វត្ថុំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. វត្ថុបុរេជាតំ – វត្ថុ សំកិលិដ្ឋសំកិលេសិកានំ ខន្ធានំ បុរេជាតបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស បុរេជាតបច្ចយេន បច្ចយោ – វត្ថុ អសំកិលិដ្ឋអសំកិលេសិកានំ ខន្ធានំ បុរេជាតបច្ចយេន បច្ចយោ. (៣)

បច្ឆាជាតបច្ចយោ

១៨. សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា សំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អសំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អសំកិលិដ្ឋអសំកិលេសិកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

១៩. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អាសេវនបច្ចយេន បច្ចយោ – បុរិមា បុរិមា សំកិលិដ្ឋសំកិលេសិកា ខន្ធា បច្ឆិមានំ បច្ឆិមានំ សំកិលិដ្ឋសំកិលេសិកានំ ខន្ធានំ អាសេវនបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អាសេវនបច្ចយេន បច្ចយោ – បុរិមា បុរិមា…បេ… អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អាសេវនបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (២)

កម្មបច្ចយោ

២០. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សំកិលិដ្ឋសំកិលេសិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សំកិលិដ្ឋសំកិលេសិកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. នានាក្ខណិកា – សំកិលិដ្ឋសំកិលេសិកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស កម្មបច្ចយេន បច្ចយោ – សំកិលិដ្ឋសំកិលេសិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អសំកិលិដ្ឋសំកិលេសិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – អសំកិលិដ្ឋសំកិលេសិកា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អសំកិលិដ្ឋអសំកិលេសិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. នានាក្ខណិកា – អសំកិលិដ្ឋអសំកិលេសិកា កុសលា ចេតនា វិបាកានំ អសំកិលិដ្ឋអសំកិលេសិកានំ ខន្ធានំ កម្មបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស កម្មបច្ចយេន បច្ចយោ – សហជាតា អសំកិលិដ្ឋអសំកិលេសិកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស កម្មបច្ចយេន បច្ចយោ – សហជាតា អសំកិលិដ្ឋអសំកិលេសិកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយោ

២១. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិបាកបច្ចយេន បច្ចយោ – វិបាកោ អសំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ អសំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ វិបាកបច្ចយេន បច្ចយោ =១៩ …បេ… ទ្វេ ខន្ធា ទ្វិន្នំ ខន្ធានំ…បេ… ខន្ធា វត្ថុស្ស វិបាកបច្ចយេន បច្ចយោ. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស វិបាកបច្ចយេន បច្ចយោ – វិបាកោ អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ…. (១)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិបាកបច្ចយេន បច្ចយោ – វិបាកា អសំកិលិដ្ឋអសំកិលេសិកា ខន្ធា ចិត្តសមុដ្ឋានានំ រូបានំ វិបាកបច្ចយេន បច្ចយោ. (២) អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស វិបាកបច្ចយេន បច្ចយោ – វិបាកោ អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា…បេ…. (៣)

អាហារបច្ចយោ

២២. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អាហារបច្ចយេន បច្ចយោ… តីណិ.

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អាហារបច្ចយេន បច្ចយោ – អសំកិលិដ្ឋសំកិលេសិកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ.

អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អាហារបច្ចយេន បច្ចយោ… តីណិ.

ឥន្ទ្រិយបច្ចយោ

២៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ឥន្ទ្រិយបច្ចយេន បច្ចយោ… តីណិ.

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស ឥន្ទ្រិយបច្ចយេន បច្ចយោ – អសំកិលិដ្ឋសំកិលេសិកា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ… ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ. រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ.

អសំកិលិដ្ឋអសំកិលេសិកោ ធម្មោ… តីណិ.

ឈានបច្ចយាទិ

២៤. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ.

វិប្បយុត្តបច្ចយោ

២៥. សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – សំកិលិដ្ឋសំកិលេសិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – សំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – អសំកិលិដ្ឋសំកិលេសិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ អសំកិលិដ្ឋសំកិលេសិកា ខន្ធា កដត្តារូបានំ វិប្បយុត្តបច្ចយេន បច្ចយោ. ខន្ធា វត្ថុស្ស…បេ… វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ. វត្ថុ អសំកិលិដ្ឋសំកិលេសិកានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – អសំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ សំកិលិដ្ឋសំកិលេសិកានំ ខន្ធានំ វិប្បយុត្តបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ អសំកិលិដ្ឋអសំកិលេសិកានំ ខន្ធានំ វិប្បយុត្តបច្ចយេន បច្ចយោ. (៣)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អសំកិលិដ្ឋអសំកិលេសិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – អសំកិលិដ្ឋអសំកិលេសិកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយោ

២៦. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – សំកិលិដ្ឋសំកិលេសិកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – សំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ច អសំកិលិដ្ឋសំកិលេសិកស្ស ច ធម្មស្ស អត្ថិបច្ចយេន បច្ចយោ – សំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា…បេ…. (៣)

២៧. អសំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – អសំកិលិដ្ឋសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… បដិសន្ធិក្ខណេ…បេ… អសញ្ញសត្តានំ ឯកំ មហាភូតំ តិណ្ណន្នំ មហាភូតានំ អត្ថិបច្ចយេន បច្ចយោ…បេ… បុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សតិ. សោតំ…បេ… កាយំ… រូបេ…បេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សតិ, ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស អត្ថិបច្ចយេន បច្ចយោ. ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ អសំកិលិដ្ឋសំកិលេសិកានំ ខន្ធានំ អត្ថិបច្ចយេន បច្ចយោ. បច្ឆាជាតា – អសំកិលិដ្ឋសំកិលេសិកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. កពឡីការោ អាហារោ ឥមស្ស កាយស្ស…បេ… រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ. (១)

អសំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ. បុរេជាតំ – ចក្ខុំ អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ; វត្ថុំ អស្សាទេតិ…បេ… វត្ថុ សំកិលិដ្ឋសំកិលេសិកានំ ខន្ធានំ អត្ថិបច្ចយេន បច្ចយោ. (២)

អសំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អត្ថិបច្ចយេន បច្ចយោ. បុរេជាតំ – វត្ថុ អសំកិលិដ្ឋអសំកិលេសិកានំ ខន្ធានំ អត្ថិបច្ចយេន បច្ចយោ. (៣)

២៨. អសំកិលិដ្ឋអសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស អត្ថិបច្ចយេន បច្ចយោ – អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ អត្ថិបច្ចយេន បច្ចយោ…. (១)

អសំកិលិដ្ឋអសំកិលេសិកោ ធម្មោ អសង្កិលិដ្ឋសំកិលិសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – អសំកិលិដ្ឋអសំកិលេសិកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – អសំកិលិដ្ឋអសំកិលេសិកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

អសំកិលិដ្ឋអសំកិលេសិកោ ធម្មោ អសំកិលិដ្ឋសំកិលេសិកស្ស ច អសំកិលិដ្ឋអសំកិលេសិកស្ស ច ធម្មស្ស អត្ថិបច្ចយេន បច្ចយោ – អសំកិលិដ្ឋអសំកិលេសិកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…. (៣)

២៩. អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – អសំកិលិដ្ឋអសំកិលេសិកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – អសំកិលិដ្ឋអសំកិលេសិកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – អសំកិលិដ្ឋសំកិលេសិកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (១)

អសំកិលិដ្ឋសំកិលេសិកោ ច អសំកិលិដ្ឋអសំកិលេសិកោ ច ធម្មា អសំកិលិដ្ឋអសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – អសំកិលិដ្ឋអសំកិលេសិកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ…. (២)

សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា សំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – សំកិលិដ្ឋសំកិលេសិកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ… ទ្វេ ខន្ធា…បេ…. (១)

សំកិលិដ្ឋសំកិលេសិកោ ច អសំកិលិដ្ឋសំកិលេសិកោ ច ធម្មា អសំកិលិដ្ឋសំកិលេសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – សំកិលិដ្ឋសំកិលេសិកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. បច្ឆាជាតា – សំកិលិដ្ឋសំកិលេសិកា ខន្ធា ច កពឡីការោ អាហារោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – សំកិលិដ្ឋសំកិលេសិកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

នត្ថិ-វិគតាវិគតបច្ចយា

៣០. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.

១. បច្ចយានុលោមំ

២. សង្ខ្យាវារោ

សុទ្ធំ

៣១. ហេតុយា សត្ត, អារម្មណេ ឆ, អធិបតិយា អដ្ឋ, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ តេរស, ឧបនិស្សយេ អដ្ឋ, បុរេជាតេ តីណិ, បច្ឆាជាតេ តីណិ, អាសេវនេ តីណិ, កម្មេ សត្ត, វិបាកេ ចត្តារិ, អាហារេ សត្ត, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ បញ្ច, អត្ថិយា តេរស, នត្ថិយា សត្ត, វិគតេ សត្ត, អវិគតេ តេរស.

ហេតុសភាគំ

ហេតុបច្ចយា អធិបតិយា ចត្តារិ, សហជាតេ សត្ត, អញ្ញមញ្ញេ តីណិ, និស្សយេ សត្ត, វិបាកេ ចត្តារិ, ឥន្ទ្រិយេ ចត្តារិ, មគ្គេ ចត្តារិ, សម្បយុត្តេ តីណិ, វិប្បយុត្តេ តីណិ, អត្ថិយា សត្ត, អវិគតេ សត្ត.

ហេតុសាមញ្ញឃដនា (៩)

៣២. ហេតុ-សហជាត-និស្សយ-អត្ថិ-អវិគតន្តិ សត្ត. ហេតុ-សហជាត-អញ្ញមញ្ញ-និស្សយអត្ថិ-អវិគតន្តិ តីណិ. ហេតុ-សហជាត-អញ្ញមញ្ញ-និស្សយ-សម្បយុត្ត-អត្ថិ-អវិគតន្តិ តីណិ. ហេតុ-សហជាត-និស្សយ-វិប្បយុត្ត-អត្ថិ-អវិគតន្តិ តីណិ. (អវិបាកំ – ៤)

ហេតុ-សហជាត-និស្សយ-វិបាក-អត្ថិ-អវិគតន្តិ ចត្តារិ. ហេតុ-សហជាត-អញ្ញមញ្ញនិស្សយ-វិបាក-អត្ថិ-អវិគតន្តិ ទ្វេ. ហេតុ-សហជាត-អញ្ញមញ្ញ-និស្សយ-វិបាកសម្បយុត្ត-អត្ថិ-អវិគតន្តិ ទ្វេ. ហេតុ-សហជាត-និស្សយ-វិបាក-វិប្បយុត្ត-អត្ថិ-អវិគតន្តិ ទ្វេ. ហេតុ-សហជាត-អញ្ញមញ្ញ-និស្សយ-វិបាក-វិប្បយុត្ត-អត្ថិ-អវិគតន្តិ ឯកំ. (សវិបាកំ – ៥) (សំខិត្តំ.)

(យថា កុសលត្តិកេ, ឯវំ វិត្ថារេតព្ពំ).

អនុលោមំ.

បច្ចនីយុទ្ធារោ

៣៣. សំកិលិដ្ឋសំកិលេសិកោ ធម្មោ សំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

សំកិលិដ្ឋសំកិលេសិកោ ធម្មោ អសំកិលិដ្ឋសំកិលេសិកស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

សំកិលិដ្ឋសំកិលេសិកោ ធម្មោ អសំកិលិដ្ឋអសំកិលេសិកស្ស ធម្មស្ស ឧបនិស្សយបច្ចយេន បច្ចយោ. (៣)